شو رايكم في الهامر H3

C A D I L L A C @user_3378 · 01-02-2006

اخواني الاعزاء

الوالد ناوي يشتري هامر H3 2006

ابا اعرف شو رايكم
هل هي زينه

قويه في الرمل؟؟

سعرها مناسب و لا لا؟

سعرها رقم 3 ب 129 الف
و رقم 2 ب 144 الف
و3 ب 155
طبعا الفرق عن رقم 3 و 1 و2 هو فتحة الصقف و الجلد و بعض الاكسسوارات الخارجيه و رنقات كروم لقم واحد

اعتقد ابويه يبا رقم3 لأنه الفروق قليله (اكسسوارات يقدر يشتريها )

المهم انتو شو رايكم تشجعونه و لا لا لأنه خلاص مقتنع فيها و عايبتنه

salehhd @user_17805 · 03-02-2006

كلام الاخ قمر رائع

واعتقد ان الجراند شروكي خيار ممتاز

ابو نوال @user_19436 · 03-02-2006

بالنسبة لطلب الوالد في سيارات قد يكون في سعر ومنافسة لل h3كالاتي ارتبها حسب الافضل من وجهة نظري :
1- المورانو:فخامة وشكل رياضي وجودة ياباني وفخامه امريكي
2- الطوارق: فخامه وجودة اوربيه
3-الجراند شيروكي : فخامه وقوه وشكله قريب من شكل H3 لكن مشكلته عندنا في السعوديه القطع والوكاله ما ادري في الامارات كيف عندكم
4-لكزس rx330 : ايضا فخم وجوده ياياني
انا افضل انه الوالد يزور معارض هذه السيارات كنوع من اخذ الفكره قبل ما يقرر والله يكتب له الخير ويوفقه

C A D I L L A C @user_3378 صاحب الموضوع · 02-02-2006

هو عن حجم يبا بس اربع ركاب ما يبا ثلاث صفات

حاولت اقنعه بالباثفايندر قال مب حلوهقال لو بتنزل ها الشهر بيشوفها في الوكاله و اذا ما انزلت بيشوف البليزر

اما الراف قال انه بايخ و ما يسوى سعره و صغير

Lexus.Com @user_25700 · 02-02-2006

والله انا اقول خل يتوكل علي الله وياخذه !

ما اعتقد ان الوالد راعي دوس وهسوالف الموتر عزمه عادي جدا

بس شكل جديد وحلوو ..

salehhd @user_17805 · 02-02-2006

السلام عليكم

من رايي يغير راية ويفكر في باثفايندر 2006 او راف فور

سيارات انيقة وقوية وسعرها معقول

ابو نوال @user_19436 · 02-02-2006

والله ياخي ما أعرف اش قولك
الموضوع ذو شقين
مادام الوالد عاجبته وداخله مزاجه خلي يتوكل على الله وياخذها مافي كلام
اما بالنسبة لي شخصيا ما عرف اش المزايا الي فيها
في البر تغرز وثبت عدم جدارتها في هذا الموضوع بدليل تصوير الفيديوا الي في ربع يسحب همر H2
شكل وفخامه اعتقد انه فيه احلى منه
عدد اشخاص 4 فقط
حجم كبير بدون حاجه
لكن اعيد واقول انه الناس اذواق

C A D I L L A C @user_3378 صاحب الموضوع · 02-02-2006

ييعني بشو تنصحونه

لأن الهمر مخلص في الوكاله و بعد شهر بتي دفعه يديده

هو يبغي فورويل مب كبير وايد
مثل حجم الهمر و المورانو و الانفنتي(انا قلتله مورانو قالي شبابي)
لكن ما تزيد عن 130 الف
لأنه ناوي سياره صغيره بعد مثل الافالون (الحجم)
لكن بعده ما فكر هو بس ناوي

راعي ال 8100 @user_22094 · 02-02-2006

والله انا اقولك استاجروه اول وجربوه عجبكم زين على زين يعني لا تشتري علطول

CamSHAFT @user_6565 · 02-02-2006

زي ما تفضل الأخ صالح لو محركها فورتك V8 كان افضل...
بس محرك الــH2 هو صحيح V8 , لكنه قوي جدا..اللي هو فورتيك 6000 سي سي..نفس المكينة هذه هي لليوكون دينالي والجمس 2500
ممكن يركبون له مكينة اليوكون العادي..اللي سعته 5300 سي سي..وهو نفس مكينة الجمس 1500 و بليزر وانفوي (3 مراتب)
المحرك الاخير رائع جدا...صرفيته حلوة مره وعزمه قوي..(450 نيوتن تقريبا)
لو كان الهمر H3 مجهز بهذه المكينة لاشتريته من دون تردد
لكن وما نيل المطالب بالتمني ..........
تحياتي للجميع

salehhd @user_17805 · 02-02-2006

السلام عليكم

الاخ نايت ما شاء الله علية كفى ووفى

والسيارة بالفعل عزمها ضغيف مقارنة بحجمها ووزنها وكذلك مقارنة بالمنافسين

السيارة بشكل اكبر للاستخدام داخل المدينة اكثر من الطرق الوعرة وكان من الفترض ان يكون محركها 8 سلندر مثل h2 لكانت سيارة روعة وقوية ولا اعلم سبب وضع هذا المحرك الضعيف غير الخوف على سحب البساط من h2

ولو تبحث في المنتدى هناك موضوع متكامل عن السيارة

وشكراً

اخوك
صالح

mubarak @user_25329 · 01-02-2006

صح كلام اخويNight Hawk المحرك 5 سليندر ضعيفه على سياره همر لان وزنها ثقيل شوي

CamSHAFT @user_6565 · 01-02-2006

بصراحة يبغى لها تجريب اولا لكي نحكم..
لكن من ناحية نظرية:
السيارة جديدة ومحتاجة لوقت لكي تثبت جدارتها
شكل خارجي جميل جدا..
تشطيبات داخلية فاخرة
___
من ناحية الاداء:
يمكن تكون ضعيفة شوي...لأن محركها 5 سلندر 3.5 لتر ويعطي 220 حصان و 306 نيوتن. متر من عزم التدوير الأقصى
بصراحة اشوف عزمه ضعيف جدا مقارنة بسيارات الدفع الرباعي الاخرى..
مثلا :
باثفايندر: 340
بليزر : 380 تقريبا
لاندكروزر 6 سلندر : 400
لاندكروزر 8 سلندر : 430
باترول 4800 : 450
برادو : 370
اكسبلورر : 360 تقريبا
وكما ترا انه ضعيف جدا..اضف له ان وزنه ثقيل
لكن على كل حال اقول يحتاج للتجربة
والبر يعتمد على السواق قبل كل شي