شبــاب وش رايكم في تخصص اداره اعمال ؟

جزاك الله خير اخوي عشقي حزن ..

على العموم انا اضفتك وانتظر قبولك

هلا وغلا الوافي من ناحيه لهه مستقبل لها مستقبل يالغالي وخاصه بالبنوك فيه اشياء ودي اقولها لك عن النظام نفسه داخل الجامعه وحتى ودي اعلمك باسماء الدكاتره اللي لازم تاخذ عندهم موادك عشان ماتنكب:) ;)
عموما هاذا ايميلي اذا احتجت اي استفسار او حتى الخطه الدراسيه ابشر بعزك:)

[email="f15_555@hotmail.com"]f15_555@hotmail.com[/email]

مشكور اخوي عشقي حزن ماقصرت ..


عقبال مااشوف نفسي عندكم السنه الجايه


بس اللي محيرني ماادري يعني هل ممكن القى وظيفه بعد مااخذ ماجستير اداره و بكلوريوس ؟؟

ولا بصعوبه ؟؟

وماهو مجال الوظائف ؟


وشكرا

هلا اخوي الوافي لا ابد عزيز وغالي اسئل اللي تبي يالغالي
من ناحيه قبولي انا انقلبت دايركت يعني على طول جبت نسبه 92 ادبي ودخلت الحمد الله من دون واسطه يعني من دون تعب وقلق ووجع راس
ومن ناحيه المواد على حسب جدولك انا نزلت لي خمس مواد و عدد الساعات 14 ومن ناحيه ان فيه ايام اوف هو فيه اوف بس قليل انا عندي اوف يوم الثلاثاء بس بس اغلب اللي مستجدين مافيه اوف الا قليل ومن ناحيه المواد صعبه والله يعني فيها حقها

اشكركم اخواني ..

واخوي عشقي حزن ماشاءالله دخلت ها التخصص انا اتمناه وبأذن الله تشوفني السنه الجايه عندكم :D
..

بس ماقلت لي كم نسبتك ؟

وهل قبلوك على طول ولا بواسطات ولا كيف ؟

وكيف المواد هل هي سهله وكثيفه يعني مافيه لا يوم off و لا شي ولا فيه ؟


واشكر اخوي الصقار ويوسف على المرور الكريم منهم ..

اتمنى اني ماازعجتك باسلتي اخوي عشقي حزن


وشكرا

اخي الكريم


الاداره تكتسب اكثر من انها تدرس

فمثلا تجد الكثير من المهندسين مثلا مدراء او مدراء ماليين وهم اصلا مهندسين


ارى ان تتخصص واوافق اخي يوسف 900

لا تزال جامعتنا عقيمة و مستقبلك في يد الدكتور

المستقبل للجامعة الخاصة

وشكرا

هلا اخوي الوافي انا بالتخصص ذا جامعه الملك سعود وتخصصي اداره اعمال وهاذا المستوى الاول لي يعني مستجد التخصص حلو ورايق ومواده حلوه يعني يعني مواده دار . اداراه اعمال قصد اقتصاد . سلم ومعروف نظم قانون بس تبي الصراحه الجامعه حظ يعني اذا طحت بشعبه دكاترتها دمار قل على نفسك السلام وبعدين فيه ماده يسمونها الحفره هي القانون ماينجح فيها الا قليل مررره لانها صعبه وغير كذا تعتمد على مزاج الدكتور يعني اسلئتها اغلبها شرح والدكتور يقيمك ياناجح او راسب
وبعد القصد فيها حقها بس اهم شيء لاتدخل شعبه دكاترها دمار حاول انك تحول مع اول يوم او ثاني يوم للشعبه غيرها
لان انا اعاني الى الان من ماده القصد بسبب دكتور مريض نفسيا . الاختبار الشهري معطينا اختبار 9 صفحات شيء مو طبيعي اسئله خياليه وولد عمي بنفس تخصصي واختباره صفحتين وسهل مره بس الفرق ان دكتوره رهيب ودكتوري غبي والقهر انه سعودي بعد
اتمنى اني افدتك اخوووي ....

مشكوور اخوي نايت هوك ..

بس اخوي هو في نفس ها التخصص وفي جامعه البترول ويقول اوكيه التخصص

لكن يبيله نسبه عاليه ..

وغربه عن الرياض وقلق ..

ومشكور اخوي

حنا بالخدمة يخوي
وتخصصنا غير مرغوب ابد عند الطلاب..حتى دفعتنا 50 شخص بس في جامعة الملك سعود..والباقين اقسام ثانية(نظم معلومات)
يعني لا يقارن عدد طلابنا ابدا بعدد طلاب قسم الهندسة الكهربائية أو المدنية او الكيميائية

على طاري النظم
هي تخصص جميل جدا جدا ويجمع بين علوم الحاسب الالي وادارة الاعمال
والطلاب اللي فيه مرتاحين جدا
ووظايفه كثيرة باذن الله
بصراحة انصحك فيه
وتعتبر خريج كلية حاسب..يعني افضل
وفي البترول يسمى MIS يعني نظم معلومات ادارية..ولكن تحت كلية الادارة الصناعية عندهم...وعموما هذا التخصص يختلف كثيرا بين الجامعات وما فيه شبه اتفاق عليه..من ناحية عدد المواد الادارية مقارنة بالمواد التقنية..بعض الجامعات يكون اقرب للإداري وبعضها اقرب للتقني (علوم حاسب)

واذا عندك اي استفسار تراني حاضر

اشكر اخواني يوسف و نايت هوك ..

ماشاءالله اخوي نايت هوك تخصصك جامد .. بس خريجه كثيرين من جد وكل الدوافير اللي مايفضلون الهندسه والطب على طول يحولون لها القسم وعليه ضغط ..


بس ماشاءالله عليه شكلك دافور . .

انا مشكلتي منيب حق دراسه ابد ابد ..

يعني يادوب اجيب 90% في الثانويه


واكرر شكري لكم اخواني نايت هوك ويوسف

وانتظر مزيد من الردود

والله يالغالي هو تخصص ممتاز جدا وممتع..بس على الله الوظيفة
ما تضمن وظايفه لأن خريجيه كثيرا اولا..
وثانيا وهو الاهم:
الادارة وادارة الاعمال فن اكثر منه علم..
مثلا اكبر الشركات في العالم اغلب اللي يديرها ناس ما قد دخلو ادارة اعمال..يمكن دورات فقط
مثلا:
سابك..ارامكو...الاتصالات...(شركات محلية)...اللي يديرها مهندسين وادراتهم ناجحة جدا
انا شخصيا تخصصي علمي بحت (Computer Science) ومع ذلك افكر اخذ دورات ادارة اعمال من معاهد محترمة
فافضل الشهادات التي تجمع الشقين الاداري + العلمي
تحياتي

تخصص ممتاز بس حاول انك تخصص اكثر مثلا زي

ادارة مالية او تأمين او نظم معلومات ادارية او محاسبة

والجامعة الي تدرستها بلغة الانجليزيه هي جامعة الامير سلطان و كلية اليمامة و اعتقد جامعة الملك فهد

وانا انصحك تدرسها بالانجليزي

وتمنياتي للجميع بالتوفيق

الف شكر اخواني تي ان تي و لكزس وبس ..

ماقصرتوا ..

وانا من رأيي وظائف في القطاع الخاص قد تكون افضل لان الرواتب اعلى .. صح انها تعب بس ياخي الواحد وش يسوي ,,,


المهم اكرر شكري لكم اخواني تي ان تي ولكزس وبس ..

وننتظر ردود زياده

في اعتقادي ان وراها مستقبل باذن الله لكن في القطاع الخاص

خصوصاً بعد انضمام المملكة العربية السعودية لمنظمة التجارة اعتقد راح تكون شركات عالمية كثيرة قادمة خلال الخمس سنوات القادمة

طبعاً في هذه الحاله راح تتوفر وظائف ادارية كثيرة للمواطنين باذن الله

ولا تنسى الاستخارة اذا كنت متردد ان شاء الله تكون فيها خيره

وبالتوفيق,,,