السـلام عليكـم ،،
أنـا عضـو صـارله يتصفـح هذا المنتـدى من فتـرة طـويلة .. عـادةً أقسـام الجيـوب والرحـلات ..
وللأسف هـذي الأقسـام اللي في العـادة يـدور فيهـا الاسـلوب الهـمجـي "الغيـر ثقـافي" ..
سبحـان الله في كـل المنتديـات همّ الأعضـاء وشغـله كلـه في الفيديـوات والقومـات والصـور
ووو .. ما في اسلـوب النقـاش وإن وصـل لحـد المجـادلة "بعـض المـرات" .. ما في كـلام واقعـي
وتفكـير حضـاري أبـداً في معـظم المنتديـات العـربية !! وأقولهـا بالفـم المليـان ... العـربيـة ..!!
فتحـت موضـوع في قسـم سيـارات الدفع الربـاعي يتنـاقش فيـه عن موضـوع الجيـوب بشكـل
عـام وأيهـا تصـنف كـ أفضـل سيـارة بالنسـبة للعضـو ...!! سبحـان الله .. لو بس كـان في
عنـوان الموضـوع كلـمة "صـور" ولا "إهـداء من مشـرفكم إلى ..." لكـان كل النـاس التمّـوا
عليـه وقعـدوا يشكـرون صـاحب الموضـوع ألف شكـر بس عشـان جـاب كم صـورة أقـدر أدور
عليهـم من أي مصـدر وأجيبهـم .. صح إن الصـور تكـون مفيـددة في بعض المنـاسبات لكن مو
دائمـاً .. مواضيـع الصـور دائمـاً تكون في مقدمـة القائمة وبعض المـرات يكون موضـوع
مثبــت !! ليــــــه ؟؟ أنـا من اليـوم وطـالع كل موضـوع اكتبـه بحط عنـوانه ".......+صـور"
وصدقـني ليدخلـه كل صغيـر وكبيـر ويرحب فيـني ألف عضـو عشـان حـاط صـور وعشـان
يزيـد من مشـاركاته ويصيـر مشـرف ... رووحـوا شوفـوا المنتديـات الغـريبة "الغربيـة" كيف
كلـمة شكـراً قليل تـلاقيها .. تلاقـي أكثر الأوقـات تعقيـب قـوي بعـده تعقيـب أقوى منـه ..
ونقاشـات تدور في كل مواضيـع أقسـام المنتـدى ..
على العمـوم أتمنى إن هـذا الموضـوع ما ينحـذف لأي سبـاب كـان ....!!
وأتمنى إن الجمـيع يستفيـد منـه ..
