خطر خطر خطر ؟؟؟وكالة نيسان الحمراني

غريييبه :confused:
اخوي انت متاكد انها اوسخ الصيانات؟!!!
الوكيل عندنا المؤيد وياااكثر الشباب الي اعرفهم عندهم نيسان وماااعمرهم شكو من الوكيل بلعكس يمدحونه وانا اولهم



ياخوي انت تدخل بسيارتك رالي :D

يا جماعة الخير قلنا ان موضوع النقاش ان وكالة الحمراني اسوأ وكالة والموضوع مطروح للتذكير والتحذير واللي يببي يقول ان الالتيما ما تتفكك وان النيسان ما يهربد نقوله اوكيه هذا رأيك ورأي الأقليه لكن مشهوره نيسان بالتفكك مثل ما هي مشهورة لندن بالضباب ، بعدين القصد من طرح الموضوع حتى تنتبه الوكالة لان اذا كثر الكلام عنها راح تحسن تعاملها غصب عنها،
حنا نبي ندق نيسان على راسه لان كثر الدق يفك اللحام واذا كل عضو من اعضاء المنتدى عرف وكالة الحمراني قبل ما يتعامل معها اكيد راح يحذر عشره من غير مرتادي المنتدى وهكذا ويمكن ما تكون وسيله فعاله لكن وش نسوي وحماية المستهلك في سبات عميق منذ انشائها ولا نعرف من هو مديرها اصلا ولا وين مكانها،،،، اجل نبي نحجب الشمس بغربال ونقول وكالتهم زينه لا والله شينه واستهتار وقلة حيا بعد واي واحد مهوب مصدق ان بوية الدرج الوسطي طارت يرسل لي رقم جواله وارسله رسالة وسائط ومنظر الدرج واي واحد يبي يقابلني ويسمع باذنه الطقطقه في المساعدات الله يحييه مع اني رجل محافظ جدا تخيلوا ما غيرت الفحمات وهي قاربت 50 الف كم وهذه تحسب للالتيما كنقطه مميزه لاكن كلامنا كله عن الوكالة وقطع الغيار وبس
للمعلوميه سبق لهم تغيير المساعدات لي على الضمان قبل نص سنه بعد ما طلعوا عيني وكثروا اللي اشتكو من مساعداتها

يا جماعة هذه الصراحه صيانه نيسان اوسخ الصيانات عندي مشكله في البريك وللحين ما سووا لي اي شي وكل مره اروح لهم عن نفس المشكله وباجر ان شاء الله بروح لهم عن نفس السالفه والله المشكله عندي من 1000 كيلوا الحين السياره ماشيه 11000 وصار لها معي 7 شهور وكل بين فتره اروح لهم عن نفس المشكله بس اطلع من البوابه يرجع الصوت ونفس المشكله .

غير هذا مشكله المساعدات صوت الا الكل يشتكي منها طبعا سيارتي هي التيما 2005 اعتقد دفعه شهر 3 ما ادري اي دفعه هي الثانيه او الثالثه

طبعا هذا الحال مو عندكم بس في السعوديه اعتقد في كل دول الخليج انا بصراحه تعاملت مع تويوتا الا في البحرين ونفس الشي مع نيسان واقول لك وبصراحه انه صيانه التويوتا افضل بكثير من نيسان على النهب الا يسوونه بعد عندي افضل من نيسان

اخوي ولد هـــجر تعقيباً على كلامك

انـــــــــا اقول بأن اخونا الحيران هدفة هو فقط ان يسئ الى شي اســـــــــمه نيسان..... وذلك من خلال اكثر ردوده ومشاركاته

ما ادري ليش يمكــــــن القصد وانا اتــــفق معاك باالي قلته انه يبي يمدح تيــوتـا>>>> تويتا احسن شي بالعالم<<<<..... عـــــاد معروفين راعين التويتا بالتعصب؟؟


كل يوم والثاني اقراء مشاركاته >>>> العضو الحيران(((( الالتيما اتهربد وتفكك والدرج طارت بويته والكامري احسن واخوي شاري اكورد ياليتني شريت اكورد الالتيما ماهي سياره انا تحسفت))) ومن هالسب >>>> ما اقول الا على اجر انشالله

مـــع العلم اني ما عمري سمعت احد يقول الالتيما اتهربد
او الدرج طاير<<<
المســــــاعدات فيها عيب الدفعه الألى كلام صحيح و100% وانا اتفق معاك والله العظيم

عزيزي الحيران انا آسف على الكلام الي قلته وارجو انك تكون مــــــنصف بالكلام الي قاعد تقوله مو عشان السيا صار فيها عيب:
في المساعدات >>>وخصوصاً سيارتك الدفـــــــعة الأولى... خلاص ما هي سيره وتقعد تسب الليل والنهار
ياخي كمان فيها مميزات ما هي موجوده بالي غيرها....

اخ زي ما ان الالتيما فيها عيب غيرها فيه عيب وعنــــــــدك مثلاً:
1-اكورد 2006 فيها تنسيم وصوت بالطاره عند المطبات ويقولن بالديكور >>> المصدر كلام اكثر من عضو
2-كامري فهيا عيوب الكل يعرفها
3-جي اس القير ما يعشق زين.... تنسيم هواء.....صوت طقطقه ......مع العلم انها لكزس بي 220 الف


تحياتي ولا تزعل ....

يا شباب
اللي عنده سيارة نيسان والوكيل مطفشه لا يرجعله
يروح لأوتو سيرفس احسن له

طيب الوكيل المشكلة هذى فهمناها

تتفكك هذى قوية اسمحلى روح اسال اى واحد عنده التيما غيرك انت

بعدين بوية الدرج انا مااشوف شئ تغير والسيارة عندى لها حوالى سنة

انا ماأتهمك انك كذاب بس انا عندى التيما ماأشوف شئ من الى تقول

ثانى شئ الى مااعرفة هو الوكيل عندكم هل هو سئ او لا

اما السيارة اسمحلى

لو كلامك صحيح انها تتفكك واللة لابيعها باى سعر بس ياخوى واللة كارفها كرف

وانا اشوف الناس تشتريها لوانها تتفكك ماحد شراها

وانا معك التويوتا كويسة بس مش معنى ان نيسان تعبانة

ياخوى اتمنى انك تطرح الموضوع بدون تعصب

وبدون مجاملة لسيارة او تتكلم عن سيارة انت ماجربتها



وشكرا |3|

أخي الكريم اولا انا ما مدحت الكامري تحديدا لان موضوع النقاش هو الوكالة وليست السيارة وثانياً صحيح في كل سيارة مساؤها وعيوبها والالتيما من هالسيارات وانا اجزم ان السيارة هي الاريح في فئتها والاقوى وعندي موضوع الالتيما 2005 بكل امانه وذكرت فيه ان عيوبها ومزاياها بس الكلام هنا يدور ان وكالة الحمراني وكالة أصبحت سيئة جدا وآمل قراءة الموضوع بشكل دقيق قبل الرد
وللمعلوميه لم يسبق لي بحياتي ان اشتريت سيارة من تويوتا ولا الوالد والاخوان. لكن ابو جميل من خلال فروع الصيانه المنتشره والاعلانات المتكرره عن الصيانه السريعه وحديث مالكي تويوتا وغيره من الوكالات الممتازه هي انجازات تحدثت عن نفسها.
الحين وش مخلي الناس يبتعدون عن الفلكس واجن والباسات والسيات والجاكور .....الخ ، الا الصيانه السيئة وقطع الغيار الغير متوفره
واذا كانت وكالة الحمراني نهجت نفس النهج فأنا انصح اللي بيشتري نيسان يشتري ألماني دام المشكله موجوده عند الوكالتين لأن الالماني امتن واقوى وحديد،
إذاً الحمراني جمع بين السيئين حشفاً وسوء كيل صيانه تعبانه وقطع غيار غير متوفره وسيارات تتفكك وفيها عيوب ويكفيك بوية الدرج الأوسط طارت وهي سيارة 2005 والوكيل يقول ما لي علاقه على ان الشئ ذا صار مع اكثر من شخص من مالكي الالتيما
وللمعلومية عشان ما احد يقول اني اظلم الالتيما
انا ماشي الان قرب 50 ألف كم وما غيرت فحمات أماميه

اخوى الحيران ترى واللة حيرتنا

تقول ان ماقلت ان التيما سيئة

وبعدين تقول انها تهربد وطقطة

وبعدين تقول الوكيل


ياخوى ارسى على بر


ياخى قل ان التيوتا احسن سيارات وفكنا

والكامرى احسن سيارة :D


هذا رايك

لكن ياخوى حنا غير

الى نشوف غير كلامك

وتدرى ياخى لو التيما فيها خربات الزمان كلة غير التيما مافيه :p

وبعدين العيوب فى كل السيارت

فى الاكورد والكامرى وحتى جى اس من الكزس وروح وسال وحد عندة لكزس جى اس

وقول لة وش رايك فى الغير عند التبديل النمر والتنسيم الهواء من النوافذ

الغير فية صوت طقطة ولوتروح الوكالة يقولون هذا شئ عادى

بعدين تنسيم الهواء لو ترو ح الوكالة يقولون هذا شئ عادى وين عادى ونت تمشى ستين يطلع الصوت

قلنا مية وربعين قلنا معليه بس ستين واللة مشكلة سيارة سعرها فوق 200الف |5|

وبعدين ياخوى الحيران اترك عنك المبالغة فى الاسعار :rolleyes:


وانت شوف العيوب الى فى السيارت الثانية مو كل على التيما

وانا قلت من قبل انا عندى التيما واللة ثم واللة سيارة

ماعليها كلام |10|

فرق بين تغيير و توضيب


|3|

الحين لهم شهر وهم على هالطريقه ذي السيارة تدخل عندهم وحلني لين تطلع وبنفسه الموظفين قالوا لي عندي من فترة زحمه شديدة جداً لدرجه ان المفروض تحجز موعد قبل ما تجيب السيارة بامكانك تمر عليهم اي يوم وتشوف بعينك هالشئ صحيح قبل سنه كانت الوكالة ماشي حالها او قبل كم شهر لكن جابوا انواع كثيرة وجديدة الان من السيارات ولا استعدوا لها لا بقطع غيار ولا بمراكز صيانه وترى الحمراني من الوكلاء اللي مالهم مراكز صيانه منتشره زي ابو جميل او الجميح والوعلان شف اخي الكريم مر عليهم وبس اقعد وتفرج على المضاربات عند الاستقبال والهواش وحتى الموظف يوم قالي بعد العيد تستلمها قبل يومين انا ناظرت فيه قال على باله يستهبل: ليش تطالعني بذهول قلت له: صحيح كلامك المفروض ما انذهل لانكم اسوأ وكالة بالمملكة وسكت والله وما رد علي بكلمه

أخوي الحيران كيف تقول رح بنفسك !

و أقولك رايح مدخل سيارتي مرتين ؟؟

و الله إلا الآن ما شفت منهم شئ أبد !


و إذا شفت منب مجامل واقول إنهم زينين !
لا والله بقول إنهم من أقبح و أسؤ الوكلاء

بس ما شفت شئ للحين و لله الحمد :)


أخوك
سيّاف

احب ان اعقب على كلام الاخ اللي يقول انه ودى الالتيما صيانه وصلحوها له وهو يشرب شاهي اقوله مع احترامي الشديد لرأيه ان هذا اسمه ذر الرماد في العيون اذا كان يتكلم عن مراكز الصيانه في الرياض يا اخي رح بنفسك وشف المهاوشات اليومية اللي سيارته لها اسبوع واللي 10 ايام واغلب السيارات الحديثه الالتيما والانفنيتي مالها قطع عند الوكيل غير طلبيه اشوى ما قالنا انهم جابو له كرسي معسل.............
اما نيسان تستحق المقاطعة فاقول نعم لان الوكيل لا يمكن ان يعرف قيمة الزبون الا اذا حس ان الناس واعيه ولا تسكت على الاستهتار
بعدين فيه اكثر من وكالة للسيارات وش اللي يخليك تتركهم عشان تحوس نفسك مع الحمراني

وشهد شاهد من اهلهم :D


عيل النيسان يتهربد هههههههههههههه
عاش التيوتا كخخخخخخخخخخخخخ

شوف اخوي:
ما ينفع معهم الا العين الحمرا
انت رح لهم
وقل لهم عن العيب
اذا قالو السيارة بتجلس شهر-شهرين-سنة
قل ما يخالف وانا ماعندي مانع
بس بما ان هذا عيب تصنيعي..فعطوني سيارة بديلة على بال ما تنجزون شغلكم
او عطوني قيمة اجار سيارة
انا واحد من الشباب صار له زي مشكلتك بماكسيما 2003
بسبب ان ماطور الكهرباء خرب عنده والسيارة تحت الضمان
وكان مثلك مدخلها وقت عيد
قالو له تعال بعد العيد
راح للمدير وقال له الكلام اللي كتبته لك
قال المدير خلاص تعال بكره
ومن بكره يفكون له ماطور ماكسيما جديدة ويحطونها له

انت اعرف كيف تتصرف معهم
اوقف على راسهم..ودائما توجه الى اعلى شخص يمكن ان تتحدث معه
انشب له واحلف انك ما تطلع لين يصير واحد من الاثنين (يعطونك سيارة مؤقتا او بدل استئجار)
تصدق اني تحمست اروح معك للوكالة <=== يموت بالهواش مع الوكالات
تحياتي

صراحة !!

أشك بشكل قوي جدا ً ..

إن هل المنتدى مواضيعه ( سمعه فقط )

و الله مهما قلت الظاهر ما فيه فايده ؟

اللي أراه و أقراه غير اللي أشوفه ليش مدري ؟

عندي ألتيما 2005 !

مرتين رحت لنيسان و الله يقولي كله ساعة ساعتين و إستلمها :)

والله إني أجلس مع الموظف و أشرب قهوتهم <-- لازم ذا دب ياكل و يشرب

وأستلم السيارة بعد ساعتين أو أقل بعد :)

و الله مرتاح .. أنا اللي أشوفه هنا صراحة غير مره !

و الوكالة نيسان الحمراني اللي في خريص ..


كلامكم غريب جداً !!

نفس الطريقة عن الالتيما ومشاكلها !

و الله المساعدات ما فيها ولا شئ السيارة صابرة بحق !


كلت فيها مطبات لين قلت بس !

التراب أدخله الحفريات .. الخ

و السيارة ما شاء الله رائعة !

والله لو فيها عيب لأقوله وبكل صراحة بس و الله ما شفت شئ !!؟؟



أخوكم
سيّاف .

أحاول أرد على اغلب المشاركات واقول اني ما قلت ان الالتيما هي اسوا سيارة ولا موضوع النقاش الالتيما هي زينه ولا شينه
النقاش يدور عن وكالة الحمراني بس انا ذكرت عيوب الالتيما علشان يعرف الجميع ليش انا متضايق ومنزعج وحتى يعتبر غيري من اللي يبون راحة البال ويبون سيارة مهما حصل فيها من عيوب يلقى وكالة على الاقل فيها قطع غيار مهوب صيانه بالايام
هذا موضوع النقاش لاكن انا ذكرت في اكثر من موضوع ميزات الالتيما وعيوبها لاكن اذا كان الوكيل ما وده يعدل العيوب تبوني اسكت عشانها التيما وش فادتني سرعتها وانا الان ماشي وهي تطقطق علي وراحتها وهي مقلقتني وما لقيت عندهم مساعدات يقول طلبيه بعدين اللي يقول بعها اقوله انا شريتها ب 73 الف ويوم نزلتها ما تعدت الخمسينات بالطقاق يعني معقول اخسر 23 الف في ايام معدودة

:confused:

أي واحد عنده نيسان و متأذي من وكيلها بكل بساطة يقوم بمراسلة الشركة الأم

ارسلهم ايميل يتضمن فيه معلومات عن سيارتك من رقم الشاصي الى العطل الموجود. و اخبرهم مدى اهمال الحمراني من حيث التأخير أو سوء الصيانه او .. او .. صدقني كذا احسن طريقة ترد فيها على الوكيل

جربها وشوف ايش بيصير معاك بعد كم يوم!

بالتوفيق للجميع