سؤال لأصحاب جراند شيروكي

ترتفع الحراره .. وبالعين المجرده تشوف المروحة صغيره وبدون مروحتين إظافية مثل السيارات الثانية
وإذا حاولت تضيف مروحتين صغار مثل حقات المرسيدس القديم يبي لك كهربائي صح يشبكها من البطاريه مع دينمو مستقل لأن لو شبكتها من شبكة السياره تتأثر الأنظمه الأكترونيه وتدخل في مشاكل حتى الجديد 2005 نفس المشكله

مشكور خيو صالح
الله يعافيك

السلام عليكم

الاخ نايت هوك بصراحة ما عندي خبرة كثير في السيارة بس واحد من زملاي عنده 2002 وقبل كذا عند لاند 96 يقول الصرفية وحدة
اللي عنده وارد امريكا ويتعبة في تحصيل القطع واسعارها ضعف سعر السعودي

انصحك تسأل الاخ عبدالحق فهو يأتيك بالخبر اليقين

اخ نايت:
مشكور على النصيحة
والشيروكي الكلاسيك مادخل مخي...ماهو رزة مث الجراند
تحياتي
اخ كامري جي ال اي:
الف شكر لك ومعليش كثرنا الاسئلة
ما قصرت
اللي يخليني افكر بالجراند هو ان استاذنا عبدالحق (الفني) معه واحد وما عانى من مشاكله
تحياتي لا الك

اخوي عنده قراند شيروكي موديل 2003 سياره رائعه والتطعيس فيه رائع جدا خاصه لان مكينته قويه و8سلندر وال 4*4 يشتغل اوتوماتيك الى سرعة 80 كلم وبعدها يصير دفع خلفي.. والاحلى من هذا انه اخف من اللاندكروزر والباترول ... وانا طعست فيه اكثر من مره واحلى مافيه اني ولا مره غرزت عليه لكن بجاوبك على اسئلتك :
1- كيف صرفية البنزين:
زي صرفيه الجيوب يعني اذا ماشي بسرعه 200 بيوصلك 250 الى 280 كلم. واذا ماشي بوسط الديره بيوصلك حوالي 400 الى 450 كلم.
2- هل واجهت مشاكل الحرارة مع التطعيس؟؟؟ اذا نعم فهل استطعت التغلب عليها بتركيب مراوح مثلا؟؟
بالنسبه للحراره ماواجهنا فيه شي .
3-بكم تعبيه فل:
ماعندي فكره
4- كيف العزم بالخط (بالطعوس معروف)
بالخط حلو بس تراه ثقيل بالقومه بس جرب تركب له بواجي رياضيه وفلتر رياضي وبتلاحظ انه بيفحط بالقومه (تخيل 4*4 ويفحط بالقومه)
5- كيف الهداوة وعزل الهواء على السرعات العالية؟
حلو ومريح جدا لانه امريكي
6-كيف جودة السيارة..هل عانيت من المشاكل المعروفة بالامريكي....(حرارة-تفككك-سماع اصوات-لمبات تولع في الطبلون):
جوده السياره رائعه بس السياره حسااسه يعني لو انت بتخليها بس للبر ..؟؟ لازم كل فتره تسوي لها صيانه دوريه .. وموضوع التفكيك هذا لابد منه لانك اكيد بتطعس فيها ..
7- كيف خدمات الوكيل:
بصراحه اخوي لي استثناء خاص من الوكاله عشان كذا دايم يسوي صيانته فيها

8- اسعار القطع..(الاستهلاكية خصوصا..بواجي-فحمات-هوبات(دسكات)- فلاتر-شمعات-اي شي ثاني):
شوي غاليه بس تدوم

اخيرا...بكم احصل لي واحد نظيف وماشي اقل من 90 الف؟؟؟
يختلف السعر
في المعارض بتلقى استعمال امريكي 6 سلندر بحوالي 45 الف اقل او اكثر.
ويمكن يوصل لل50 او 55 بالنسبه لل 8 سلندر. وعلى فكره فيه ماكينتين لل 8 سلندر .
واللي عندنا شريناه وكاله ب 110000 فل كامل ومقاعد جلد. لان كان عليه عرض

اتمنى اني افدتك واي سؤال اخر انا حاضر......


وانا نصيحتي لك انك تاخذ شيروكي ستاندر مثل ماقال اخوي night بس ماكينته تكون نظيفه وانا لقيت استعمال امريكي موديل 2001 او 2002 ب 35 الف وبصراحه سعره جدا رائع وكان نظيف مرره ..
او باثفايندر بس يكون فوق 2003 لان ماكينته 250 حصان يعني اقوى من الماكسيما...