اصحاب الباث فيندر ادخلوا هنا تكفون وساعدوا اخوكم فهد ..

هلا اخوي باثفيندر

اخوي بالنسبه للاسئله فأنشالله اللي اعرفه اح اذكره ومحنا مقصرين معاك انشالله


كم يمشك البنزين من كيلو ؟؟ وبكم تعبيه من الـ E الى الـ F ؟؟ (حسب العمله وللاسف انا بالكويت )

وكيفه في الطعوس ,,؟ ( جيد )

وهل فيه فرق بين العادي والتوماتيك في الطعوس ؟؟ ( اكيد الفرق انك تتحكم فيه والعادي قوي جدا )

وهل الـ 2004 دفع خلفي والا دفع رباعي الى سرعه 60 كم \س ؟ ( بااعتقادي الدفع خلفي )

هل استطيع تركيب زينون للنور العالي واخلي النور الواطي اصفر ؟؟ وهل شمعة الباث شمعه وحده والا شمعتين ؟

(تستطيع تركب زينون ) بالنسبه للشمعات شمعه واحده

وهل فيه خرابات كثيره ؟ ( لا يوجد خرابات )

وكيف صيانة الوكاله ,, زينه والا متعبه وتاخذ وقت ؟؟ (نيسان ) يقدرك

هل هو منتشر في المعارض ؟؟ وكم سعر الـ 2004 وكم سعر الـ 2003 اللي اقل من الفل بدرجتين ؟؟ (نعم منتشر ) بالنسبه للسعر مدري عنه )

والنوع اللي اقل من الفل بدرجتين .. يجي بسيدي وكسيت والا بس كسيت ؟ ( نعم يجي سيدي وكاسيت ) لانه عند خويي

وكيف سماعاته قويه وواضحه والا لا ؟؟ وكم سماعه فيه ؟؟ ( سماعته جيده ) بالنسبه للسماعات اعتقادي اربع سماعات اثنين امامي واثنين خلفي

هل اقدر اطيح فيه وارفعه .. ما يظره ؟ ( الرفعه لها مضره والتطييح لها مضره )

حيث لما تطيحه يؤثر على الباككس ولا سمح الله يضرب عندك وتبدل الباككس ويؤثر على السرعه والانسيابيه ،، انا بالترفيع فانا مانصحك لانه يقل التوازن وتؤثر ايضا على السرعه وتقل من عزمها 40 بالميه وتصير مافيها حيل وماانصحك اخوي خلها طبيعيه على مواصفات الوكاله احسن



وهل فيه اصوات مزعجه والا لا ؟؟
حسب استعمالك ،، لكن عند وجود اصوات انصحك تراجع اقرب ورشه للتضبيب خاصتا اذا انت راعي بر


وتنصحوني اخذ فتحه ؟؟ ( الفتحه حلوه لكن الخوف من الخرابات والربالات او انها تخر عليك او في حالة الخراب راح تكلفك بالوكاله كثير )

هل فزته قويه ؟؟ وفي كم يجيب الـ 100 كم \ س ؟؟ ( مو اقوى من الجيب شيروكي )

ومن الصفر الى 100 اعتقد 14 ثانيه

هل تنصحوني اخلي كفرات الوكاله والا اركب كفرات نوعيه ثانيه احسن منها ؟؟ ( تخلي الكفرات اللي عليها ) اذا تبي تعدل بالكفرات نيكلهم


هل فيه فاصل للسرعه ؟؟ على سرعة كم يفصل ؟؟ واذا فيه اقدر افك الفاصل ؟؟ واذا فكيته كم يجيب زياده عن الـ 200 ؟؟
(نعم بوجد فاصل للدبل بسرعة 180 ) مجرب
(تستطيع فصل الدبل )
(اذا فصلته ينزل ميتين وشوي )



واللي يعرف الفروق بين الـ 2004 والـ 2003 ياليت يذكرها ..
( للاسف مو ماعندي خبره بين هاالنوعين )



تحياتي لك

اخوي صالح

ما تقصر واسفين والله تعبتك معاي ,, الله يجزاك الف خير ...


اخوي كامري

<< راح يشتري بطاقه علشان يتصل .... الله يجزاك خير ما تقصر اخوي
واسفين على القلق اللي سويته انا



فهد

اسف للاطاله بالرد ...

اخوي فهد
اولا احب اقولك الله يوصلك بالسلامه
وثانيا... الصور راح تجيك خلال كم يوم لين اصور واجمع الصور القديمه
وثالثا ... هذا رقم وكالة نيسان بالرياض (فرع خريص) 012088800
والتحويله 115 و 130 و 131 اتصل عليهم واستفسر بنفسك عشان تتأكد من جميع المعلومات...
انا حاولت اتصل عليهم بس للأسف مايردون يمكن لاني اتصلت بخارج اوقات الدوام..


وتحياتي

السلام عليكم

ما يهمك لي روحة الى المعارض خلال هالكم يوم لان احد زملاي يدور سيارة ويبيني اروح وياه

وان شاء الله اسأللك

8
8
بالعكس خبر حلو اذا فيه جديد ...

ما تقصر والله اخوي صالح الله يجزاك خير ,,

بس قهر ليتك سالت عن السعر ,,

مشكور وما تقصر



فهد *_^

السلام عليكم

اخ فهد عندي لك خبر بيكدرك

امس مريت المعارض ولفيت فيها حق الدمام

الباث مع الاسف قليل جداً المستخدم لاكن في شي جديد من المشري اقصاد وينباع كاش وما امداني اسأل عن اسعارهم

والله ما تقصر يابطل .. الله يجزاك الف الف خير ..

والله يسمع منك والاقي 2004 في الوكاله .. يارب

وشي حلو انه يمشي 500 وانت تمشي عادي .. بس الرجل حاره هع ما تصبر ..

ومعليش اني رديت متأخر تعرف اني منيب في السعودية وبرجع بعد 5 ايام .. وما عندي نت لذلك اتبهذل من ناحية المقاهي حقتهم تهيء ..

ما تقصر يابطل .. والله يخليك ..

وانشاء الله اول ما اشتري راح اخبرك على طول والاخ صالح بعد اللي ماقصر بس في موضوع ثاني ..


اذا ماعليك امر ياليت تاخذ كم صوره لجيبك من جوا ومن برا .. وترسلها على ايميلي .. [email][email protected][/email]

اذا ما عليك امر .. طبعا

مع حبي وتقصيري لك ..

فهد *_^

هلابك ياخوي ... وبصراحه اختيارك للباثفايندر اختيار في مكانه وبجاوبك على كل اسئلتك لان انا معي باثفايندر موديل 2005 ...

-كم يمشك البنزين من كيلو ؟؟ وبكم تعبيه من الـ E الى الـ F ؟؟
حسب سرعتك ... اذا في وسط الديره يمشيك مابين 400الى 450
واذا كنت تمشي بسرعة 200 فالسياره بتوصلك حوالي 280 كيلو وانا مجربها بنفسي
واذا كنت ماشي بسرعه 120 تمشيك 500 تماما

-وكيفه في الطعوس ,,؟
جباااااااااااااااااار اذا كنت سووواااق

-وهل فيه فرق بين العادي والتوماتيك في الطعوس ؟؟
ماتفرق في حالة كنت سواااق بس العايدي اقووي ب 10 احصنه

-وهل الـ 2004 دفع خلفي والا دفع رباعي الى سرعه 60 كم \س ؟
كل الموديلات دفع خلفي

-هل استطيع تركيب زينون للنور العالي واخلي النور الواطي اصفر ؟؟ وهل شمعة الباث شمعه وحده والا شمعتين ؟
ماتقدر لانها شمعه وحده بس ميزته ان انواره قويه بس تقدر تركب شمعه بس مانصحك فيها لانها مو اصليه ولونها يجي ازرق مو ابيض مثل الاصليه

-وهل فيه خرابات كثيره ؟
لا مافيه خراباااات كثير وماتعرف الورش ابدااا

-وكيف صيانة الوكاله ,, زينه والا متعبه وتاخذ وقت ؟؟
زينه والموظفين مايقصرون ابد بس للاسف انهم خدشوا صدام سيارتي المره اللي راحت ومن يومها مادخلت سيارتي

-هل هو منتشر في المعارض ؟؟ وكم سعر الـ 2004 وكم سعر الـ 2003 اللي اقل من الفل بدرجتين ؟؟
مو مره منتشر بشكل وسعر 2003 حوالي 60 الف لان خويي شراه من حوالي 6 شهور وسعره اكيد نزل بسبب نزول الشكل الجديد وهذه بتكون من صالحك وجرب انك تروح للوكاله وبتلقى بعض موديلات 2004 ماانباعت

-والنوع اللي اقل من الفل بدرجتين .. يجي بسيدي وكسيت والا بس كسيت ؟
فيه 3 انواع لموديل 2005 والدفعات الاخيره ل 2004
الاول : 3.5 ستاندر جنوط عاديه مكيف عادي ومسجل عادي+سي دي من دون بوصله ومن دون مؤشر لدرجه الحراره
الثاني : SE3.5 جنوط كروم مقاس 17ذات لمعها اقوى مكيف الكتروني ومسجل وسي دي الكتروني مؤشر لدرجه الحراره والبوصله + عدادات ليزر + ايرباق للسواق
الثالث: SE3.5 نفس النوع الثاني بس زياده مقاعد جلد + ABS + 6 ايرباق
بالنسبه لموديل 2003 وبداية 2004 ماعندي فكره عنها بس اللي اعرفه ان شكل المقاعد يختلف + والجنوط من دون لمعه +عداد السرعه خلفيته تكون باللون الابيض.
وتأكد ان هناك بعض المواصفات الي تختلف عن بين وكيل الرياض والشرقيه

-وكيف سماعاته قويه وواضحه والا لا ؟؟ وكم سماعه فيه ؟؟
قووووووووووووويه وفيه 4 سماعات + سماعتين لتخفيف الضوضاء

-هل اقدر اطيح فيه وارفعه .. ما يظره ؟
انا شفت اكثر من واحد مطيح السياره بس الطريقه هذه ماراح تخليك تقدر تطعس والترفيع مو زين لان السياره خلقه مرتفعه بس الميزه الحلوه ان ارتفاعها مو عالي جدا

-وهل فيه اصوات مزعجه والا لا ؟؟
ابدا مافي

-وتنصحوني اخذ فتحه ؟؟
اكيد

-هل فزته قويه ؟؟ وفي كم يجيب الـ 100 كم \ س ؟؟
فزته جباااره خاصه اللي فوق 2003 لان مكينته حجمها 3500 سي سي وقوته 250 حصان للقير العادي و240 حصان للاوتو.ويقولو انه نفس ماكينه الجيب الانفينيتي
انا قمت بسيارتي على لومينا S خط وقومه وكان وراي بمسافه بعيده وقمت على ماكسيما 2003 من 0 الى 200

-هل تنصحوني اخلي كفرات الوكاله والا اركب كفرات نوعيه ثانيه احسن منها ؟؟
كفرات الوكاله زينه وماعليها مشاكل

-هل فيه فاصل للسرعه ؟؟ على سرعة كم يفصل ؟؟ واذا فيه اقدر افك الفاصل ؟؟ واذا فكيته كم يجيب زياده عن الـ 200 ؟؟
بالنسبه للي عندي فيه فاصل ويفصل بالضبط عند ال200 وعداد الضغط يكون 4.5 يعني شي حلو واكيد انه الفاصل ينفك بس لاتنسي انها جيب ومرتفع

-واللي يعرف الفروق بين الـ 2004 والـ 2003 ياليت يذكرها :
المقاعد , عداد السرعه , لون الجنوط , ويمكن المسجل

ملاحظه الاخيره : السياره راسيه بالخط وهذا احلى شي عجبني فيها ..

والالوان اسود وفضي وابيض ....
وان كان عندك اي سؤال انا جاهز ومبروك مقدمااا

اخوك
صالح

8
8
مشكورين والله انكم شويه عليكم حبايبي ,,

الله يخليكم

معنا باث فايندر موديل 2000 وماشي لحد الحين 190000 كم , وبجاوبك على بعض الاسئله :


البترول الفول 90 درهم حوالي يكفي ل 400كم

الصراحه مافهمت الكلمه (( الطعوس )) .. !!!

الزينزن يركب عليه زينزن بحوالي 1000 درهم بدون النور الخفيف
الحمد الله السياره معانا من سنه 1999 شهر أكتوبر بدون أعطال ماشاء الله .

وقطع الغيار رخيصه ومتوفره كل مكان حتى في البقالات ,,,

السياره بها ست سماعات جيدة وليست ممتازه .

السياره فيها أصوات خارجيه مزعجه والانطلاقه تعتبر بطيئه

تقدر تشتري الموديل الجديد بينزل في نصف 2006 وهو موديل أمريكي الصنع ماكينه 4.0 وسعره أبتداء من 110000 لين 130000 من خلال استفساري عن السعر في معرض دبي للسيارات الاخير قبل أسبوع وشكل السياره كان يشبه الارمادا نوعا ما بس سعره غالي شوي .


أرجو أن أكون أفدتك بمعلومات بسيطه .