ما أنصحكم بهذا الدكتور ... (( مشكلة طلاب الجامعه ))

مخربها @user_24088 ..:: TAHOE//YUKON GRP. MEMBER ::.. · 15-12-2005

السلام عليكم ....

ظاهره نجدها منتشره بين طلاب الجامعه وهي الحكم على الدكتور من خلال بعض الطلاب وممكن تلقا دكتور الطلاب نفسهم متناقظين .... يعني اذا انا نجحت عنده امدحه واذا رسبت اسبه واحذر الطلاب منه والمشكله ان الطلاب يصدقون هالكلام .. الحمد لله عمري ماغيرت الشعبه عشان دكتور ماعدا مواد القانون لان أعضاء هيئة التدريس في هذا التخصص 90% منهم غير دقيقين في تقيمهم للطلاب ولي موضوع انشاء الله خاص بهذا التخصص .. اما التخصصات الثانيه فيها دكاتره ينجحون بالجمله الزين والشين ينجح وفيهم اللي يدرس ينجح لكن صدقوني مافيه دكتور يرسب طالب يستحق النجاح الا في التخصص سابق الذكر ...

نصيحتي لكم ماعليكم من كلام الناس لان الطلاب ما يمدحون الا الدكتور اللي ينجح بدون دراسه والله العضيم انا شخصيا درست عند دكاتره يذمونهم الطلاب ونجحت عندهم بمعدلات عاليه ولله الحمد لان أكثر الطلاب يبون يسحبون على المحاظرات ولا يداومون ويدخلون الاختبارات على النيه ويبون ينجحون واذا مانجحوا يقولون والله هالدكتور ماينفع يدقق ظالم و انتبه تنزل الماده عنده ويصير الطلاب مسكين متحطم قبل يبدأ الدوام ويغسل يده من الماده قبل الاختبارات ولما يجي وقت الاختبارات يقول وشلوه ادرس انا عندي عذر على اساس انه مقبول وهو ان الماده انزلت له عند الدكتور الفلاني ...

كلامي عن جامعتي (( جامعة الملك سعود )) ولا عندي اي علم بالجامعات الثانيه ...
تمنياتي لكم بالتوفيق والنجاح ...

مخربها @user_24088 ..:: TAHOE//YUKON GRP. MEMBER ::.. صاحب الموضوع · 18-01-2006

هلا ...

الدكتور الي يبي و يبي و يبي ... هذي مشكله ثانيه ... كل دكتور يحسب ما عند الطلاب الا هو ... خمس مواد وخمس دكاتره وكل دكتور يبي اختباره في الوقت اللي يختاره حتى لو اجمتمع عند الطلاب اخثر من اختبار في نفس اليوم .. ويبي يسلم البحث حقه اللي مكون من 30 صفحه لازم عشان توسيه تروح 600 مكتبه غير مكتبة الجامعه المبجله اللي لما تدخلها ما تعرف وين الله حاطك من التنظيم الجميل الموجود داخل المكتبه ... وكل دكتور يألف المنهج اللي هو يبي ... ممكن تلقالك طالب معك في نفس الماده لكن عند دكتور ثاني ومسهل عليهم المنهج والاختبارات وفالها معهم ودكتورك راص عليك بشكل ما يتصوره عقل ..

بو العابد @user_15343 · 14-01-2006

لا بس في فرق بين الدكتور اللي ينفهم اسلوبه و تعرف شنهو اللي يبي و كيف طريقة أسئلته و بين الدكتور اللي يبي و يبي و يبي ولا تدري شنهو يبي و في النهاية تضيع حتى لو انك فاهم الماده

مخربها @user_24088 ..:: TAHOE//YUKON GRP. MEMBER ::.. صاحب الموضوع · 04-01-2006

اخوي ...

الواحد اذا كان مهتم بالمعدل اكيد راح يهتم بالدراسه مو يسحب ويهجول ويسهر ويستانس وفي الاخير يبي دكتور يقوله تفضل انت ناجح

كلنا نبي نتخرج بمعدلات مرتفعه لكن هذي ما تجي من الدكتور لان مهما كان الدكتور حبيب على قولة الشباب وينجح ولا يدقق في الحظور ماراح يعطيك اكثر D واذا كان اكثر المواد من هالمعدل وانت خلصت مواد الاعداد العام ودخلت في التخصص معناته انت على الاقل الحين في المستوى الخامس يعني هالمعدل راح يخسف معدلك التراكمي لان D بنقطتين وشوف عد الساعات واظربها في 2 وقسمها على عدد الساعات والاترام المهم بحسبة المعدل تلقاه ينزل ما يطلع ...

بو العابد @user_15343 · 02-01-2006

الله يسلمك آسف على التأخير في الرد
أنا خلصت مواد التخصص كلها وكل شي تمام و أكيد الواحد يبي يفهم لكن هم يبي المعدل ماينزل عالشان مواد مالها دخل في التخصص

مخربها @user_24088 ..:: TAHOE//YUKON GRP. MEMBER ::.. صاحب الموضوع · 30-12-2005

حبيبي كلنا نبي نتخرج ....

بس وشلون تبي الدكتور يمشيك وانت مو فاهم ولا شي فيه دكاتره كثير توصل المعلومه وتساعد الطلاب وانت قولي الماده اللي تبي وانا انشاء الله انصحد بدكتور جيد ..

بالتوفيق اخوي بو العابد ...

بو العابد @user_15343 · 28-12-2005

أما انا الحين أهم شي عندي إذا الدكتور يمشي :D زهقت ابي اتخرج

الله يوفق الجميع

مخربها @user_24088 ..:: TAHOE//YUKON GRP. MEMBER ::.. صاحب الموضوع · 27-12-2005

مضبوط اخوي ابو عابد وهذا هو القصد من الموضوع ...

بو العابد @user_15343 · 27-12-2005

كلامك صحيح 100% وانا قديم بعد في الجامعه انا الحين في السنه الخامسه
يعتمد عليك و الأسئله اللي انت تسألها يعني بدال ماتسأل عن التدقيق في الحظور اسأل عن الشرح حقه أوكي ولا لأ

مخربها @user_24088 ..:: TAHOE//YUKON GRP. MEMBER ::.. صاحب الموضوع · 27-12-2005

ابو عابد ....

اوكي انا معك .. اسال عن الشرح لكن اكثر الطلاب يجي يسألني تعرف الدكتور الفلاني ؟؟ اذا قلت له ايه يقول ينجح ؟؟ يمشي الطلاب ؟؟ يحظر يدقق في الحظور غيابه واجد ولا دايم يحظر ... هذي هي نوعية الاسأله اللي اواجهها بحكم اني قديم في الجامعه ..

ما يسألك اذا كان شرحه ممتاز ولا لأ ؟؟ يوصل المعلومه ؟؟ يتقبل اسألت الطلاب

عشان كذا اقولكم اهتمام الطلاب في الاسأله اللي قلت لكم واذا سألت احد عن دكتور راح يجاوبك في نطاق الاسأله السابقه عن النجاح والحظور ....

عشان كذا اقولكم ماعليكم من كلام الطلاب .....

وقلت لكم هذا الكلام ما ينطبق على داكترة القانون ...... لان كلهم ملاحيس :)

بو العابد @user_15343 · 26-12-2005

لا تسمع كلام الطلاب وشوف الدكتور اللي يجيك

انا ولا مره سألت دايما أرتب الجدول على حسب الوقت وليس الدكتور لكن مره تخيب و مره تصيب

السؤال افضل و اسأل اكثر من واحد وشوف الأكثريه شيقولون في دكاتره متفق عليهم انهم دماار و في دكاتره على حسب وفي دكاتره تمام

مخربها @user_24088 ..:: TAHOE//YUKON GRP. MEMBER ::.. صاحب الموضوع · 17-12-2005

مشكور اخوي على الرد ...

ومثل ما قلت مو لازم الجهد الكامل فيه دكاتره يبون يحسون ان هالطالب يبي ينجح ويبي يسوي شي بس بهالاحساس راح يمشيه وفيه دكاتره يبون حظور كامل .. مايبون درجات ولا اختبارات بالذادت في مواد الاعداد العام لما يشوف الدكتور ان والله هالطالب يحظر حظور كامل معناته انه يبي ينجح ولا كان سحب على الاقل محاظره ولا ثنتين وعدم انتاجه في الاختبارات ممكن يكون تقصير في فهمه للماده لان الماده مثلا مو من تخصصه ويقوم يمشيه وينجحه ...

اذا تبي تتأكد من كلامي ابي اي واحد يروح للجامعه ويحط دكتور في راسه ويسأل عنه اكثر من طالب وشوف النتايج .. فيه اللي بيمدحه وفيه اللي يسبه ...

T.N.T @user_8264 · 16-12-2005

اذا انا نجحت عنده امدحه واذا رسبت اسبه

لا يمدح السوق إلا من ربح.

صحيح كلامك يخوي. كثير من الظلاب يبالغ في ظلم الدكاترة ويسمع الواحد عنهم ويحضر كنه داخل حرب مع الدكتور.
المشكلة أن الواحد منهم يأخذ الحكمة من أفواه المجانين. يعني واحد ساحب طول الترم، مايحضر واذا حضر مايجيب بحوث مايتفاعل مع المادة يعني مقصر من راسة لرجولة ويبغى الدكتور ينجحة.

وبصراحة الدكاترة ما يبغون منا جهد كامل إنما جهد بسيط يخليك تنجح وتبدع.