أي الطرق أفضل لإستخراج القوة والعزم من المحرك؟

و مكان الكويلات مغيرينه على فكرة و شرط فيول لاين جديد بالكامل عشان خاطر الديتونيشن :D

و للعلم أن الكوبرا 2003/2004 الفيول لاين فيها ممتاز للـ 800 حصان :)

:p ههههههههههههههههههه سلامت عيونك .... :D انزين لاتقراء الكلام اللي في الموضع بس كحل عيونك بالصوره العريضه (( |6| ياعيني على الكاربون فايبر اللي مغطي المكينه ))

انا ما نا قاري ولا نا راد عليك :(
















لأن Initial D حط صورة عريضة عورتني عيوني من عرض الصفحة :D

الشــــــرطه : مستحيل يعملو محرك من التيتانيوم !!

ولا حتى في الفني كار

الشي الوحيد اللي يعملوه من التيتانيوم هي البلوف و هذا الشي اللي عملته شفر :)

مش الجوده لحالها ..... التبريد له دوره ايضا وفتحات التهويه لها دورها
واللي اهم من هذا كله السائق ....
لانه السائقين اللي يدخلون هالسباقات مش طول السباق راصين الدعسه للاخر .... بالعكس لانه لو رص الدعسه للاخر من أول السباق إلى نهايته مش المحرك لحاله اللي بيتعب !! السائق نفسه هو اللي يتعب وممكن يتسبب على نفسه بحادث خشن بسبب الارهاق ....

يعني ياشباب من الاخر ...... السباق هذا مش مثل ما يتخيله غالبية الاعضاء انه سباق قوة محركات وتحملها وانه دعس على الـ Maximum Limit من أول السباق إلى اخره !! وانما ايضا قوة سواقين وتحملهم واستراتيجيتهم في تخطي المتسابقين اللي قدامهم مع المحافظه على محركات سياراتهم وتواير و و و و .....

لانه مو معقوله انسان عادي يضل كابس ام دعسة الموتر من اول السباق إلى اخاره بدون لا يتعب وانما تلقاه يدعس في لفات معينه ويخفف شويء في بعض الاماكن علشان يرتاح بينما هو يسوق (( يعني مثلا الخطوط المستقيمه في الحلبات )) هذي اماكن ممكن الواحد يرتاح بها وهو داعس لانه مافيها لفات ودعس بريك وتعشيق وماشابه ...




التيتانيوم أغلى من الذهب !!! كيف تبغاهم يصممون محرك كامل بمعدن أغلى من الذهب !!
ممكن أجزاء صغيره من المحرك وليس المحرك كاملا .

انت تقول 500 حصان على 6000 دوره ....... بس المحرك كم !! 7 لتر
والـ BMW قوتها 500 حصان على 8500 دوره او حتى 9000 دوره .... بس لاتنسى انه محركها 5 لتر وينتج نفس قوة محرك الكورفيت اللي بـ 7 لتر ....
ولا تنسى عامل الوزن مهم في السيارات ذات الاداء العالي ....
يعني محرك 5 لتر وزنه أقل من محرك 7 لتر (( أقل القليل راح يكون الفرق 80 كج هذا إذا مش اكثر ولا تنسى انهم بنفس القوه ))



بكل بساطه.......
دورات محرك أكثر = سحبيه للهواء أكثر = احتراق اكثر = قوه اكثر

طبعا دورات محرك اكثر = حمل أكثر على مكونات المحرك ....... لكن
محرك مكوناته خفيفة الوزن = حمل اقل على مكونات المحرك = قدره وامان اكثر على الوصول لدورات أعلى

أنت قلت طور ..... يعني هل المحرك هذا


هو نفسه هذا !!! :rolleyes: ما أعتقد






|15| اللي اعرفه انهم فازوا بالمركز الاول في فئة الـ GT1 فقط في 2004 و 2005
اما السنوات الثالث اللي طافت فكانت من نصيب الفيراري والبنتلي

:eek: الموضوع هذا من متى نازل !! |5| أدري اني متأخر كثير بس حبيت أبدي رايي بالموضوع


؟؟ من اللي يقول هالكلام هذا !! مش شرط انه القوه والعزم تطلع بزيادة السعه فقط !! فيه أكثر من طريقه سواء تركيب تيربو او مكونات محرك أخف وزنا او حتى تخفيف وزن السياره نفسها او حتى تعديل نسب الجير نفسه لاي سياره سواء كانت بمحرك 7 لتر او حتى 2 لتر .............



أكيد العزم بيزيد دام انهم زادوا حجم المحرك من 6 لتر إلى 7 لتر (( هذي حتى الغبي يفهم انه القوه بتزيد ))
لكن انت قارنت الكورفيت مع الـ NSX والبورش في أي حاله !!! انت تقول انه العزم هو الاهم .... الكلام هذا صحيح وانا معاك فيه ولكن هل تحتاج كل هالعزم هذا على طول حتى وانت تتمشى على سرعة 80 داخل المدينه .....!
السيارات الثانيه (( البورش والـ NSX وغيرها وغيرها من اللي محركاتهم اقل من 4 لتر )) صحيح انهم بعزم اقل بس لاتنسى انه هذا مش معناته انهم مايمشون ... فيه شيء اسمه Gear Ratio

مثال من ارض الواقع على انه الـ Gear Ratio ممكن يعوض نقص العزم :
صار قبل كم اسبوع سباق بين 2 من خويياي . واحد عنده مرسيدس e240 موديل 2005 والثاني عنده لومينا اس اس كوبيه موديل 2005 .
طبعا حنا نقارن موتر بـ 170-180 حصان مع من !! مع موتر قوته 350 حصان .....
من تتوقع يروح ..... !! الاتفاق بينا انه السباق يكون قومه إلى الـ TOP SPEED على مسافه طولها 20 كم تقريبا
انا ركبت مع راعي المرسيدس......
1
2
3
في القومه رااااااااااااااااااااااااااااااااااااحت اللومينا عنا كانه احنا واقفين في المرسيدس !! الصراحه ما ألوم المرسيدس لانه فيه فرق في العزم (( العزم مهم للقومات أكثر من القدره الحصانيه وانا قد شرحت هالشيء في أكثر من موضوع سابق )) يعني حنا نقارن موتر مكينه 5.7 مع موتر مكينته 2.6 !!
المهم وصلت سرعتنا للـ 180 و اللومينا راحت عنا بمسافه كبيره جدا (( تقريبا 100 إلى 150 متر ))
وصلنا للـ 200 تدري ايش اللي حصل !! المرسيدس بدأ يسحب اللومينا بشكل واضح....
وصلنا للـ 240 إلا حنا صدام بصدام مع اللومينا اس اس ... فتح لنا راعي اللومينا الخط وصرنا جنب لجنب
250 جنب لجنب (( المرسيدس مقدم نص متر ))
260 جنب لجنب (( المرسيدس مقدم نص متر ))
وانتهى السباق بانه القومه كانت للومينا والخط كان للمرسيدس ....

سباق ثاني انا حضرته ....
بين BMW 330 كوبيه ولومينا اس اس وكلهم 2005 (( انا بختصر في القصه ))
القومه والخط كان من نصيب راعي الـ BMW والصراحه شيء يفشل انه موتر بقوة 350 حصان ينهزم من سياره قوتها 230 حصان فقط !!!


السبب طبعا مش قوة المحرك لانه الـ BMW والمرسيدس ماكانوا بنفس قوة محرك اللومينا ....
السبب معروف وهو موجود في توزيع نسب الجير Gear Ratio

يعني صحيح انه الكورفيت الجديده قويه وبمحرك كبير وعزم عالي وخيالي بس هذا مش معناته انه الـ NSX والبورش وغيرها من السيارات القويه صارت عند الكورفيت مثل الايكو او ماشابه

ارجع واقول فيه اشياء اخرى غير القوه والحجم والعزم علشان تزيد تسارع اي شيء سواء قومه او خط ......

بالنسبه للصرفيه فأعتقد (( أنا قلت اعتقد )) انها بسبب انه المحرك يكون شغال 4 أو حتى ممكن 6 بخاخات .... والباقي يكون مش شغال .... طبعا هذا في حالة الـ Cruise اما في القياده الرياضيه فأكيد راح يكونون 8 بخاخات شغالين .... بس السؤال كم الصرفيه راح تكون !!









أنا ما أقول انه الكورفيت تعبانه ..... بس انت متعصب للكورفيت بشكل خلاك تتغاضى عن اشياء ثانيه مهمه جدا غير القوه وخلاك تقول انه سيارات مثل السوبرا والـ SL600 والايفو والفيراري والبورش وغيرها وغيرها بأنها سيارات مسخره !!
لاتنسى انه هذولي السيارات لو مروا بجنبك راح يلفتون نظرك ونظر اللي حولك بكل بساطه ....
لانهم بكل بساطه سيارات لا يعلى عليها ولها تاريخها .
ايش يكون شعورك لو عندك الجديده اللي قوتها 500 حصان وانت تتمشى فيها وتمر جنبك ايفو ولا سوبرا ....
طبعا اكيد بتجرب معهم ... لكن ايش يكون شعورك لو هالسيارات اللي تقول عنهم مسخره يروحون عنك قومه وخط وانت تناظر في الـ 500 حصان اللي عندك !! وهم محركاتهم تظل أصغر من محرك الكورفيت حتى لو قسمت 7 على 2 !!
مش عيب انك تقارن سياره موقف أنتاجها من 8 سنوات مع سياره موديل 2006 !!!!! (( أقصد السوبرا ))




:D على العموم الله يعطيك كورفيت من الجديد وتكون من أصحاب الكورفيت وليس من عشاقها فقط |1|

على طاري سباق اللومان اذكر وانا اتابع على قناه موتور تي في سباق لومان GT1 ..

المهم في نهايه السباق جاك فايبر من ورى طاااااااااااير ماسك خط ويطب في التراب عند اللفات ويدف السيارات ويوخرون عنه بعض السيارات (( طبعا كل هذا يحسب عليه بلنتي )) وتشوف الدخنه تطلع من ورى .. دخنه بيضاء ...

ويوم قرب عند النهايه انفجرت المكينه :D
وتشوفه على طول ذب على اليمين .. وشوي جابوا خبره وقابلوه قال الحراره عندي مرتفعه وكنت ماخذ مركز ولا خذت هالسياره الا بلنتي واحد من هاللفات اليوم .. ويوم شفت الحراره مرتفعه قلت اضحي وافوز ولكن ضحى ولا فاز :D


اللى ابي اقوله ان حتى لو الضغط نازل .. بيعتمد على جوده المواد المصنوعه .. لكن عموما بيكون اقل جهد من اللى ضغطه عالي

و اتفق معك اذا كنت تقصد انك تركب شواحن بدال ماتوصل بالمكينه الى دوران عالي جدا مثل الفيراري والبي ام دبليو .. لكن هذولا كلهم يستخدمون مكاين كاماتهن فوق وهذا يسبب ضغط عالي في البستن وبكذا بتحصل قوه المكينه في دوران عالي ...

اما الكورفت فهي مكينه تقليديه لكن مصنوعه من التيتانيوم وهالماده جودتها عاليه جدا .. واتوقع انك توصل بها الى 500 حصان وبدوران يوصل الى 6000 افضل من انك تصنع مكينه كاماتها فوق وبلوف واجده وتصغير لفت الكامات وحالتك لله وفي الاخير تجيب اقل من 500 حصان وعلى دوران يوصل الى 9000 دوره !!

الشرطة : روح شوف آخر دورة في اللومنز أعطال السبايدر اللي شاركو باللومنز و شوف اللمبو و شوف السيارات الللي فيها الكمبرشن فوق

كان فيه كذا dead engine بالسباق من فيراري و وحدة من اللمبو و هذول بدون ما ادور لك الكمبرشن فيهم عالي

صح ؟


الله يخلي البورش طلعو فريق ياباني عندهم بورش 911 تيربو على ما اعتقد أخذو مركز متأخر بس شاركو صح و بدون أعطال :)

ضغط نازل و ما يعطي البوست على طول ولا يضغط السلندر على طول هذا الباور آد اللي يخلي المحرك عمره طويل

الموستنج الكوبرا 390 حصان سوبر شارجر 8.5:1 يعني مريح و الضغط عند الدعس يعني عمر طويل بإذن الله و صرفية قليلة

بشار شي طبيعي وعادي وخصوصا اذا استخدمت الشواحن ينزل الضغط .. لان بتستخدم بساتن لو برشر وهذا شي طبيعي وفي السيارات مهب في فورد لحالها ...

لكن تصير في شركات كثيره وكبيره ماتستخدم شواحن ويرتفع الظغط

خذ هذا

http://autos.msn.com/research/compare/default.aspx?src=compare&c=0&n=3&i=0&tb=0&ph1=t0&ph2=t0&dt=1&v=t102082&v=t101307&v=t101456

اودي وبي ام ومرسدس ...

يعني معقوله اودي مكينتها مهيب صابره ولا لها عمر ؟

طيب الفيراري F430 ثمانيه سلندر وحجم مكينتها 4.3 لتر و490 حصان وضغطها 11.3:1

http://autos.msn.com/research/compare/default.aspx?src=compare&c=0&n=3&i=0&tb=0&ph1=t0&ph2=t0&dt=1&v=t101316&v=t101405

كل مافي الموضوع انك اذا استخدمت مكينه بشات رود بتلقى القوه في ظغط اقوى (( لكنه اقل من مكاين كاماتها فوق )) وعزم بزياده حجم المكينه كلها .. طبعا هذا غير شغل الكام واللفت وشغل البلوف ولفتها وطريقه صنع الرووس والحركات هذي ...

يعني اتوقع عمر المحرك في تقنيه قطعه ودقه صناعته .. وهذي وجهه نظري :)

اممممممممممممممم
الرجال كان يبي يوضح انه الكورفت استهلاكه اقل من بعض السيارات مع انه اكبر منهم بالقوة الحصانية فقط لاغير

مع التنبيه الى سعره الاكثر من ممتاز

عالعموم اشكر اخونا اللي كتب الموضوع

انا حطيت فيديو قومه بين كمارو SS وكورفيت C6 Z06 علي غاز و لونغ تيوب و الله أعلم قريت في احد المنتديات انه بعد القومه أخترب علي بلفين ما ادري ثلاثه مو متأكد صراحه !!!!

11.0:1 compression ratio
Camshaft with .591-inch lift

أبي أعرف كيف يعمر الموتر اذا لفته يبيله دفة و يطق الـ 600 و الكمبرشن 11:1 :D

الفورد عمره ما طاف الـ 10.1:1

الموستنج الكوبرا 390 حصان سوبر شارجر 8.5:1 يعني مريح و الضغط عند الدعس يعني عمر طويل بإذن الله و صرفية قليلة :)

عمر المحرك مهم مش اني اعمل سيارة سوبر كار معناته ما بتنساق كثير

انا اشك بعمر المحرك صراحة على هالمواصفات :D

:D لمعلوماتكم فقط حبيت أضيف هالارقام .....


Porshce Carrera GT: 7 min 32 sec
Corvette Z06: 7 min 42 sec
Porshce 996 GT2: 7 min 42 sec
Pagani Zonda S: 7 min 44 sec
Lambo Murcielago: 7 min 50 sec
BMW M3 CSL: 7 min 50 sec
Lambo Gallardo: 7 min 52 sec
Mercedes SLR: 7 min 52 sec
Caterham R500 Superlight: 7 min 55 sec
Honda NSX-R: 7 min 56 sec
Subaru Impreza WRX STi Spec C: 7 min 59 sec
Chevy Corvette C6: 7 min 59 sec
Porsche 911(997): 8 min 07 sec
Ferrari 575M Maranello F1: 8 min 05 sec
Caterham 7 Superlight R: 8 min 06 sec
Mercedes Benz SL55 AMG: 8 min 06 sec
Lamborghini Diablo SV: 8 min 09 sec
Ferrari 360 Modena: 8 min 09 sec
Dodge Viper GTS: 8 min 10 sec
Mitsubishi Evolution IX MR: 8 min 11 sec
BMW Z8: 8 min 15 sec
Holden GTS: 8 min 15 sec
Aston Martin Vanquish: 8 min 17 sec
Subaru Impreza WRX STi: 8 min 24 sec
Mitsubishi Evolution IIV: 8 min 25 sec
Nissan 350Z: 8 min 26 sec
Nissan Skyline GTR: 8 min 28 sec
Mercedes Benz CLK 55 AMG: 8 min 29 sec
Porsche Boxster S: 8 min 32 sec
Honda S2000: 8 min 35 sec
Audi S4: 8 min 42 sec
Jaguar XKR Coupe: 8 min 49 sec
Mercedes CLK 430: 8 min 52 sec







:D اللي فوق كلها سيارات تحت خط الانتاج (( يعني تصنع وتنباع للزبائن العاديين اللي مثلنا ))


|4| اللحين نجي لسيارات السباق هعهعهعهعهعهع

Porsche 956: 6 min 41 sec
Ferrari 312T: 6 min 59 sec
BMW M3 GTR: 7 min 06 sec
Donkervoort D8 RS: 7 min 18 sec
Radical SR3 Turbo: 7 min 19 sec
Opel Astra DTM V8 Coupe: 7 min 20 sec
Blitz Supra: 7 min 21 sec
Alzen Motorsport Porsche 996: 7 min 25 sec
Gemballa Porsche GTR 600 EVO: 7 min 32 sec

مشكورين شباب على الردود وبشار ما أدري وش تتكلم عنه.. إنت أدرى بهالعلوم لكن أود أن ألفت نظرك أن محرك LS7 طور هو ومحرك C6-R ومصممين للعمل في أشد الظروف و لمدة 24 ساعة متواصلة.. ويكفيكم أن الكورفيت هي أكثر سيارة فازت باللومانز في الخمس سنوات الأخيرة متفوقة على سيارات مثل الفيراري والليمبورغيني والأستون مارتن..

ملاحظة محرك LS7 لا يتوفر بتقنية إيقاف عمل نصف الإسطوانات! أي الثمانية شغالين على طول!

الكورفيت Z06 أثبتت جدارتها بوقتها القياسي الذي حققته على حلبة نوربغرينغ في ألمانيا.. أسرع من مرسيدس SLR بعشر ثوان!!

شباب الريف له دخل بالستروك و البور

يعني محركات الإنفنتي VH & VK تشوف البستم صينية و الستروك تبعها صغير فدورات محركها غير لما تجيب محرك فورد 460 اللي ايضاً البستم صينية لاكن الستروك عصاية بلياردو :D

فالريف ما اعتقد انه محور الموضوع

انا أشك في كفائة الكورفت بالنسبة للصرفية لأنه و هي في الـ LS1 كان فيه صرقعة بلوف عالية على دورات عالية يعني ما اعتقد ان البنزين عطى المكينة حقها :) <<< اتهام خطير و رد على الإتهام يا حسين :D

فكيف بالـ C6 ZO6 اللي تقول لي 505 حصان بهالصرفية ؟

بصراحة اشك بعمر المحرك على صعيد الإستخدام الرياضي بدون تعديلات على الفيول لاين أو أقله الإنجكترات :)<<< رد يا حسين :D

و على طاري الإنجكترات كم مقاس انجكترات الكورفت الـ C6 أو الـ C6 ZO6 ؟

تحياتي يا حسين :D

مشكووووور أخوي على المعلومات
ولله يعطيك العافية