إيسوزو الديماكس الأسود!

مشكورين على ردودكم
وكل الشكر لأخونا الوافي ما قصر رايته بيضا الله يخليه

أخوكم أبوأسد|3|

ما شاء الله

مبروك مقدماًً والله يوفقك

لالا انا اقول مب رديء بالعكس حلو وخفيف ماشاءالله و على السرعات العاليه مايرج ولا شي يعني دلع ماشاءالله لكن ماادري يمكن نحس فينا الزيت حق الدركسون صار يقطر ماادري وش فيه


عاد الحين الحمدلله من احسن مايكون

::

بالنسبه لي الديماكس احسن من الهايلوكس بكثير وخاصه اذا كان الديماكس فل كامل

::

ان شاءالله بسال ابوي اليوم ولا تزعل :D

::

اللون الاسود عاد على رايك وذوقك بس يضل الاسود حلو


::

الدبل ياطويل العمر بالنسبه لي انا مافتح الدبل الا وانا موقف تماما وحاط القير على الفاضي .. تعرف دبل الكتروني وتخاف يخبط معك

::

والله بالنسبه للمراتب اللي ورا ماادري عن الفل كامل LS لكن حقنا بصراحه لك عليه شوي

بس اهم شي المراتب اللي قدام ..

::
بالنسبه للعازل الصوتي حق السرعات ماشاءالله تمام التمام .. يعني هو مب مثل السيارات الفخمه لكنه حلو ماشاءالله يعني اتوقع احسن من الهايلوكس والددسن ..

اما بالنسبه لصوت المكينه تعرف مكينتنا ديزل و 2.5 لتر يعني السرعه القصوى 140 ومستحيل ينزل تحت الـ150 في مكان سيده ( مستقيم ) يمكن على دحديره ولا شي .. لاني اذكر اخوي من زمان على نزله المزاحميه جاب فيه بعد الموت 165 تقريبا وانواع الاصوات خخخخخخخ ..

....

اما بالنسبه للمقاوم مع الكامري معليش شكل خويك فقاش مرره :D

مستحييييل يثبت الكامري والف مستحيل بعد

لانك الى الان ماجربته ..

ولو تبي تجرب حقنا انا حاضر والله وراسلني على الخاص


...

وبالنسبه لراحته في الخطوط بصراحه ماشاءالله حلو جدا ونظام اللي يترنح يمين ويسار مثل الهلي حقك هههههههه مااتوقع :D


لان هو ماشاءالله عليه ترا وزن وانسايبيه وكل شي بالرغم انه بيك اب


... وهذا اللي عندي ..

واي شي ابواسد اسئلني لاتحتار فيه ابدا ابدا


وان شاءالله اني اكون وضحت لك اللي تبيه

أولا أحب أشكرك على أجوبتك لأسألتي وطبعا ما بعد خلصنا من الأسئلة :D المهم:

بنسبة للدركسون أنت علمتني بالتفصيل فيه بس نسيت تقولي وش أساس أنك قلت أنه رديئ وضح أكثر يعني:
هل هو فيه رجة وأنت تمشي وعلى سرعة كم! أو عدم ثبات أو حذفة أو ..... ألخ. يعني هو من أول ما أخذتاه كذا ولا سويت فيه بلاوي ههههه كرفته على قراطيسة

وبنسبة لكلامك للبيك أب الباقية مع الهايلكس تقول ماشاء الله ما تخبر هل أنت تقصد الديماكس داخل القائمة ولا خارجها.

وبنسبة للزيت تكفى أسأل أبوك كم يغير عليه لو سمحت :D أو متقيد مثل بعض الناس يقولون شهرياً سواء مشى ولا لا.

بنسبة للون هذا مافي نقاش سواء اخذت ديماكس ولا غيره باخذ لون أسود فقط.

بنسبة للدبل هل تعشق الدبل وأنت تمشي ولا تحب توقف ثم ترص الدبل المكتوب في الكاتلوج يمكن تعشيقه وهو يمشي.

بنسبة للمقاعد الخلفية أعتقد أن الراحة فيها معروف أقل من الأمام بس يمكن نوع الفل LS يخلتف عن STANDRED الي عندك من ناحية حجم المقاعد وراح أتأكد. ولا أنه ما همي إلا أن المراتب الأمامية أنه معجبتني في الراحة يوم سقتها وكانت أكثر راحة من الهايلكس ويمكن أول شيء مخليها مريحة أنها مفصولة.

بنسبة للعازل الصوتي أنا اقصد ما لي شغل في المسجل أنا أهم شيء عندي التنسيم بس هل فيه ولا لا وأذا كان فيه علمني في أي سرعة يطلع وكيف قوي ولا ضعيف لأن الهايلكس الي بعته كان التنيسم يبدا من 100 وأزعاج المكينة تسمعة بقوة مرة من 110 وطالع تقول مافي حاجز عازل بين صوت المكينة والمقصورة الداخلية يعني الهايكلس مزعج بالمرة وزين أني بعتة وأفتكيت منه.
إلا على طاري الأزعاج المكينة هل أزعاج المكينة عادي ولا مزعج وهل مزعج في سرعات معينة ولا طوال الوقت.
بنسبة للقوة أعرف واحد يقولي أن جارهم معه STANDRED نفس الي معك بس دفرنس واحد يعني بدون دبل يقول أنه يجيب الطبلون 180 بالراحة وهذا يعني ما في خوف أن المكينة الأكبر ما تجيب مع أن حدي 160 بس :D وكافية بعد.

أمس واحد قالي سالفة طبعا هو ثقة لدي بس ما أدري عن كلامة المهم يقول:
أنه شاف ديماكس فل كامل(مكينة 3 لتر) مع واحد صغير يقاوم به كامري جديدة 2006 والديماكس يقول يمكن 2005 يقول أن الديماكس مثبت الكامري :D ههههههههههههه طبعا أنا ماني ماخذه علشان مقاوم أنا أهم شيء عندي أنه قوي وحق بر ومريح ومايصرف وممتاز في الخط.

إلا على طاري الخط هو وش رايك فيه في الخطوط مرييييييييييح ولا نص نص ولا عادي.
بنسبة للأنسيابية هل مع الهوى القوي الي يجي مثلا عكس أتجاه السيارة وهي تمشي هل يأثر في أتجاهها يعني بعطيك مثال واقعي:
أنا أيام الهايلكس كنت أروح به وأمر لم الجسر المعلق ثم أمسك خط الدمام طبعا هناك فيه هوى قوي وأذا جيت أمشي بالهايلكس والهواء معاكس لأتجاه السيارة أجد أن الهايكلس يروح يمين ويسار وأنا مثبت الطارة :D الأنسيابية فيه زي الزفت.
هل الديماكس كذا.

معليش على كثرة الأسئلة أخوي الوافي وتسلم لي مقدما على ردك لي

أخوك أبــوأســد|3|

ههههههههههه يارجال حياك الله وحنا كشباب في المنتدى نعين ونعاون ان شاءالله

بالنسبه لاسئلتك

واللهي شوف بالنسبه عن انه رديء انا مااقول انه رديء جدا لكن يعني مشي حالك وانا بصراحه انسان مغير اشقل الدباب فوق وادز للبر ايام البرد :D

بس مهما كان شف الهايلوكسات والسيارات الثانيه البيك اب ( الصندوق )

ماشاءالله تقعد ولا تخرب وبالنسبه لصيانه الوكاله فهي مجانيه بما اني تحت الضمان وهي ماعليها زحمه ولا شي لكن اللي يقهرك انها وكاله وتخيل اللي تسويه بس هو مجرد تلحيم !!

المفروض وكاله يغيرونه

بس يارجال مشي حالك

وبالنسبه للتحميه ياشيخ لو تبي تقعد لين مايطلع العداد لين النص ياشيخ تقعد يوم هههههههههههههههه

لا انا اتكلم لين مايرتفع شعره وحده ويصير على مستوا الشرطه حقت الـC .. طبعا هذا في البرد في الصبح

وبالنسبه للحراره حقت الديماكس 3 لتر فمادري عنها لكن حقنا اذا جلدته وكتمت على ام الدعسه ماشاءالله تبارك الرحمن بعد الموت يوصل الحراره على النص ولله الحمد

وبالنسبه للموديل فهو 2004

بالنسبه للزيوت فأنا بصراحه ماعندي خلفيه عنها الوالد هو اللي يغيرها


بالنسبه للصيانه فهي ماقد قبلت على الوكاله:D

واي معلومات ياالطيب هي انك لاتفكر ومجرد تفكير تاخذ 2.5 لتر .. ياخي سياره كئيبه من ناحيه العزم :D


وانصحك وبقوه باللون العنابي للاسوزو بعكس الاسود .. العنابي ياشيخ يعطيك شكل كنه اسكاليد صحن :D:D <<== لايكثر عاد

وبالنسبه لأيجابياته

1 : استهلاكها جيد جدا ماشاءالله والديزل بصراحه يوفر توفير مب طبيعي يعني انا ياشيخ اعبي بـ5 ريال الانبير يرتفع مره مب مثل الانفنتي ياله اعبي بـ30 ولا 20 علشان يتحرك
2 : الجنوط حقته ( الفل كامل فقط ) تعطيك شكل مجنوووون بصراحه وسياره محترمه في الشارع بدال ماهي صحن

3 : بالرغم من ضعف عزمه في الشارع اللي هو 2.5 لتر الا انه ماشاءالله في البر يمشي وخاصه انك اذا حطيته على الـ4L

سلبيات ::

1 : السياره تقعد سنه عبال ماتحمى وهذي نقطه ناقشناها

2 : اللي يركب ورا الله يعينه ولازم يسوي مساج كااامل بعد مايخلص لانه يكسر الظهر من جد :D

3 : العزل الصوتي تعبان جدا للسياره مثلا انا مولع المسجل وحاط الصوت على ارتفاع معين اللي برا عادي يسمعه مب لان السماعات قويه ههههههههه لالا علشان العزل ماادري وش فيه بعكس اني اذا مشيت 140 مثلا العزل الهوائي اللي برا ممتاز مره ماشاءالله

******
وهذا اللي عندي واخوي ابواسد اي سؤال ولا شي مايردك الا لسانك وان شاالله اني اكون وفيت معك في الرد وجاوبتك على الاسئله


وشكرا

مشكور أخوي الوافي على ردك ومرورك للموضوع
بنسبة لي أستفسار أخر

وهو الي الأقتباس الي أخذته من ردك السابق الي وضحته بالأحمر
كيف يعني رديء جدا وش شفت منه عيوب وش فعلت الوكالة بالسيارة بالتفصيل الممل وكم التكاليف أذا كان عليك التصليح! وكم كنت ماشي وهذا الخراب حدث وهل دخلت به البر مثلا ثم صارت هذي المشكلة ولا ما بعد شم البر.
وبنسبة للتحمية تقول أنت 10 دقايق إلى 15 دقيقة يعني هو متى بالضبط ترتفع الحرارة شعرة بس :D <<< متعود بس يتحرك لمبير الحرارة يمشي على طوووووووول هههههه
وأذكر أني جربته في الوكالة مكينة 3 لتر الحرارة فوق النصف طبعا هذا في الصيف هل هذا معك أيضا في الديماكس الي عندكم.
وبنسبة كم موديل الديماكس الي عندكم.
وعلى فكرة أنت كل كم كيلو تغير الزيت وأي نوع تحط ووش ترى افضل نوع لزيت الديزل.
وهل أنت تتقيد بالصيانة الدورية للوكالة أو ما همك فيها أبدا لأني شفت أشياء كثيرة لازم لها أهتمام زي زيت الدفرنس له فترة معينة وتغيرة وكذلك زيت القير وزيت المكينة وفلتر الزيت وفلتر الديزل يعني أشياء أستهلاكية في الديزل.
وأذا كنت محافظ عليها هل هي متعبة بنسبة لكثرتها أو عادي :).

يعني عارف أني بطول عليك في الأسألة بس تخبر الواحد أذا قرب يشتري :D كنت بشتريها قبل أيام بس قلت ما راح أستعجل أصبر شوي العجلة مهب زينة.
وأذا عندك أي معلومات عن الديماكس سواء كانت أيجابية أو سلبية أو ميزة أو عيب أذكرها لأني متعطش جدا لأي معلومة عن الديماكس;)

أخوك أبوأسد|3|

اخوي ابو اسد بصراحه السياره ريحتها تخنق من جد لكن سبحان الله وانت قاعد داخل السياره ماتشم اي شي وحتى الهوايات مب لازم تغلقها لان الهوايات قدام عند الكبوت لكن الريحه ورا عند الشكمان

واي استفسار انا حاضر


وشكرا

أخوي الوافــي

بنسبة للعزم أتفق معك أن عزم الديماكس مكينة 2.5 لتر الديزل من جد ضعيييييييييييييييف مرة لأن قوته هي 79 حصان فقط وهذي قوة ليست كافية بنسبة للسيارة كأستخدام شخصي وبنسبة للرائحة هل أنت أذا جيت تحمي السيارة تفتح النوافذ واذا كنت تغلقها هل تغلق هواية المكيف لأن هذي لازم تسويها علشان ما تشم ريحة الديزل :D (أرجو التكرم بالرد لأني على مقربة لشراء السيارة)

عاشق النت
كشافات الظباب هي من الأكسسوارات لكنها في 2006 الدفعة الثانية شفتها موجودة فيه أعتقد أصبحت أساسي فيه.


أخوي mo3ath
أبو85 ألف ريال سعودي هذا فل كامل تماتيك مع دبل مع الأنظمة السلامة ABS+EBD+AIRBAG

|3|

اخووي 2006 الدفعه الجديدة فييييييييه كشاافااات

وسعره 85000 ريال

مو معقولة
الفل كامل مافي لمباااااااات ضباب ؟؟!!


ماادري هذا اللي شفناه بالصورة

والله يابواسد بصراحه السياره معنا ماشاءالله حلوه ومع اننا كارفينها كرف بس ياخي ماادري البايب حق الهيدروليك ( الدركسون ) ماادري ياخي احس رديء جدا .. دخلناها الوكاله مرتييين علشان ها الشي

وبالنسبه للوكاله لابأس فيها


بس مشكلته العضمى الاسوزو العزم . وهو بصراحه بطيييييييييييء جـــــدا ... بس ماادري عن الـ3 لتر مع انتركولر اللي هو الفل كامل عندنا في اليمني وبعد يبيلك اقل شي في الصبح تحميه 10-15 دقيقه في الصبح <<<==== تعقد المسكين من كثر ماينلطع قدام الباب يحمي الموتر وهو رايح للمدرسه على ايام السوزو :d:D:D

وهذا اللي عندي و شكرالا

مشكورين أخواني على ردودكم

أخوي SUPER GL-E مثل ما قالك mo3ath قوة الديماكس سعة 3 لتر الي بشتريه مجهز بتيربوشارج ليرفع القوة إلى 130 حصان وعزم إلى 294 نيوتن/متر لناقل الحركة الآلي.

بينما الهايلكس محرك أقل قوة ومواصفات أقل ولايوجد قيرتماتيك.

أخوي الصقار مشكور على ردك
بنسبة للألوان في بعض الأوان في الديماكس ما عجبتني وفي بعضها أكثر من رائعة ومنتشرة بكثرة وأفضلها لدي هي:
الأسود, الأبيض اللؤلؤي, الكحلي, العودي, الذهبي, والفضي على خفيف.


أخوي مطفي النور مشكور على ردك
بنسبة لسؤالك عن ممكن العاديه الي ماهي دفع رباعي؟؟
أذا تقصد فل كامل بس دفرنس واحد فشف أخر صورة حطيتها للديماكس الأسود هذاك كان دفرسن واحد وهو يجي مثل الدفرنسين تماما يفرق بس أنه من باب الصندوق في الخلف لايكتب كلمة (4WD) بينما الدبل مكتوب عليه كما في الصورة الثانية في أول الموضوع
وتخصم 7000 ريال أذا بغيت بدون دبل يعني يطلع لك تماتيك فل كامل بدون دبل بـ 73 ألف ريال سعودي :)

أخوي الوافي مشكور على ردك
بنسبة للديماكس أكيد سيارة أثبتت جدارتها في الديزل وبنسبة للي عندكم هو نوعة STANDER و ليس S وهذا مقصود بنوع رياضي ليس موجود لدينا في الخليج, أنت أختصرت الكلمة وقلتها S :D

وفي الأخير أشكر أخوي mo3ath على أجابة عن أسأله SUPER GL-E التي أشكلت عليه :)
وخذ راحتك أخوي SUPER GL-E لا زعلت ولا شيء يومك تقول

:D
أخوكم أبـوأسـد|3|

اوووه سوووري

راح عن بالي

مشكوورة اخوي


<<<< طولناها ، بينفجر ابو اسد

بصــراحه والله روووووعه الاسوزو وعلى فكره حنا عندنا واحد ديزل 2.5 لتر تربو ديزل موديل 2004 سياحي :S

بس بصراحه روعه

و الله يهنيك

مشكوووووور بس ممكن العاديه الي ماهي دفع رباعي؟؟

لا ياا اخوووي


الهايلكس 157 البنزين فقط


الهايلكس الديزل 100 حصاان

هذا 2006

وهايلكس 2005 94 حصان فقط


وعندك الوكالة اسألهم اذا حاب تتأكد

وشو اللي 100

الددسن/ 160 hp
الهايلكس/ 157 hp
المتسوبيشي / 145 hp

ما ادري عن سوزو اللي ناوي يشتريها

لكن ننتظــــــر الرد

تحياتي للجميع

اخووي سعة المحرك 3000

والقزة الحصانيه 130 حصان


الهايلكس سعة المحرك 2500

القوة الحصانيه 100

يعني فرق شاسع في سعة المحرك والقوة الحصانيه


واي شي انا جااااااااااااهز