هايلكس 2006 ديزل - (تيربو) سوبر GLX ..!!

سوبرا @user_11499 · 08-11-2005

السلام عليكم ..
كيف حالكم ..

أمس كنت عند ولد خالتي .. وبشرني إنه باع الهايلكس 2002 واشترى 2006
لون رصاصي وبصراحة حمسني للموضوع وخصوصاً إني مقبل على شراء سيارة وحايس ايش أخذ ..!!
فحبيت أسأل عن ..
قوة المحرك ..
ثبات السيارة ..
نظام الفرامل في السيارة ..
بعض المواصفات الداخلية والخارجية للسيارة ( مقاعد - سماعات - ألوان - الخ ...
سعر السيارة كاش .. وبعد التقسيط .. وهل في دفعة في التقسيط وكم .. وكم التقسيط الشهري ..

أتمنى المساعدة من أهل الخبرة ..

وشــكــراًً

سوبرا @user_11499 صاحب الموضوع · 11-11-2005

شباب ما دام الكل يمدح الايسوزو ..

ممكن تعطونا صورة له ..
و سعره وكم بعد التقسيط ..

mo3ath @user_17496 · 11-11-2005

خذهاا نصيحه من اخو لاخووو

خذلك الايسوزو ديماكس

احلف لك انك ان شاء الله ما راح تندم عليه

انا والله جربته عزل صوتي قووي قووي قووي

وعزم قوووي

والله اني نتفت هايلكس ديزل نتفه ماراح تصدقهاااا

المهم انا نصحتك

والخيار لك

سوبرا @user_11499 صاحب الموضوع · 10-11-2005

مشكور أخوي على المعلومة المفيدة ..

أبـوأسـد @user_15810 · 10-11-2005

فيه نصيحة للجميع ولو أن سوبرا غير رأيه عن الوانيتات
بس نصيحة للي باحث عن بيك أب ديزل أربعة سلندر لا يدور غير إيسوزو ديماكس لأن إيسوزو هي الشركة المتخصص في مجال سيارات الديزل والديماكس هي السيارة الأكثر تطور في مجال الديزل.
وعلى فكرة أنا أقصد فقط نوع واحد في الديماكس الي هو LS ذو المحرك الكبير التيربوشارج الديزل سعة 3 لتر.

سوبرا @user_11499 صاحب الموضوع · 10-11-2005

هههههههههههههههههههههههههههههههههههههههههههههههههههههههه

لا يا أخوي سلامتك وليش أطب في بطنك ..
أنا أصلاً لما عرفت سعره بالتقسيط كم يصير .. شلت الفكرة من راسي نهائياً ..
تخيل تدفع 27000 دفعة أولى وتقسيط 42 شهر كل شهر 1350 ريال .. يعني كله 83700 ريال
قلت ياواد مجنون انت .. روح أشترلك مازدا أحسن لك بمليون مرة ..
لا ونظام التأجير اللي عندهم ( أقصد شركة عبداللطيف طبعاً )
يقلك دفعة أولى 20000 يال وتقسيط 42 شهر كل شهر 1200 ريال ودفعة أخيرة 20000 يعني كله 90400 ريال
أنا قلت شكلها الشركة أتجننت شوي ..
ومن ناحية الوانيت خلاص طارت الفكرة لا هايلكس ولا ايسوزو ولا ددسن ..
ماكو غير بعد الحج كامري مستعملة ..

Mr.lOoOl @user_6049 · 10-11-2005

معليش اسمحلي

لا تتورط في الهايلوكس

خذلك ددسن

مو عشان سيارتي ددسن لا

وفيه البك اب السووزوو الجديد

طالع وحــــش من جد

الهايلوكس الجديد شكله ماعجبني <<<< وجهة نظر

وحتى الددسن الجديد بايخ

انصحك بددسن 2005 خليجي

المراتب تجيك مفصووله فصل كامل وفيها ثلاجه على ماعتقد

وسلامتك

<<<< ودك تطب في بطني صح ههههههه

سلام

سوبرا @user_11499 صاحب الموضوع · 09-11-2005

E

EVO MR

وعندي سؤال ما عندك معلومات عن الشكل الجدي لها ..؟؟

ت ح يا ت ي

ما فهمت قصدك ..

لا سلمت يالغالي ما نبي نتعبك معانا ..

لكن إذا انت فاضي ماكو مشاكل ..هههههههههههه

ومن ناحية السوبرا عشانها انقطعت من السعودية بدري فما أحد عرفها ..

ومشكور على المواصلة

EVO MR @user_20104 · 09-11-2005

أفا عليك ومعليش على الخطأ ..

ولا تزعل ولد خالتك ... هههه

وترى ما قد ركبتها لكن عندي كتلوجها وإذا تبغى الموجود فيه نسخ ولصق ما فيه مشكله ..

ولعيونك ترخص ألف عين ..

وبالله عليك فيه أحد ما يعرف السوبرا هذي معشوقة الأمريكان وغيرهم من دول الخليج لكن عندنا

في السعودية ما عندك أحد ما لها ذاك الصيت ..

هذي السيارة الأسطورة والتي تندمت تويوتا على قطعها ..

وعندي سؤال ما عندك معلومات عن الشكل الجدي لها ..؟؟

ت ح يا ت ي

سوبرا @user_11499 صاحب الموضوع · 08-11-2005

E

EVO MR

ومبروووك لولد عمك ..

ت ح يا ت ي

قصدك ولد خالتي ..

مشكووووووور على الرد السريع والحلو ..
وبصراحة معلومات حلووة ..
بس باقي السعر ..
وبعض التنيق في المعلومات عشان تكون أوضح ..

نسيت تسلم على حبك للسوبرا ..
توقعت إني أنا الوحيد اللي في المنتدى تعجبه السوبرا ..
والمشكلة إن البعض ما يعرفها ..

EVO MR @user_20104 · 08-11-2005

حيا الله (( سوبـرا )) .. صراحة أموت أنا في السوبرا والسوبرا اللي في توقيعك موووت ..

والله الهايلكس الجديد فلة صراحة وعاجبني ..

لكن أصحاب السيارة ما عجبتهم لأنها صارة رسمية شوي ..

ومبروووك لولد عمك ..

والسيارة تم تغييير شكلها جذريا وأصبحت إنسيابية أكثر ..

وأجوبة أسئلتك كالتالي ..:

قوة المحرك ..؟؟؟
المحرك زاد عدد أحصنته وأصبح أقوى من ذي قبل وتم إضافة التيربو للديزل

ثبات السيارة ..؟؟؟
أكيد بحكم وزنها المرتفع والعالي في فأكيد الثبات قوي ولا تنسى إنه باك آب

نظام الفرامل في السيارة ..؟؟؟
والله الفرامل في الهايلكس 2004 من واقع تجربة و98 فراملها جبارة وبعد نظام ABs أتوقع أفضل

بعض المواصفات الداخلية والخارجية للسيارة ( مقاعد - سماعات - ألوان - الخ ...؟؟؟
بالنسبة للمواصفات فتغيرت كليا عن الشكل القديم فتم إضافة خشب ومسجل سيدي وكاسيت وإضافة
حاملات للأكواب في الباب ولمسات جانبية للسيارة شبيهة للديماكس وإصطبات خلفية وأمامية رائعة
والطبلون تم تغييره حركة حلوة تبان فيه النور على شكل دوائر محاطة بالنيكل وزرق على ما أعتقد
وتم إضافة ألوان جدية كالرصاصي وغيره بالإضافة للأبيض اللولئي الخلاب .

سعر السيارة كاش .. وبعد التقسيط .. وهل في دفعة في التقسيط وكم .. وكم التقسيط الشهري ..؟؟؟
صراحة هذي ما عندي خلفية عنها

هذي الي عندي وأتمنى الأعضاء ما يقصرون معك ..

وأي شي أنا في الخدمة ..

ت ح يا ت ي