السلام عليكم جميعا
يا شباب انا محتاج واير سحب طويل
اقل شي 10 متر
لأنو امس حصل لي موقف بالعاذرية
كنت راجع من البر (بجنب سور العاذرية) ولمحت لي شباب مغرزين قلت لازم اساعدهم
يوم دخلت عندهم حصلتهم بموقف سئ جدا جدا
المنطقة اللي هم فيها الرمل فيها كثيف بشكل فظيع
غراز من نوع الفنجال ان صح التعبير
وسيارتهم هايلوكس دفرنس واحد
وسيارتهم محجورة بين شجرتين (قدام وورا)
المهم كنت ناوي اسحبهم مع ورا قالو لي لا بينكسر الصدام
رحت من قدام بس ما فيه مجال اسحبهم لأنو بيكون قدامي طلعة مستحيل اطلع معها
قالو لي رح انزل مع الطلعة وادخل داخل (الفنجال) واسحبهم من هناك
وسويتها وطلع موترهم
بس صارت لي مشكلة
وهي اني ما قدرت اطلع
لأن طريق الخروج الوحيد سده علي الهايلوكس..والهايلوكس ما يتحرك الا بالدف ومجال التحرك لي وله محدود جدا لأن الحفرة ضيقة مرة
في النهاية شغلت الدبل الثقيل وعطيت السيارة عزم والحمد لله طلعت بس مع طريق ثاني
بس الحمد لله طلعت بعد ما جلست 45 دقيقة في الحفرة انتظر الهللي يطلع
عقبها فكرت
لو كان معي واير طويل كان قدرت اجيهم من قدام واكون فوق الطلعة وسحبهم بسهولة من بعيد
علشان كذا بدي منكم حل
الواير اللي معي طوله 3.5 متر بس
وش رايكم؟؟؟
هل ممكن افصل لي سلسلة؟؟
وفين وبكم
وشاكر لكم
