ابي الشور في نيسان باترول سوبرسفاري 2005؟؟

[spoiled]

السلام على الجميع والشهر مبارك...

أفكر اشتري نيسان باترول 2005 سوبر سفاري بس اللي مخليني متردد هو سمعة باترول القديمه في صرف البنزين واصوات الطقطقه اللي تحتاج تربيط وكذلك صوت الهواء الخارجي عند السرعه

هل تم تلافي كل هذي العيوب في 2005؟؟؟

ارجو من الخبراء نصيحتي .....

وشكرا

[المميز2003]

بسم الله الرحمن الرحيم


أنا قالوا لي عن الماكسيما أنها تحتاج الى تربيط سنوي وهذا كلام عاري من الصحة لاني ولله الحمد والمنه ماشاء الله الآن معي 7 سنوات وزيادة لم أربطها مرة واحدة ...
ونيسان ماهي كوري تراها ياباني سيارات عملية بالنسبة لي جدا جدا

وبالنسبة لي لو بشتري جيب على طول باترول ... بس الصرفية ممكن تكون زايدة شوي لكن حتى اللاندكرورز فيه حقه من الصرفية ...
هذا مالدي والله أعلم

[راعى الفتك]

وعليكم السلام ورحمة الله وبركاته

اخوى اقولك انه النيساااان سوبر سفارى وايد تووووب ماشاء الله المواصفات حلوه بعد

اشوفه فى الجير العادى اقل صرفيه من التوماتيك وبقولك ترى لى يقول نيسان خرابات وايد هذا ماعليك منه

انا استخدم نيسان من سنة 1990 ولين يومك هذا الحمدلله سياره تسير كل مكاااااان ولا تعرف الرمال الا وهيه تروح

ااما عن الاندكلووز هم تشرب بترول كثير بعد وشووووف السفارى شوه يسوى فى الطعوس والرمال باتت الكثير من يملكها فى الخيج وهيا ملك من ملوووووووك الصحراء

وفى الختاااااااااام اخوك/ راعى الفتك

[ige]

فعلاً ترا الباترول يصرف بنزين
واحد من الربع معه سفاري 2005 يقولي انها تصرف اكثر من الـ vxr
ودقق ترا اللي معه سفاري موب سوبر سفاري ^_*

انا انصحك بيوكن دينالي اعتقد انه اقل صرفية وميزاته جميلة

[سيّاف]

والله رائع السوبر سفاري بقوة !
بس إذا تقدر على الـ VXR أفضل !
أو على الأقل GXR ..
فا أنا أفضله على السفاري إلى إن السفاري
يتفوق في شئ واحد إذا كنت حق بر
فا أبشر به لانه أخف

[سراب الود]

4800VTC
280 حصان
وترا المكينه متطوووره والصرف البنزين
افضل من VXRواجد
وهذي الفكره ناشبه في عقولهم من ايام الجاهليه>>>>حلوه الجاهليه
يعني بالعربي الباترووول اذا كان لك لطلعات البر والطعووس
فترا ماله منازع ابد
اما اذا كانك تبيه للعائلة والسفريات خذ الاند
والسلام ختام

[sr20de]

مثل ما قال سراب الود توكل على الله و ماعليك من اللي يقول السياره تهربد و تتفكك و تسمع طقطقه هذا والله كله كلام فاضي و لو تسال اللي يقولون هذا الكلام اغلبهم ما ركبوا نيسان في حياتهم مجرد انهم سمعوا من ناس يعني مع الخيل يا شقرا .

صرفيه البنزين السوبر سفاري اقل صرفيه من vx-r و اعلى صرفيه من GX-R بفرق بسيط انا حسبتها سيارتنا مع سيارت بيت عمي طلع الفرق داخل الديره 20 كيلو زياده لصالح اللاندكروزر و في الخط الفرق 5 كيلو و لو تحسبها صح يطلع السفاري اقل صرفيه لان تانكي السفاري اصغر من اللاندكروزر ب 5 لتر

[lssa3]

السلام عليكم جميعا بدون استثناء. انا معاي سوبر سفاري بس موديل 2003 السياره ماشاء الله حلوه.
من ناحية المقارنه في صرفية البانزين فأتوقع ان الاثنين كلهم سوا, لأن السوبر سفاري تمشي تانكيينه حوالي 650كم و الVXR يمشي حوالي 750كم ولكن تانكيين ال VXR اكبر من السفاري و الدليل ان أحد زملائي يفلل ال VXR ب10 ريال ازود مني(السوبر سفاري).هذا والله أعلم.........