غريبة ... هذا و سيارتك جديدة ...
يكون التنسيم من كل النوافذ ولا بس هاذي ؟؟
بالنسبة لي أنا كنت ناوي أقول لهم في صيانة الألف ... بس بيني و بينك بدأت أتعود على السيارة و صارت مو فارقة عندي ... يعني عادة فوق ال 120 أكون مشغل المكيف و المسجل و ما يبين الصوت ....
بس إذا مثل ما قلت كذا تششششششتزززز ( صارت لي مرة و ما تكررت ) راجع الوكالة ...
انت شكلك أول واحد عنده أكورد 2006 في المنتدى ... و يمكن مافي غيرك ..
تقدر تروح الوكالة في أي وقت و مثل ما قالوا الأخوان إذا مداك تنشب في حلوقهم انشب ..
و أنا أنصحك لما توديها الصيانة الدورية 1000 - 5000 - 10000 قول لهم عن المشاكل الي واجهتها ...
التنسيم من باب السواق بس .. و الصوت مزعج مره
الموضوع كله عشان اسأل الوكاله يضبطونها و لا اوديها لورشه مشهوره
و ان شاء الله بوديها للوكاله
و آسفين على الازعاج :)
أخوي الصوت يطلع داخل المدينة ولا على خط ؟؟
اذا كان على خط ممكن تكون جربت السيارة في يوم يكون فيه رياح قوية بالمرة فهذا عادي .
اذا كان داخل المدينة والصوت يطلع في اي وقت مع سرعة 90 معناه وزن الباب فيه خلل ورايح يصلحونه لك الوكالة بمشيئة الله .
الاخ CAM717 أسأل اصحاب السوبارو اذا عندهم اصوات تنسيم في سياراتهم حتى المشتغله ثلاث واربع سنوات وشف .
انا السيارة عندي الان ما يقارب 3سنوات وماشية ما يقارب 170 الف كلم بدون اي مشاكل تنسيم
الوافي
يعطيك العافيه اخوي الوافي
و التنسيم في كل مكان بالخطوط و المدينه
ماشالله شاري 2006 ولا تعلمني
تستاهل ليش ماعلمتني خلك خخخخخ
امزح الله يعطيك خيرها ويكفيك شرها
على العموم اخوي مشعل غلطان يوم تشتري من اول دفعه كلها عيوب في عيوب اذكر خويي شرا 2005 يقول منزلينها من السطحه على طول اخذها اول دفعه
كلها مشاكل تنسيم ورجه وحذفه بالموتر
اخر شي كره الموتر وباعه رغم ان الوكاله تعهدوا بكل شي
على العموم الله يعينك على مواعيد الوكاله
وش دعوى انت مفروض اول واحد يدري
انا كتبت موضوع اني شريت سياره و شكرتك بس انت سحبت علي :D
و الله كلامك يخوف |5| الله يستر .. بس الحمد لله السياره ماشيه فوق الالف و ما فيها الا التنسيم
يمكن اللي بسيارة خويك عين
و الله يجزاك خير
قهر والله قهر والله قهر سياره قيمتها حول 90 الف وتنسيم ولا على سرعه 90 بدأت اغير فكرتي فيها حرام ادفع القيمه هذي وفي الاخير تنسيم الكامري 2000 الي معي مافيه تنسيم عند 90 وهي اكورد 2006 فيها تنسيم اخوي تأكد من البيبان ورح حلل ابو جد الفلوس هالوكاله النصابه انصب وكيل في السعوديه هوندا اقعد بحلوقهم لاني على مااخبر ان ولد عمي معه 2004 مافيه تنسيم الا على 140 وخفيف تأكد اخوي
وعلى طاري الوكيل انا اذكر ان اول مانزلت الاكورد بالشكل الجديد الي هو م 2003 كان الفل على مااخبر 77 الف والحين 88 الف والله الفرق علموني شباب ماذا يدل على هذا !!!!! المفروض مايزيد السعر هذا لان الاكورد صراحه سياره ولااروع تبيه بالتكشخ تمشي تبيها بالراحه تمشي تبيها لشباب بعد تمشي ومثل منتو عارفين ان الشباب صعب عليهم المبلغ 88 الف يالله يالله 80 الف المهم انا طلعت برا الموضوع
ولاتنسو تنشب بحلوقهم
وسلالالالالالالالالالام
هد اعصابك اخوي
هذي اعتقد من سوء الاستعمال .. طبعا موب مني
اتوقع واحد صك الباب بقوه و خربت وزنيته بس لانها موجوده بباب السواق فقط
و الوكيل كل اللي جربوه يمدحونه .. لكن يعاب عليه الزحمه بس
و تراي كلمتهم و قالوا جب السياره و بيصلحونها
لكن انا كاتب الموضوع هذا ابي احد جربهم بالشغله ذي اللي هي وزن الابواب
هم يضبطونها و لا لا
و الله يعين ان شاء الله
