موستنج بخاخات الى كربريتر ( الفني)

اخ بشار ...

كلامك صح وكمان مع الاسف انه غلط ..

اخوي هو صحيح كيت للسيارات الكربريتر ... بس اول شي هما يحولوا السيارة الى بخاخات وبعدين تيربو ...

وهذا واضح جدا في القطع الموجوده بالكيت .... يعني في طرمبة بانزين كهربا واحنى نعرف ان طرمبة البانزين الستوك للكربريتر تجي ضغط و عندك كمان موجود بخاخات و كمان حاطينلك بوابة (ثرتل ) و حساس هوا ومدري وشو كمان ..

انا معاك انو هذا الكت ينفع انو يركب على سيارة مافيها بخاخات اساسه ومستحيل الواحد يلاقيلها ثلاجه للبخاخات ...

اما سيارة فيها بخاخات حرام انك تشيل البخاخات وبعدين تحط كربريتر وبعدين تشيل الكربريتر و تحط عليه بخاخات تتركب بطريقه غريبه جدا علشان ترجع تركب تيربو .... على قول المثل ((( وين اذنك يا جحا))) ..

اتمنى اني قدرت اوصلك المعلومه الي براسي واتمنى ان الشباب الي تفهم بهالامور تعطينا رأيها ..

واخوي لاتزعل من كلامي او ردي لاننا بالاخير نخدم هالمنتدى ..

تحياتي للجميع

صحيح يابشار معليش على الدخله الغلط
دحين السياره ستوك بخاخات وفيها كمبيوتر وكل شي حلو
الرجال ماسوى شي في السياره وباين من كلامه انه بدري عليه مره في التلغيم يعني بخاخاته تمشي معاه او يغيرها وطرمبة البنزين
سؤالي ايش الافضل من ناحية السعر والقوة وقلة المشاكل
انك تغير بخاخات بنوع اقوى وكمبيوتر جديد
ولا تشيل الظفيره مع الكمبيوتر وراس المكينه وتركب كربرتور بهيد جديد؟
والله اشوف مالها داعي والبخاخات احسن
(

ليش تبي تشتري ؟

http://turbochargedpower.com/79-93%20Mustang.htm

THIS KIT IS AVAILABLE FOR CARBURETED CARS. THE BASE CARBURETED KIT DELETES THE MASS AIR, FUEL PUMP AND INJECTORS AS SHOWN BELOW AND ADDS A CARBURETOR ENCLOSURE. COST IS $215 OVER THE BASE KIT PRICE.

ولله انا اقولك خله جذي مخاخ افضل لانه الكابريتر يبيله عيار و بطيخ

وعلي فكره البخاخ افضل الانه يحقن البستن بحقن مباشر

اخ bashar_255 ... كلامك على العين والراس

بس بالنسبه للكربريتر اتمنا تجيبلي صورة ماكينه كربريتر عليها تيربو علشان نتأكد بس من كلامك وعلشان نزيد علم وتعرف ان الانسان مهو كامل ..

اما بالنسبة للقطع ف أنا ما اعرف وش براس الرجال يعني بيعدل ستريت او دراق وبالنسبة للقطع وجودها سهل جدا واغلب شباب التعديل في الشرقيه عندهم هالقطع متوفرة لانها قطع موستنق وهذي السيارة بالذات قطعها سهله ومتوفرة الى حد ما ..

اما بالنسبة لان الكربريتر اسهل او اصعب هذا موضوع ثاني ..

وعلى فكرة الرجال ما قال انه معدل ... هو قال يبغا يعدل ... وهذي نصيحتي واذا جد براسه تعديل يكلمني وانا بنفسي اوديه عند ملوك الشرقيه بالتعديل ...

انا بأنتظار الصورة ..

تحياتي للجميع

استنى رد صاحب الموضوع في هذا الرابط :http://www.assayyarat.com/forums/showthread.php?t=74341

تحياتي ،،،

من نقال لك ان التيربو ما يركب على الكربريتر ؟

من وين تجيبو الكلام ذا ؟

بعدين الكربريتر أرخص في التزويد من البخاخات و ارتب و بدون كمبيوتر و بعدين الكلام ذا اللي تقوله كله كأنك تقول له روح أشتر بسكوت من البقالة و حطه في درج السيارة

الرجال يقول لك معدل و يعرف شغله و عنده ارقام براسه لستين لفت و ستين انتيك و ستين اكزوست بالسيارة و هالكلام ذا كله بدون سوبر شارجر كم بعطيه هذا اللي ذكرته بدون ما تذكر أرقام ؟

اتمنى الواحد لما يقول كلمة يكون متأكد منها و ما يخرب تفكير غيره

تحياتي ،،،

مستحيل تكون مركب سوبر شارجر بدون ما تبدل انجكترات الى مقاس أكبر !!

كان ضربت عليك المكينة من زمان

لو تشوف راعيات اللومينات مثل بو مصباح و غيره تعديلاتهم بدون سوبر شارجر و هم يحتاجون بنزين

انا ما نا مكذب و أقول انت مو مركب بقول لك روح أسأل المهندس اللي مركب لك

السلام عليكم ..

اخوي اول شي اقولك ان التربو ما يركب على الكاربريتر ...

ثاني شي خلك على البخاخات احسلك بس غير نوعها وغير كمان نوع طرمبة البانزين علشان تعطيك بانزين زياده وعدل بالماكينة والكبيوتر ..وطبعا بالنسبه للتعديل اكيد عارف وش تسوي بس اعطيك انا فكرة ... طبعا بتغير الكام و بتغير (الروكرات) الي هي التكايات وتغير العصافير وكمان غير الثلاجه فوق وتحت واهم شي لا تنسى تركب ستروكر .. وعندك كمان الهدرز والكنداسات واذا قيرك عادي غير الكلتش وركب شفت كيت .. واكيد نسيت كم شي اسأل الي اخبر مني اكيد ماراح يقصروا ..

انا طولت عليك بس انا ابغا اقنعك انو البخاخات كويسه وشوف اذا ركب عليها تربو وش يصير بالسياراه .

تحياتي للجميع وآسف عالاطاله .