بسم الله الرحمن الرحيم
اخوي حارش مارش
ابي اسألك سؤال انت وشلون تفكــر ؟؟
[color=blue]أول شي الكامري سمعتها قوية وسيارة من تويوتا .. طبيعي انها تمسك سعرها ..[/color]
بعـدين تقول :
[color=blue]سيارة سمعتها زي الزفت [/color]
[color=darkred]أتوقع ان السهر اتعبك شوي .[/color]
وتفكر بتفكير أكثر منطقية ,, وتهتم بكل ريال
صحيح الناس تفكر وتعرف اني اذا دفعت في سياره 78 الف وما تجلس اكثر من خمس سنوات وش استفيد .
سيارة ما فيها أي لمحة فخامة
تقولي عز ؟؟
سبق ورديت عليك
انتم تقولون الكامري لا مواصفات ولا شكل ولا تطور ... الخ
والمشكله ما فيه اي سياره وصلت لمواصيل الكامري . لا جوده ولا انتشار ولا من ناحية الصيانة و المحافظه على السعر عند البيع .
واذا كانت المواصفات ماهي كل شي أجل وش اللي كل شي ؟
اهم شيء الجــــــودة بعدين تجي المواصفات .
اسمح لي يا حبيبي انت غلطان ,, انا انسان ابي ارفه نفسي وأدلعها
وأبي أكشخ وأرتاح بالسيارة اللي معي ,,
الناس ماهي غبيه وتعرف ان سيارتك اساسها كوري وسعرها 53 الف .
للمعلوميه
قيمة سيارتك ( الكشخه ) يساوي قيمة كورلا XLI مطور فما بالك بمقارنتها بالكامري
مع العلم ان افخم نوع من السوناتا اربعه سلندر سعرها اقل من .الكامري XLI مطور 65 الف .
وبالنسبة للعمر الافتراضي للسوناتا الجديدة بدري تحكم عليه
انا اقيس على الموديلات السابقه من السوناتا .
[color=blue]أكبر غلط اني أدفع على سيارة مبلغ كبير
وهي ما توفر لي سبل الراحة والفخامة
اللي يشوف كلامك يقول الكامري سيكل مجرده من المواصفات .
تفكير الشريطية ما يعجبني يا كاسبر
الناس تفكر للمستقبل والواحد اذا جاء يشتري يدرسها من جميع النواحي .
وللأسف ما فيه أي وجه مقارنة بين الكامري والأكورد
انت تتهرب من المقارنه بين الكامري والسوناتا بأقحام الاكورد .
كتبت لك 20 سطر طويل وعريض ,,
انت ذكرت المواصفات فقط وأنا اهم شيء عندي الجـــوده
ما مشاها الا علامتها وقطع غيارها الرخيصة
ما أتوقع انه السبب الوحيد الي يخلي الواحد ياخذها .
مـلاحظه
ياليتك تكون اكثر وضوح في ردودك بمعنى انك تاخذ الكلام اللي قلته وترد عليه وحده وحده .
تحياتي
كاسبر
[/color]
هلا ومراحب ,,
راح نرد عليك وحدة وحدة ولا تهون أخوي ,,
وفعلا السهر أتعبني شوي ,, ولا وضحت لك النقطة الأولى بشكل كافي
بالنسبة لسمعة الكامري القوية ,,
فأنا كنت أقصد سمعتها كسيارة قليلة أعطال وسيارة قطع غيارها رخيصة
أما بالنسبة لردي حول ان السيارة سمعتها زفت ,,
فهنا كنت وكما كان واضح من ردي اني اتكلم عن سمعتها
من ناحية انتشارها بين الشباب الخربانين والتعبانين والمفحطين
اتمنى عدم الغلط !!
وبالنسبة لنقطتك الثانية ,, أنا أبي اعرف !!
وش اللي خلاك تجزم انها ما تجلس أكثر من خمس سنوات ؟
عطني مصدرك يا طويل العمر
وعلى فكرة ,, انت ملاحظ ان كل رد لك تزيد العمر الافتراضي للسيارة :D
أخبر الرد اللي قبله تقولي أربع سنوات ومع المحافظة !
نجي للنقطة الثالثة ,,
للأسف لا زلت وتعيد وتكرر ,, مبيعات وصيانة ومدري ايش
انا اتكلم عن سيارة وأقارنها بالسيارة الثانية
ما أبي دخل للمبيعات
الكامري أكثر انتشار من الكابرس
وأكثر انتشار من الفيكتوريا
قلي بعد انها أحسن منهم ؟
وبالنسبة للصيانة ,, أبوجميل يرضيك بالصيانة
ويلهفك بالاسعار من جهة وباللعب بسياراته !!
وبالنسبة للجودة ,, ما صارت احتكار عالكامري
وفيه سيارات وصلت لمثل جودتها ,, وفيه سيارات تعدت جودتها وبفرق كبير
مثل الأكورد ,, لو تلاحظ ان خاماتها أفخم بكثيير من الكامري
والسوناتا خاماتها ممتازة وما تشكي من عيب وأشوف انها قريبة بشكل كبير من خامات الكامري
عاد تصدق مع انها كورية ,, الا انها افضل مواد خام بمراحل من عملاقة نيسان الجديدة الالتيما ؟
نجي للنقطة الرابعة ,,
تقولي الكامري سيكل مجرد من المواصفات
وأنا أقولك ما رحت بعيد ,,
سيارة جدا عادية ومواصفاتها جدا عادية
وفئتها تفوقت عليها بشكل كبير بالنسبة للمواصفات
نجي للنقطة الخامسة
بالنسبة لسعر بعد البيع
مع احترامي لو كل الناس على تفكيرك
محد شرى غير تويوتا ,,
وعلى فكرة انا كررت لك أكثر من مرة
سعر البيع انا غير مقتنع فيه بتاتا
وقلت لك الفرق بين سعر سيارتي وسعر الكامري خله يروح حلال
بس اهم شي اني تمتعت بسيارة مواصفاتها ممتازة وشاريها بسعر كويس
ولها هيبة أكبر من الكامري
وسمعتها حلوة من ناحية الأشخاص اللي يستعملونها
نجي للنقطة السادسة
انا ما تهربت ولا شي ,,
انت قلت لي الاكورد ما يثبت سعرها مثل الكامري
انا رديت عليك وأثبت ان سعرها يثبت وبينت لك من جهة ثانية
ان الفرق كبير بين السيارتين صدقني :)
نجي للنقطة السابعة
يابن الحلال ,,
أهم شي عندك الجودة ,, هذا رأيك ,,
واللي يشوفك يقول فرق الجودة بين السيارتين مثل فرق السما عن الأرض
ولو تلاحظ تقييمات الجودة ذات المصداقية العالية
تلقى السوناتا وهيونداي بشكل عام محصلة مراتب متقدمة
وهذي وهي طرازات قديمة ,, أجل لو تنزل الطرازات الجديدة
مثل الاكسنت والالنترا الجديدة والازيرا كيف راح يكون التقييم ؟
نجي للنقطة الأخيرة ,,
اسأل أي شخص عادي
بيقولك أخذت الكامري لأنها تويوتا وتكرف وتجيب لي سعر
بيقولك والله أخذتها عشانها فخمة وشكلها حلو وقوية !!
مستحيل !!
بس لا تسأل أي شخص مراهق ,,
لأن جوابه بيكون معروف !
ان شاء الله أكون وضحت ردودي بما فيه الكفاية :)
تحياتي لكم ,,
