السلام عليكم ورحمة الله
أعلنت شركة متسوبيشي مؤخرا انها تعمل على تطوير متسوبيشي إفولوشن تعمل بالطاقه الكهربائيه بالكامل وهذا يعني انها راح تكون أول سياره رياضيه بلا إنبعاثات تضر بالبيئه وايضا راح تكون أول سياره كهربائيه تعمل بنظام الدفع الرباعي المستمر.
واضيف انه اسم السياره راح يكون Lancer Evo IX MIEV Concept في الوقت الراهن . وكلمة MIEV هي اختصار لكلمة Mitsubishi In-Wheel Electric Vehicle . طبعا معروف انه السيارات الكهربائيه بدات في الظهور في أواخر القرن العشرين وبفضل التطور التكنولوجي اللي وصلت له شركة متسوبيشي استطاعوا انهم يضعون المحرك في داخل جنوط السياره وبفضل هذا تمكنوا من انهم يوفرون مساحه أكبر داخل السياره للركاب وللبطاريات أكثر من غيرهم من الشركات اللتي كانت تعاني من ضيق المساحه داخل السياره بعد وضع المحرك والبطاريات في وسط السياره. وهذا معناته انه السياره راح تكون أكثر سعه للركاب مع قدره أكبر لقطع مسافات اكثر قبل إعادة الشحن. وطبعا مثل كثير من السيارات اللي قبلها انها راح تستخدم بطاريات الليثيوم موضوعه في أسفل السياره تحت الركاب (( في الصوره باللون الاحمر )).
اللحين نجي للخبر الصاعقه........<<<<<<<<<<<
خليت شيء ماقلته ؟؟
طبعا الكل اللحين الكل يتوقع انها سياره سلحفاه وانه حتى الايكو تروح عنها قومه وخط ..... بس لا يغركم انها سياره كهربائيه يعني بطيئه . مثل ماقلت لكم من قبل انه متسوبيشي وضعت محرك كهربائي في داخل الجنوط ...... يعني 4 جنوط = 4 محركات كهربائيه
ومتسوبيشي اعلنت انها ماراح تتنازل عن اسطورت الايفولوشن وراح تكمل مشوارها بدون اي تنازل عن قدراتها اللي تنافس كثير من سيارات السوبركارز وبسعر معقول جدا.
وحسب المعلومات اللي اعلنتها متسوبيشي انه سيارتها الجديده راح تكون أقوى بمراحل عن الإيفو التقليديه (( اللي على بنزين )) وحسب ما أعلنت متسوبيشي انه كل محرك كهربائي في الايفو راح ينتج 67 حصان عند 1500 دوره وعزم بقدر 382 رطل في القدم لكل محرك.
ولو حسبنا الناتج النهائي للسياره راح يكون 268 حصان و 1528 رطل في القدم (( الدودج فايبر بمحرك 8.3 لتر تنتج 500 رطل في القدم ؟؟ )) وطبعا 1528 رطل في القدم رقم كبير جدا وهو تقريبا نفس العزم اللي تنتجه سيارات توب فيول
((NHRA )) للداق في أمريكا . والشيء اللي يخلي هالسياره بالذات وحش مرعب جدا جدا انها تنتج هالكميه الكبيره جدا من العزم على طووووووووووول يعني من الصفر دوره @@.
حاليا النسخه الكهربائيه من الايفو تجيب الـ 100 من السكون في أقل من 5 ثواني مع سرعه قصوى تبلغ الـ 200 كم لانه الجير ذو تعشيقه واحده فقط وعلى حسب كلام الشركه انه في القريب العاجل راح يطور جيربوكس خاص للسياره وراح تكون قادره على الانطلاق من السكون إلى الـ 100 كم في أقل من 3 ثواني وبسرعه قصوى تبلغ 300+ كم في الساعه وانهم راح يطورون برنامج خاص فقط بنظام الدفع الرباعي بالايفو بحيث انه كل عجلة في السياره تتصرف لوحدها بحيث انه يزيد مستوى الثبات في السياره خلال المنعطفات الحاده لدرجة انه لو تأخذ منعطف لليسار بقوه يعمل البرنامج على زيادة دوران العجلات الامامي والخلفيه من جهة اليمين وتقليل سرعة العجلات الاماميه والخلفيه من جهة اليسار لتجعل من هالنظام ثوره هائله جدا في انظمة التحكم والثبات في السيارات عالية الاداء لدرجة انه لو 3 عجلات في السياره بدون تماسك راح تتوقف عن العمل بينما العجله الرابعه (( واللي لازال فيها تماسك تشتغل وحدها لتعيد السياره لوضعها الصحيح )) وحسب كلام الشركه انها لا زالت غير راضيه بالنتيجه (( مع انهم حاليا في الصداره في مجال السيارات الكهربائيه )) وانها لازالت تعمل على تطويرها بشكل أكثر عمليه وبتكاليف اقل وعلى حسب كلامهم انها راح تكون جاهزه للبيع في اوائل سنة 2010 مع احتمال وجود موديلات اخرى من متسوبيشي تحمل نفس المحرك ....
يتبع....