".. سأشتري كــابرس LTZ ,,, توجيهاتكم ومرئياتكم .."

السلام عليكم يالغالي

حياك الله

شف يالغالي انا بأقول لك من البدايه

طبعا انا معي كابرس LTZ2004 مطلعه بعد اسبوع من نزوله مخمل

يالغالي انا بأقول لك الايجابيات والسلبيات :-

سيارتي مشت الان فوق الخمسين الف - السبب معي موتر ثاني جمس 2001

طبعا كل السيارتين مطلعهم من الجميح -

نبدا بالوكالة انا ليس لي علاقة بالجميح او بأحد ولكن للامانه فقط تعامل الجميح معي من افضل مايكون

طبعا انا كنت ناوي اطلع من العيسى لكن عمي طلع من العيسى كابرس وولده طلع كابرس ايضا من التوكيلات العالمية

وكلهم اشاروا علي بالجميح ( العيسى روعه لكن مشكلته الصيانة صغيره وبالمواعيد ؟)

مثل ماقلت لك تعامل الجميح حلو ومافيه اي مشاكل طبعا انا رحت لهم مرتين

مره يوم مشى الموتر 1000 كيلو - المره الثاني صار لي حادث بالجمس وكان حادث قوي جدا كلف حول 6950 والله ماني ذاكر بالضبط لاكن طلعو الموتر خلال اربع ايام ورحت عليه دبي ماشاء الله تقول جديد .......

نرجع للموتر :-

السياره عموما من خلال سعرها طبعا 8 سلندر دفعي خلفي اعتبرها افضل الموجود

الموتر الي يقول حق سنتين صدقني هذا ماقدر جرب الكابرس او يقول هذا الكلام وهو مايقدر عليه

الموتر يتحمل اجوائنا ويتحمل الكرف - انا طالب في جامعه الملك سعود وتعرف الجامعه اذا كان دوامك متاخر مافيه الى

الرصيف موقف - وعارف شوارعنا وانا في الحقيقه رجلي حاره ماهي مدحه الى مذمه والله يفكني من هذا الشي

بس اقولك يعني انا يوميا اوصل بالكابرس تقريبا 220 ( في الدائري وانا طالع من الجامعه )

الموتر فخم من الداخل وفيه رحابه ومريح بشكل رائع

الموتر من الخارج رسمي وشبابي ولكن يميل الى الرسمي اكثر خصوصا LTZ

الموتر اقتصادي داخل البلد صرفيته مو لذاك الزود ولكن في الخطوط الطويلة موتر رائع جدا جدا

خصوصا في الصرفيه وانا امس راجع من الشرقيه مثبت على 130 واصل تفتيش الرماح باقي في التانكي اقل من النصف بشرطه

بعد التفتيش فكيت التثبيت ووصلت الى سرعه 230 - 225 ( طعبا انا شايل الفصلة ) وصلت البيت وهو تحت النص بشرطه


المكيف افضل مافي السياره ولله الحمد وهو الاهم

المخمل يتميز بأنه مناسب لاجوائنا خصوصا من الكراسي او الطاره اما الجلد حار جدا بس فخم

الفتحه ماكنت مهتم فيها لكن لو كان فيه يوم اطلع السياره اخذت فتحه لاكن قالو لي بعد شهر واسبوع وانا كنت مستعجل |5|

السياره تتحمل سرعات عاليه - استجابتها رائعه جدا جدا - في مواقف وازمات صدقني انك تحمد ربك ان معك كابرس

موتر يرفع راسك خصوصا ان اغلب القومات تتم مع سيارات محركاتها اقل منك

موتر ينفع قبل وبعد الزواج

الاسود الكحلي الابيض هم الافضل

صدقني مرغوب حتى بعد البيع ورح اسئل اصحاب المعارض

في الشرقيه صدقني احسب الشفر يوزع مجانا :D عليه اقبال قوي

مية سيدي ب75 سوني بعد في الحراج ونصيحه لاتنسخ الى على سيديات سوني ومثل ماقلت توفير في المال انسخ واسمع

اضائة لمباته في الخط جدا رائعه ومتوازنه وتعطيك مساحه لرؤية كبيره

السياره كملت 50 الف - ماغيرت لافحمات ولا اي شي ومادخل الموتر ولا مره للفحص ولله الحمد

سافرت عليه ثلاث مرات - طبعا كل السفرات مبرقع السياره والحراره ولله الحمد ثابته

مميزات الكمبيوتر خصوصا الموديلات الجديده رائعه جدا

انصحك ب8 سلندر

انا يوم اطلع السياره ماشي عليها لحد 140

مولع المكيف

السياره جدا راسية على المنعطفات وغير المنعطفات << ناوي انزل موضوع خاص بهذا الشئن :)

مساحة الشنطه انا اجزم انها اكبر من مساحة شنطة الجيوب واليوكون



سلبياته :-

بعد 150 - 140 العزل شوي لك عليه بس انا العزل يعجبني جدا جدا الى مابعد 180 لان ما ارتاح الى وصوت المسجل عالي جدا سوا لاي سيدي

السماعات شوي ضعيفه اذا استلمت الموتر هناك طريقة تسويها بالكمبيوتر تم وضعها ببموضوع خاص ولكن انا مركب سماعات اظافية خلفيه





مابين السلبيه والايجابية :-

الديكور الداخلي الي يميز الكابرس ان الديكور والكراسي كلها كبس يعني مافيه مسامير تنحل وطلع اصوات لا كله كبس

مره اكلت مطب على سرعه 180 طبعا ولله الحمد كاخر لازيت ولا شي والسيدي طلع اصوات طفيته ولعته زان بس المشكلة

ان الديكور الي حول الطفايه تزعز وديته للجميح والله بدون مايدخله جاب مفك دخله بين الديكور والتخشيبه فك التخشيبة

ثم كبس عليها مره ثانيه ورجعت مثل اول ولله الحمد يعني الى يوم ماسمعت لها صوت

وعقبها لم اسمع اصوات الى الان




اخير يالغالي اشتر عن قناعه وصدقني ماعليك من الي يذم الكابرس وانشارها دليل على سمعتها

هناك سيارات في نفس السعر لها حول 8 شهور نازله مازالت تنعد على الاصابع




تحياتي لك