للي يعرف لـ c5 يالربع

nssar @user_22305 · 15-09-2005

السلام عليكم

هذي اول مشاركة لي معكم اخواني في هذا المنتدى الرائع واللي سمعته ماشاء الله واصلة لآخر الدنيا :eek:

انا نويت اخربها واشتري c5 وعرفت انه من موديل 97 الى 2004 والـ c5 التغييرات فيها خفيفة

فياريت تعلمونا بأسعارهم ومميزاتهم ,, انا لقيت وحدة 1999 يبيها راعيها بـ 95 الف ريال سعودي

وقالي اذا تـبي تشوف c5 اكثر

تعال لي يوم السبت الجاي وانا ان شاء الله رايح له بس حـبـيت اخذ معلومات عنها قبل الروحة وياريت

تعلمونا عن القوة ( ستوك ) ومستواها كيف يكون مع السيارات الاخرى وعلى الخرابات هل هي كثير ام لاتوجد

عارف اني ثقلت عليكم بس انا لما سألت دلوني على المنتدى الطيب وقالوا لي بتلقى عندهم كل ماتامر عليه |1|

اخوكم نصار

BERSERK @user_21370 · 12-10-2005

هلا أخوي nssar سعرها صراحة غالي لأن
أعرف واحد بايع كورفيت كشف 98 اندينابلوس سبيشل ايديشن النادرة بسعر 60000ريال وماشية 25000كم ونظيفة

BFHvette @user_15324 · 20-09-2005

علي فكره معاه قطع اقزوس كامل وبكر وبلف حراره واطي

BFHvette @user_15324 · 20-09-2005

اخوي في واحد 2002 وكاله موصفات كامله نظيف ما شي 40000كم باقي في ضمان الوكاله سنه حق واحد رايق
ما يدعس كثير نظيف نظيف نظيف
بس ما يبي يبيع لاكن اعتقد لوجاله عرض جيد يوافق

nssar @user_22305 صاحب الموضوع · 19-09-2005

مشكورين حبايبي وان شاء الله خلال اسبوع ناوي على zo6 واول ماشتريه طبعا ً راح اكتب عنه موضوع في هذا المنتدى المميز

ومشكورين اخواني على هذه المساعدة

husain_2000 @user_19399 · 19-09-2005

كلامك صحيح يا اخوي THE CORVETTE و بالنسبه لك يا اخوي نصار اذا كانت السيارة 99 كشف فسعرها مناسب اما اذا فتحه فهو غالي لاني محصل 2000 فتحه سعره حوالي 98 الف و اذا كان وارد امريكا فلا تاخذه لان القطع حقه تختلف و الوكاله ما تستقبله انا لما وديت سيارتي الوكاله اول مرة على طول قال لي اذا وارد امريكا ما نستقبل بس انا سيارتي خليجيه فاستقبلوها عادي و ثاني شي خل في بالك ان بعض القطع ما راح تحصلها يعني يمكن يقول لك طلبيه من امريكا و تتأخر عليك القطع و على العموم مبروك مقدما.

THE CORVETTE @user_8478 · 19-09-2005

اخوي z06 من 2001 الى 2004 بالنسبه لـ c5
وسعر الـz06 يبدأ تقريبا من 140 الف وفوق
اما سعر 2000 فراح تلقاه في حدود 100 الف واذا كان كشف راح تحصله يمكن 110 او 115

هذا اللي اعرفه واتمنى اني ساعدتك ولو القليل وانشالله الاخوان راح يساعدونك اكثر

nssar @user_22305 صاحب الموضوع · 17-09-2005

طيب مشرفنا ؛ ابو العابد ؛

اسعار 2000 وطالع في حدود كم ,

يعني الاسعار المتعارف عليها في السوق ؟؟

======================================

وهل هناك فرق في القوة من موديلات 2000 الى 2004 ؟

وهل كلها تجي zo6 ??!!

ومشكورين يا اخواني وتحملوني على كثرة الاسئلة

blue chevy @user_10595 · 16-09-2005

اخذلك من موديل 2000 فما فوق

يفضل

بو العابد @user_15343 · 16-09-2005

الكوبيه اللي يجي قزازه كبيره وراه هذا ينفتح السقف حقه كامل أما الهاردتوب يجي نوعين 99 -2000 هذا أقل درجه قير عادي السقف ما ينفتح أما موديل 2001-2004 هذا Z06 ماكينته LS6 اما الباقي LS1
السعر غالي 95 ألف على 99 واجد

nssar @user_22305 صاحب الموضوع · 16-09-2005

مشكور عزيزي aldoob88 وانا ان شاء الله ادور ويمكن القى ارخص من اللي لقيتها أول مرة :-)

_____________________

عزيزي الوليد الطائر , انا حالياً في الشرقية فقط لزيارة الاقارب وراجع الرياض وان شاء الله ادور هنا وفي الرياض كمان وراح
اركز على نقطة الفل اوبشن .. مشكور عزيزي مرة ثانية على المساعدة

الوليد الطائر @user_17749 · 15-09-2005

ما اعتقد ان السعر يفرق كثير لان غالبية الناس ما تدقق في هذه السيارة على المواصفات لان مثل ما تعرف زباينها قليل والامر الثاني اذا كانت السيارة مستعملة يكون تركيز الزبون على نظافة السيارة وخلوها من الحوادث وان محركاتها سليمة ومو ملعوب فيها ... عموما اذا لقيت كورفيت خليجي فمواصفاته فل اوبشن

الوليد الطائر @user_17749 · 15-09-2005

العفو وهذا واجبنا ...

الكورفيت بالنسبة لانواع السقف فأنه يتوفر منه ثلاثة انواع :
1- الهاتشباك : وهو الاكثر انتشارا وهذا تجي فتحة تارجا اي ان السقف تشيله وتحطه في الشنطة ويصير سقفها مفتوح وهذا يعتبر افضل نوع لانه يعطيك حسنات الهاردتوب والسوفت توب " مكشوف"
2- الكشف : طبعا جماليا يعتبر افضل من الهاتشباك ويجي سقف قماشي يفتح بشكل يدوي
3- الهاردتوب: هذا نادر الوجود عندنا في الخليج وطبعا هذا مصمم في الاساس لسيارات التزويد والشرطة وموديل Z06 . وطبعا يختلف عن الهاتشباك في عدة امور وهي : لا يمكن فتح السقف يعني سقفها مثل اي سقف سيارة سيدان . الامر الثاني توجد بيها شنطة حقيقة يعني باب الشنطة يفتح مثل السيارات السيدان على عكس الهاتشباك اللي تفتح فيه الشنطة وترتفع معاها الزجاجة الخلفية للسيارة .

بالنسبة للاسعار فهي تتفاوت وتختلف على حسب نظافة السيارة والمنطقة الموجودة فيها يعني لو كانت في المنطقة الشرقية فالسيارة بتكون غالية ولكن في نفس الوقت سيارة نظيفة ومحترمة خصوصا اذا كانت من القطيف وفي المناطق الثانية مثل الرياض او جدة تكون ارخص

aldoob88 @user_21272 · 15-09-2005

طبعا الكورفيت سيارة ماتحتاج كلام قديمه كانت او جديدة انا اشوف ان 95 الف على 99 كثيرررررررررر مرة انا لقيت في معرض اسفار بجدة وحدة الى يومك هذا موجودة استعمال امريكي فل اوبشن موديل 2003 ب 115 الف فابلة للتنزيل ومبروك مقدما

nssar @user_22305 صاحب الموضوع · 15-09-2005

مشكور اخوي الوليد الطائر على هذه المعلومات التي فادتني كـــثـير

الحمدلله السيولة متوفرة لكن مثل ماتقول ابي ادفع في شي يستاهل

شفت الصور على الـنت ولقيت الفروق لا تُذكر تقريبا ً ولكن من الداخل الله العالم

بس سؤال لو تكرمت هل الهاتشباك تجي فيه فتحة مثل السيارات العادية مثل الكابريس واللومينا ...

وبالنسبة للفل اوبشن هل يفرق سعره كثير عن الـعايدي

وهذا موديل 1999

وهذا موديل 2000

الوليد الطائر @user_17749 · 15-09-2005

اهلا وسهلا بك كعضو في منتدى السيارات ..

نعم الـ C5 جى من موديل 97 الى 2004 والتغييرات اللي صارت عليه جدا بسيطة اهمها الجنوط واضافة الوان جديدة وتغييرات بسيطة في الداخل مثل زر تشغيل واطفاء الايرباج للراكب .. بالنسبة لسعر السيارة 95 الف على موديل 99 فهو غالي شوي ولو كان موديل 2000 لكان أفضل لان موديل 2000 توجد منه الوان اجمل اضافة الى ان الجنوط تختلف واذا كان خليجي جى مواصفاته افضل..

بالنسبة لمواصفات الكورفيت فهي كثيرة ولكن اذا بتدفع فيه فوق الـ 90 الف اهم شي يكون ماشي مسافة قليلة وتكون مواصفاته الداخلية فل اوبشن ومنها : مكيف الكتروني وتحكم مستقل لدرجة الحرارة للراكب والسائق. يوجد به مشغل اشرطة كاسيت مع وجود سيدي في الخلف . مقعد السائق يتحرك كهربائيا مع وجود ذاكرة .. يحتوي على شاشة عرض اللي تظهر لك السرعة وكمية البنزين على الزجاج الامامي " لا داعي للانشغال على الطريق بالنظر الى العدادت " .. احرص كل الحرص على ان تكون اطاراته من نوع Run flat لان الكورفيت لا يحتوي على اطار احتياطي.. بالنسبة للمشاكل والخرابات فالكورفيت يعتبر اقل مشاكل لو قارنه بالكمارو مثلا اضافة الى ذلك ان جودته التصنيعية عالية جدا والمواد الخام المستخدمة في المقصورة الداخلية ممتازة... طبعا نسيت شي وهو ان مقاعد الكورفيت في منها نوعين النوع الاول وهو الاقل لا يحتوي على فتحة عند مسند الرأس اما النوع فتوجد به هذه الفتحة فأحرص على ذلك .. لكن اذا كانت السيارة خليجية فهي فل اوبشن