فضيحة نيسان خخخخ....

kaman @user_21559 · 04-09-2005

السلام عليكم ورحمة الله وبركاته

والله يا أخوان انا قبل كم يوم استلمت الألتيما v6 من الوكالة وياها شاشة dvd

في شركة الجبر قالوا لي اذا ماتبي الشاشة بنخفض لك 1500 ريال انا قلت مادام انها بـ 1500 شكلها ممتازة قلت يالله خلنا ناخذها |1|

طلبت السيارة يوم الأربعاء وقلت ليهم عطوني وياها الـdvd بعدين يوم السبت قلت ليهم خلاص الـ dvd مابيه قالوا لا لازم تاخذه كأنهم يقولوا هالـdvd اخذته ولازم تبتلش به شكله عندهم شاشات واجد ويبغوا يخلصوا عليهم
علما انه السيارة ماأسلمتها الا يوم الاثنين

على العموم استلمت السيارة ويا هالشاشة يوم الاستلام انا مستغرب خلوني اوقع على استلام الشاشة قبل ماشوفها

وبعدين جابوا الشاشة المهم وانا مادري عن شي اخذت الشاشة والسيارة ورجعت بيتنا :)

بعدين قررت اني اخذ الشاشة وابيعها فرحت المحلات ماحد رضى يشتريها يقولوا كبيرة ومش lcd وماتصلح للسيارات في واحد قالي بكم تبيها قلت له بـ1500 قام يضحك:D وقال اذا في واحد شراها من عندك بـ 300 ريال تعال عشان ابارك لك

المهم بعدين مليت وقلت خلني استخدمها شغلتها مرة ومرتين وبعدين اختربت صارت اذا احط فيها السيدي تطلعه |5|

والمشكلة طلعت الشاشة made in china تقليد ويوم يومين واختربت

والمشكله انا رحت شركة الجبر وشركة الحمراني وأول ماأسألهم عن الألتيما يقولوا لي السيارة وياها نظام dvd يعني كأنهما ميزة في السيارة مش في سيارة غيرها

أي نظام dvd اي خرابيط المفروض يقولوا نظام dvd يخترب من اول يومين :mad:

يعني هالنسان ربحوا فينا 1500 بالراحة وبخطة مرسومه صح

اعذروني على الأطالة بس هالكلام عشان لايلعبوا عليكم مثل مالعبوا علي

وجزاكم الله خير |1|

kaman @user_21559 صاحب الموضوع · 07-09-2005

مشكور اخوي barhom على الكلام الحلو - ماضاع حق ورائه مطالب - وان ماطالبنا بحقنا في الدنيا بنطلب في الآخرة

وتحياتي لك اخي ابراهيم

barhom @user_20896 · 07-09-2005

اييه والله انك صادق شكلها.... مضبطينها حسب الاصول خطه مضبوطه صراحه .. ههههه ...وزي ما قلت الابواب كلها مغلقه بوجهك .. على العمووم ما اقدر اقول الا الله يعوض عليك بأحسن منها ..حقك مهوب ضايع ان شاء الله .. ان ما جاك حقك بالدنيا بيجيك بالاخره .. مع تمنياتي لك بالتوفيق .... :)

اخوك ابراهيم

kaman @user_21559 صاحب الموضوع · 07-09-2005

هلا اخوي barhom
كلامك صحيح 100% وبعد يقولوا ( الساكت عن الحق شيطان اخرس ) بس ياخوي السالفة ماتسوى وثانيا ماقدر اسوي ليهم شي لاني الحين ماعندي حجة وانا موقع على اوراق الاستلام ولا فيه ضمان ولا شي واتصلت بهم وقالوا هم ماليهم شغل والأمر مايخصهم يعني انا الحين ماقدر اعمل شي انا قلت من قبل انها خطة مدروسة يعني الأبواب كلها مغلقة في وجهي ما قدر اطالب بحقي وعندهم اني اساسا ماعندي حق عندهم

هلا اخوي برهومي

خخخخخخ حياك الله ومشكور على مرورك

هلا اخوي hussam_o_r
لا ياخوي الوكالتين مختلفين وانا اتوقع ان وكالة الحمراني افضل من الجبر

وتحياتي

samaction @user_22068 · 07-09-2005

الحمراني هو نفسه الجبر ام لا ؟؟؟؟؟؟؟؟؟ انا مالي في اسماء الوكالاء

برهومي @user_21741 · 07-09-2005

مشكور اخوي على الفضيحة

barhom @user_20896 · 06-09-2005

السلام ... وبعد

هين ما عليك من الشركه بتخسر سمعتها والا مهيب خاسره .... انت لا تسكت عن حقك ... انشب لهم لين تطلع حقك ......اتذكر حديث .. والله ما اتذكره بالنص بس ابقوله بما معناه يعني .... يقولك يا طويل العمر انه كان فيه واحد يطالب الرسول (صلى الله عليه وسلم) مبلغ او شي زي كذا .. وألح على الرسول صلى الله عليه وسلم .. فنهروه الصحابه عن ذلك ... فقال رسول الله صلى الله عليه وسلم . : (دعوه , فإن لصاحب الحق مقاله) .... اللهم صلى وسلم عليه ... فيعني ان اللي عنده حق عند احد من حقه يطالب فيه ولا يسكت عنه ..
على العمووم انا حبيت استشهد بالحديث .. علشان ما تتنازل عن حقك ... والقرار راجع لك اخوي كامان .... تقبل تحياتي

اخووك ابراهيم

kaman @user_21559 صاحب الموضوع · 06-09-2005

هلا اخوي barhom

والله ياخوي ماتسوى السالفة ومش انا الخسران هم الخسرانين لانهم على هالطريقة وكل يوم يعملوا نفس العمل وهم اللي بتنزل سمعتهم وبيخسروا اكثر مني :D

هلا اخوي salehhd

مشكور على كلامك لكن مع احترامي لك انا عندي ملاحظة ;)

انت تقول الخطأ مشترك صحيح ممكن هذا الشي صحيح بس انا كنت متوقع اني أتعامل مع شركة كبيرة وما بتنزل مستواها علشان شاشة بـ 1500 يعني كنت متوقع ان الشاشة هي عرض جاي من الشركة الأم نيسان

طبعا لو كانت من نيسان شي اكيد انها مابتكون كذا اكيد بتكون تستحق قيمتها مثل ما السيارة تستحق قيمتها

والمحل اللي تقول به رحت أدور عليه وماشفته بعديت رحت بالشاشة الى محل تصليح الكترونيات

صلحها ويقول انه العدسة فيها مشكلة- اصلا في الأساس الشاشة ماتستاهل قيمتها يعني وش الفايدة اذا رحت المحل

-الشاشة نوعيه تقليد- المصلح يقول انه العدسة اللي فيها ماعمره شاف مثلها ويقول انها مابتطول وبتخترب ولا بتحصل مثل عدستها :confused:

تحياتي ;)

salehhd @user_17805 · 06-09-2005

السلام عليكم

مع احترامي لك الخطى مشترك

كيف تشتري شي من غير ما تشوفة وتعاينه

لا وتوقع علي استلامة من غير ما تشوفه

من الناحية القانونية الجبر خالي المسؤولية

بعدين ليش مامريت على المحل الي قالولك مر علية احتمال يسوي شي احسن لان اغلب هذي الشغلات عليها ضمان

ما اقول غير الله يعوض عليك

barhom @user_20896 · 06-09-2005

والله حاله ...... :( حرام والله الشاشه جديده .. طيب اخوي كامان رح للجبر اخرشهم ... والله ما يصير تسكت .....والا قدم عليهم شكوى ..... سو اي شي بس لا تقعد ساكت ....... الله يعوضك احسن منها قل آمين ..... :)

kaman @user_21559 صاحب الموضوع · 06-09-2005

هلا اخوي إسهر معي ليله

انت تقصد شاشة الملاحة وانا اقصد شي ثاني

انا اتكلم عن شاشة DVD عطوني وياها تبع السيارة وحسبوا علي زيادة 1500 يعني هذي الشاشة ماليها علاقة بالسيارة ولا ليها علاقة بنيسان ابدا الشاشة اللي عطوني وياها made in china من المحل اللي بجانب الوكالة اللي عندنا بالدمام

يعني الامر ماله علاقة بنيسان السالفة كلها ويا وكالة الجبر

تحياتي

إسهر معي ليله @user_18977 · 05-09-2005

اخوي يمكن الشاشه تقليد ومب الأصليه

لأنه شاشة نيسان الأصلية عندنا فالإمارت قيمتها 13 الف درهم!

يمكن احين نزلوا سعرها.. لكن 1500 اكيد فيها شي

kaman @user_21559 صاحب الموضوع · 05-09-2005

we are waiting ;)

والله يا أخوان اليوم وديت الشاشة للمصلح

وشافها وقالي هذي الشاشة عدستها فيها مشكله :confused: جديدة ماجا ليها يومين وعدستها فيها مشكلة !!!!!!

ويقول المصلح هذي العدسة اول مرة في حياتي اشوف مثلها يقول اذا تبي تغيرها يمكن تكلفك كثير

نظف العدسة واشتغلت الشاشة بس يقول مابتستمر وياك طويل :mad:

تحياتي |1|

salehhd @user_17805 · 05-09-2005

شكراً على الموضوع

ولي عودة

kaman @user_21559 صاحب الموضوع · 05-09-2005

هلا اخوي VIPER LoVeR
حسبي الله عليهم الله يهديهم ويخلف عليهم

مشكووووور اخي على المرور

تحياتي

VIPER LoVeR @user_2373 · 05-09-2005

لا حول

قول حس بي الله عليكم

الله يعينك ياخوي

تحياتي:محب الفايبر

kaman @user_21559 صاحب الموضوع · 05-09-2005

هلا اخوي ThE $nipEr
هذا اللي تقوله انت هذا مشكلة في السيارة مش فضيحة يمكن هذي السيارة فيها خلل صناعي او شي من هذا القبيل بس اللي اتكلم عنه انا خطة مدروسة فيها نصب يعني الشي مقصود وهم عارفين ان الشاشة اللي عطوني وياها made in china

هلا اخوي waleed4w
صحيح هي فضيحة الجبر بس على حسب كلامك اذا نيسان بريئة من هالوكيل ليش مخلينه وكيل معتمد ليهم ؟؟؟؟

هلا اخوي F-14

اتقي الله في الرجال انت عارف ان الشباب هذي الأيام كله تفحيط وخرابيط بس ماعلينا الا ان ندعي ليهم بالهداية

هلا اخوي NAH_56

كلامك سليم عن الوكلاء صراحة للآن مافي وكيل يستحق ان يكون وكيل كلهم عيوبهم اكثر من محاسنهم

هلااخوي الخبير

الشركة صحيح ماليها شغل بس النصبة تكون باسمها لانه الجبر=نيسان على الأقل هنا عندنا في المنطقة

هلا اخوي نيسان للأبد

ليش حنا رايحين ندخل حرب ولا كيف بس فكرة تستاهل نفكر فيها

هلا اخوي barhom

مشكور على مرورك

تحياتي لكم اخواني وجزاكم الله خير

barhom @user_20896 · 05-09-2005

والله هاذي وحده من الطرق اللي ذكرها اخوي نيسان للابد .... اخوي كامان جربها يمكن تنفع ... تحياتي ... :)

نيسان للأبد @user_17211 · 05-09-2005

انت اخوي حبيب تعالهم بالعين الحمراء قسم بالله ان يرجعون لك حقك وزيادة بالعربي تعال انت و 20 شخص واقلب الددعوه هياااااااااااااااااط

والله ان يرجعون حقك اسال مجرب

عالم مشاعر @user_987 · 05-09-2005

T

ThE $nipEr

لا وهاذي فضيحه تانيه لشركه نيسان

في واحد من الشباب عنده التيما سته سلندر طلعها قبل 5 شهور
المهم قبل اسبوعين
حضر بيها قومات ورجع البيت يبغا ينام (السياره واقفه في الكراج)

دقعله واحد بعدها بساعه
قلو في نار جوا الكراج

خرج فك الكراج لقا المكينه شابه نار
على ماطفاها الا المكينه راحت فيها ودابت (كويس ماانفجرت)
المهم راح الوكاله ومضارباااااااااااااااات
قالولو مالنا شغل لازم تصلحها ب70 الف (قينه سايره جديده)

راح التشليح قالو 15 الف

قام خلاها في البيت قال يمكن يلاقي مكينه في التشليح

الله يعوض عليه ويعينه

تحياتي.....

فلم هندي هذا :D

اخوي هذي زي ما قالوا الشباب ، الشركة مالها اي شغل في كل هالحكاية ، زيه زي ابو جميل اللي يركب زينون بالغرابي ويقول لك شد بلد ولا تهون الاشارات اللي بالمرايا