شباب وش رايكم في سيارات # اوتو ستار # !؟

اوتو ستار شروطهم اهون من غيرهم بالتقسيط والتأجير

لكن ..

اسعار سياراتهم اعلى من الوكاله !!! وعليها لوحات بعد !!

الكورولا كانت بالوكاله 48 الف يبيعها هو ب 50 الف لاويقولك مسوين عرض !!

عموما اوتو ستار كويسين علشان سهولة اجراءاتهم

واعرفلي واحد ماخذ التيما من عندهم ما يعرفهم ابببد كل شي بالوكاله :)

ومن ناحية ان التأجير حرام انا ناقشت موظف هناك وقالي انهم ما يكتبون عقدين مع بعض ..

اول شي يسوون عقد التأجير وبعد ما تخلص فترة التأجير يخيرونك بامتلاكها وبعدها يكتب عقد التمليك

عاد مدري هو فقش علي والا شلون بالضبط :)

هذا الي عندي

والله يوفقك


اخووووووووووووك مرزوووووووووووووق

الله يعطيكم العافيه واخوي ابن شداد اشهد انك ذيبان ..

والله اني شكيت يوم شفت الدعوه فيها سياحي ؟؟؟ قلت مو معقولة كل المواتر سياحيه ؟

وش المقصد من الحركة ذي ؟؟

عاد تصدقون السوناتا السياحي قيمتها 55 الف

والزوم قيمتها 57 الف

مافيه الا حزززن وانا اخوك !!

المشكلة بالشروط اللي تجيب المرض يعني وش زبدة الكفيل ؟؟؟

وين بنلقى كفيل يا ناس !! الله يعين بس

انا سامع ان اوتو ستار ماعندهم الا ايجار منتهي بالتمليك ..
وهذا حكمه الشرعي معروف انه حرام ..
خلك في الحلال اصرف لك يااخوي ,,

احذذرووووووووووووووووا من أسعار الأوتوستار !!! تراهم ربحانين في سيارات السياحي أعظم بثلاث مرات من صالات المعارض والوكلات !!

عرفت هالحقيقة بعد محاولتي لشراء السوناتا 2006 منهم، ياأخي الكريم سبب اختيارهم الموديلات السياحية هو الآتي: ـ

1 - أسعار شراء الجملة فيها يقلل من سعر الشراء الواحد، يعني إذا شروا عشرين سيارة سوناتا سياحي مافيها إلا قير التوماتيك فقط، راح تصبح عليهم السيارة بأقل من سعر المعارض، واذا كانت المعارض بـ51 ألف فهم راح يصبح عليهم مثلاً بـ48 ألف أو 49 ألف !! عرفت؟ ـ
2 - بعد مايقل سعر السيارة الواحد وتصير بتكلفة متميزة، يأتي دور البيع ، ويبيعون السعر الإفرادي بأكثر من سعر السوق بألفين أو ثلاثة أو حول هالأرقام ، يعني من 1800 ريال إلى 2500 ريال، تمام؟ اذن ربحوا في السيارة عند وقت البيع الكاش حوالي خمسة ألاف ريال، هذا إذا ماكانت أكثر .. ، لكن مستحيل يبيعوها كاش، ليش؟ اقرأ النقطة التالية ، ـ
3 - بعد مايزيد في سعر السيارة حوالي خمسة ألاف ريال، يتعاظم لديهم الربح في السيارة في الايجار المنتهي بالتمليك، وذلك بتعاظم أرباح الخمسة ألف هذه إلى حوالي الثمانية ألاف ريال خلال أربع سنوات !!؟ طبعاً راح تقول الثمانية ألاف ماهي قصة كبيرة، لكن أذكرك أخي الكريم إن الثمانية ألف هذه هي خارج أرباحهم اللي باياخذوها أصلاً على التأجير خلال أربع سنوات !! فهناك فرق من يتربح من وراء التأجير ويحسب لك سعر التكلفة الأساسي بسعر السوق أو بربح ضئيل رمزي، وبين اللي يتربح من وراء التأجير بحساب تكلفة البيع الأساسية بسعر فوق السوق بخمسة ألاف؟ فأنت لاتدفع خمسة ألف فقط ولكن تدفع أرباح الخمسة ألف أيضاًً !! ؟ ـ

الحل؟ بنظري الحل هو أنك تشوف لك سيارة بالمواصفات اللي تبيها ، بالسعر الأفضل اللي تبيه، من أي صالة أو وكالة، وتروح لشركة تأجير سيارات اللي ماراح يهتم وش الموديل اللي تختاره أو من وين أو وش ماركتها، ولايكترث إلا بالآلة الحاسبة والسعر الأساسي الموجود في عرض الأسعار اللي أنت أخذته من المكان اللي لقيت فيه السيارة اللي تبغاها، وحسابهم واضح وصريح ولافيها تكلفة مخفية أو تكاليف مخفية (هيددن كوست hideen cost) أو أرباح متراكمة ماتدري عنها .. ـ

الأوتو ستار يتعاظم ربحهم أكثر وأكثر كلما أخذووا سيارات سياحية أكثر وبقيمة أقل وببيعها بسعر أساسي أكثر من سعر السوق، واللي يربط الزباين عندهم هو شروط التأجير المغرية اللي تخلي الواحد مايزعل من فرق السعر بين السعر الأساسي عندهم والسعر الأساسي بمعارض السيارات لأنه يريد شروط تأجير مقدور عليها .. ـ

ههههههههههههههههههه
حلوة :)
وانت الصادز شكلك ما شفت الليمبرقني ولا الفراري .. لا وازيدك من الشعر بيت
3 مايباخ , وثنتين فانتوم
وتبي العالم تتمشى في التحلية ؟ قابلني ....
اما عن مواصفات السوناتا السياحي والله ما عندي فكرة ,
راجع الموضع التالي للاخ وليد , جدا مفيد
http://www.assayyarat.com/forums/showthread.php?t=71105
اما الشكل , السوناتا ما زال موديل جديد , وشكله يلفت النظر
تحياتي

ايه الصاله اللي مقابل سوق جيان بخريص

والسوناتا السياحي وش مواصفاتها ؟؟

اما سوناتا بالتحليه تبي تجيب لي الجلطة ؟؟ انا راكب لكزس يطيح وجهي تصدق ؟؟

والله انهم مايقدرون شي اسمه ياباني اسالني ! مايعرفون غير الاودي والبي ام والفياقرا بس ؟!!

سوناتا او مازدا ..
دور عن المواصفات الاساسية في السياحي
يعني شف اذا حاطين ABS والحركات الباقية
انا اشوف السوناتا شبابية اكثر , بس عطها جنط نيكل محترم , وسلملي على التحلية :)
انت رحت الصالة الي بطريق خريص ما غيرها ؟

الله يعطيكم العافيه بس نبي ناس مجربه ,,

والله احنا رايحين لهم على اساس نبي مستعمل ؟؟ لكن تفاجئنا انه مافي غير جديد وسياحي بعد

يعني ليش مركزين على السياحي ؟؟؟ غريبة

طيب وش احسن له يا شباب يختار مازدا زوم سياحي والله لقيناها بالهبل

او يختار سوناتا سياحي ؟؟ اتمنى رايكم معنا يا شباب ..

انا كلمته المغرب وتناقشت معه ويقول انه ناوي من اوتو ستار لان الشروط حقتهم تناسبه !

بس هو مايبي سياحي وانا اقنعته بالسياحي وقلت له اذا شريت الموتر يمديك ترهمه بالراحه في الغرابي

وشكله اقتنع الرجال مو حق مطارحات وخرابيط ..

الف شكر لكم واتمنى نسمع ردودكم ..

حسب معلوماتي سيارات اوتوستار مضمونة 95 %
يعني افضل من انك تاخذها من اي معرض ولا تدري وش طبختها
وبدوا حديثا يجيبون سيارات جديدة بقراطيسا وغبرتها على قولتك :)
بشكل عام سياراتهم سيارات وكالة بس تأكد يعطونك ضمان الوكالة عشان ما يروح عليك
بايوووو