أرجووكم ساعدوني...

mno @user_1375 · 23-08-2005

في البداية أشكركم على مساعدتي

أخواني..المشكلة إللي عندي هي..أنني كنت مسافر للشرقية فترة العصر بسيارتي الصني 2001جير أتوماتيك

وطول الطريق ةالحرارة عندي في النص..ولاكن أول ما وصلت للشرقية فجأة سمعت صوت خفيف مثل الطقة وبعدها الحرارة عندي على H على طول وقفت السيارة وفتحت الكبوت.وشفت الموية إللى في قربة الرديتر تغلي بشكل مخيف

المهم تركت السيارة نصف ساعة.لمن نزلت الحرارة..وبعدها صار ما فيه شي.

المهم قلت بجربها يومين إذا إرتفعت الحرارة رااح أوديها للصناعية.وفعلاً في اليوم الثاني أثناء التجربة..إذا تعديت 130 ترتفع الحرارة فوق النص.....وعلى طول رحت للصناعية وقال لي الفني بأن الراديتر لي سليم..وقال لي غير بلف الحرارة..وشريت بلف وكالة جديد..ونفس المشكلة!!!!

وقال لي الفني لازم تغير وجة الماكينا وتخرطة..وفعلاً غيرت وجة الماكينا وخرطتها...ولاكن بعد ما إنتهى من التصليح

صـــــــــــــــــــــــــــــــــــــــــــــــارة مفاجأة؟؟؟؟؟؟؟؟؟

السيارة طاح عزمها بشكل ملحوووظ..؟؟والسرعة ما تتعدى 120 إلى بعد ما تسمع أنواع الحنات؟؟؟

السؤال إللي محيرني إيش سبب قلة عزم السيارة فجأة؟؟؟

أرجووووووكم عطووووني حل.

mno @user_1375 صاحب الموضوع · 26-08-2005

com.دحومي

أشكرك من اعماقي على تواصلك ومرورك الكريم.

فني سيارات
أشكرك على إهتمامك ونصيحتك الذهبية...والتي لان أنساها ما حييت..فشكراً لك وعلى مرورك الكريم

.mad
أهنئك على مرورك المساعدتك لي..فجزاك الله كل خير

وأخيراً أخواني الأعزء..الأن ولله الحمد بالنسبة لعزم السيارة أصبح طبيعياً لله الحمد..وبالنسبة للحرارة فأنا قمت بالسفر
بها ليلاً والحمد لله الحرارة تحت النصف..لذا إسمحو لي بأن أشكركم وأشكر كل من ساعدني في إيجاد حل لهذا العطل

أخوووك\ عبدالله

mad @user_21380 Banned · 24-08-2005

سلام
انا حصلت لي نفس المشكلة في ماكسيما
وبدلت الراديتر
وظبط كل شي

فني سيارات @user_8460 · 24-08-2005

السلام عليكم ورحمة الله
انا اشوف انك تسرعت في خرط السيارة لان هناك اسباب كثيره لتعرض السيارة للحرارة
وانت قبل ماتسافر او تطلع مشوار طويل افحص مستوى الماء وهي بارده
وبدل الاشياء من الارخص الى الاغلى ولا تاخذ راي الا من هو متخصص او تحس انه فاهم من الفنيين
المهم الي صار صار خلاص
الحين سيارتك مخروطة ولا فيها عزم يمكن يكون الكهرباء الديلكو او الصمامات مش مضبوطة راجع الكراج الي صلحت عنده ولاتتركه الا لما تاخذ سيارتك بمعزمها القديم
وهو من فك الماكينة وهو الذي يعلم ما بها
وشكرا

com.دحومي @user_21140 · 24-08-2005

بنسبه للحراره فيه واحد أعرفه معه صني 2002 تبهذل من الحراره بعد ثلاث سنوات من الاستعمال
بعد المية وعشرين ترتفع الحراره إلى النص وكل مازاد السرعة زادت الحراره
طبعا السيارة عايدي
فحص السيارة قالو عندك البلف وغير البلف ولا تغير شي ثم قالو عندك الكنداسة الثانيه مسكره
من الكربون قالو نلغيها وتضبط وألغاها والا تغير شي
المهم الثالثة ثابته بعد المشوار هذا ودي السيارة عند فني رديترات قال الرديتر يلزمه تسيخ
وصيخ الرديتر ورجعت الحرارة شد بلد
ودمتم سالمين

mno @user_1375 صاحب الموضوع · 23-08-2005

مستر نت..

أشكرك على ردك السريع..ولاكن إسمحلي بهذا السؤال.

كم المدة الصحيحة لتمرين السيارة ؟؟

وهل تنصحني أسافر عليها هالأيام؟؟

مسترنت @user_16834 · 23-08-2005

اخي الكريم

بلنسبة لارتفاع الحرارة بعد ال 130 اعتقد انه من غطا الرديتر جرب غيره قبل ما تسوي اي شي لان اغلب المشاكل الي زي كذا اذا كان الرديتر سليم يكون من غطاء الرديتر
اما بلنسبة لعزم السيارة فهذا شي عادي لان المكينة لسا ما اتمرنت بما انك خرطت المكينة
مرنها زين ولا تسرع فيها عشان ياخذ السلندر راحته ويزبط
وشكرا