وش انواع الشبح ؟؟؟؟؟؟؟؟؟

الحساااس @user_20534 Banned · 21-08-2005

صباح الخيرات يا شباب ..

امس كنت بمعرض لواحد من خوياي .. المهم قعدت اسولف معاه عن الموتر الالماني وان يفرش عالخط وانك تعطيه طبلونه

ومايقول لاااااا ;)

لكن اتمنى من اللي يعرف انواعها واسعارها يقول وياليت المواصفات حقتها

لاني قلت له ال BM افضل من المرسيدس والله كني سبيت امه ؟؟؟؟

من جد الرجال قلب 180 درجه ؟؟

الرجال يقول انه مسافر للبحرين عليها ورجله مابعدها عن دعسه البنزين ؟؟

يقول انه صافق طبلونها 260 سلام سلام ؟؟ انا والله ماصدقته !!

قلت له لا سمح الله بنشر والا صار لك شي ؟؟

يقول لي لاتخاف انا مسافر عليها مكة وبنشر علي الكفر وماحسيت فيه الا يوم وصلت لمكه ؟؟

يقول والله ان طبلونه مابين 220 و260 ؟؟ انا قلت يا ولد خلنا نسال الاخوان بالمنتدى يمكن عندهم خبر بسواليف

الرجال لعل وعسى نستفيد .. اما لو طلع كلامه صحيح اقسم بالله ادور الشبح من بكرة

يعني يا شباب عطونا اسعارهم ومواصفاتهم وموديلاتهم تكفون ؟

انا الحين عندي ثلاث مواتر وناوي الرابع يكون حق خطوط وسفر يعني ابيه موتر حط رجلك ونام ؟

اكيد طولت عليكم بس حلو الواحد يتثقف ؟ واعذروني عالاطاله والف شكر لكم

S 600 L @user_19412 · 23-08-2005

اخوي الحساس ياليت تذكر الموديل ....

320 شاص طويل موديل 97 تحصله من 55 الى 65 تقريبا
320 موديل 96 من 50 الى 60
320 95 من 40 الى 47 تقريبا

عموما هذي اسعار تقريبيه والمستعمل ماتقدر تحدد سعره كل شخص والسعر الي يبيه بموتره...

واي خدمات انا حاضر ....

BENZ600 @user_20045 Banned · 23-08-2005

لا البي ام مشاكله كثير اذا كان مستخدم

بس الشبح مشالله احنا العائله الكريمه عاصرنا جميع انواع المرسدس من قديم للجديد
الفتره الاخيره كانت معنا 3 شبحات 300 SEL والثانيه 320 والثالثه 500 بس انصحك بالـ300 SEL طويل وافخم من الـ320 Sبس ماضنيت تلقى 300 SEL بالسوق لانه انتاج نادر واخف بالقومه من الـ320 واسال مجرب واتمنى اني افدتك والله يكتب فيه الخير ,,,,

الحساااس @user_20534 Banned صاحب الموضوع · 22-08-2005

الله يعطيكم الف عافيه ياحلوين انتم .. بس الشبح اللي نوعه 500 ابو 8 سلندر كم بلقاها بالمعارض في الرياض ..

والله شكله حلو ويصلح حق سفرات وخطوط احسن من ال 600 اللي يشرب بنزين لانه 12 سلندر ؟؟

وال BM حلوة اكيد بس شوي غاليه ..

S 600 L @user_19412 · 22-08-2005

يااخوي الالماني كله بي ام او مرسيدس بالخط مايحتاج لكن ماهو مثل ماقال خويك 240 ويبنشر الكفر وعادي والا كمل الى مكه وهو مبنشر هذي شوي مبالغ فيها .....

نجي للمرسيدس الشبح فئاته 320 6 سلندر و500 8 سلندر و600 12 سلندر ويجي لارج وشورت لكل الفئات

وانا جربت الشبح تصفق طبلونها والسياره فيها رساوه غير طبيعيه وتحس انك راكب سياره وواثق منها وال 600 حدث ولاحرج

لكن انا اشوف لو تاخذ بي ام 2001 740 لارج اندفيجوال لانه احسن من الشبح بالمواصفات مثل الشاشه ونظام الملاحه وكشكل وسعره

رخيص تحصله ب 80 الف بالراحه بس اهم شي النظافه يكون استخدام حشمه والا والله ان تكره الالماني كله وتلعن الساعه الي فكرت

في غير الياباني ....

واسف على الاطاله ... واي خدمات بالبي ام او المرسيدس انا حاضر ..

B R A B U S @user_18993 · 21-08-2005

السلام عليكم ورحمة الله وبركاته

والله اخوي العزيز الحسااس انه خويك اختار لك احسن خيار الا وهو الشبح

واتمنى لو تبين لي الموديل الي ودك فيه لانه نزل من سنه 1992 الى 1998

والأسعار تبدأمتاوته حسب الموديل والنظافه والمواصفات وبالنسبة للراحه

لا تتكلم عنها على قولتهم حط ابطنك بطيخ صيفي واطمئن وحتى اوضح لك

انه الفئات تبدأ من 300SEL و S320 و S500 و S600 وانا بالنسبة لي افضل

نوع S320 لانه ال 500 فيها شوية مشاكل مثل ما سمعت بس ماادري عنها

واي خدمه انه حاضر ....