مشكلة في الالتيما الجديدة :(

ماسك خط @user_20143 · 10-08-2005

السلام عليكم ورحمه الله وبركاته

اخواني انا شريت التيما 2005 سته سلندر اوتو اقل نوع بدون فتحه وزينون

ومن يوم طلعتها من الوكاله واسمع صوت مثل فحمات الفرامل والهوب تحس انها معدومه خاصه لما تكون السياره تلف يمين

المهم على طول رجعت الوكاله وقالو لي عادي مو مشكله هذا الصوت لانها جديدة وحسيته انهم نصبو علي بقوه

المهم كلمت الوكيل الي في الشرقيه الجبر وكلمت احد مهندسينهم وقالي نفس الكلام قالي عشان السياره جديده كم يوم ويروح الصوت

الحين السياره مشت حوالي 700 كيلو والصوت لازال موجود

العالم تطالع في السياره وهي تمشي مستغربين صوت الهوب والاقمشه

هل كلامهم صحيح من ناحيه انها جديده وانه الصوت بيروح

هل احد منكم مر بهالشي في اي سياره نيسان

وعلى فكره السياره عزل الهوا حقها مهوب لهناك اسمع صوت تهريب من عند باب السواق في الزاويه صوت بسيط

العالم رشحوها في منتدى تقييم السيارات بس للاسف ما طلعت مثل ما توقعت اللهم المسجل روعه والعزم

حتى اذا عطيتها بنزين بقوه بسيطه تحس الكفر يدور محله يعني ما حولك ثبات

الحمد لله والشكر خلاص تلزقت فينا السياره

تحياتي

HMATO 4004 @user_20386 · 12-08-2005

روووح الوكالة و ماااا عليك

الرياض 45 @user_20256 · 12-08-2005

على العموم ارجع للوكالة وسو لهم مشكلة طويلة عريضة !! << إذا تبي فزعة انا حاضر !!!

كابـــSSـــرس @user_6060 · 12-08-2005

الله يعينك يارب

بس يالغالي ترى السياره ممكن يحصل فيها اي شي

وانت لاتنظر على ان العزل فيها 100% او من ناحية الاصوات

او الثبات يعني هي سياره من الفئه المتوسطه وما اعتقد انه راح توصل لهذه الدرجة الي كنت تتوقعها

التويم @user_5511 · 12-08-2005

اتوقع ان السيارة قبل يستلمها فحطووو فيها حقوون نيساان الين قالو بس:)

لأن الكلام اللي يقوله مش معقول يكون بسيارة مامشت الا 700 ك

عموما روح مكان غير الشركة وسو فحص كامل لها واذا طلع فيها شي وتأكدت منه ( يعني ماطلع وسوسه فيك مثلا)

روح للشركة وصارخ عليهم وسو لهم قضية واطلب استبدالها فورا

او ان السيارة مادخلت مزاجك فهالحالة بعها وشف شي يريحك

تحياتي

المنشد2005 @user_21084 · 11-08-2005

التيما ولو كثرت فيها العيوب من واقع تجربة سللللللللللللللللللللام

مسترنت @user_16834 · 11-08-2005

الالتيما 2005 بصراحة سيارة جدا حلوة وممتازة
انا استأجرت وحدة قير اتوماتيك وماشاء الله رساوة مو على لونها وعزل صوتي ممتاز حتى في السرعات العالية
يمكن يكون السبب انك لما اخذتها وفي 100 كيلو الاولى ضغطت فرامل بقوة
او ممكن عيب مصنعي وما اعتقد ان الشركة راح يتركولك الصوت
روح راجعهم مرة ثانية .......... وشكرا

المسافر بالقلوب @user_20806 · 11-08-2005

حرام عليك السيارة اوكي بس يمكن فيها عيب مصنعي ولا شي ودها الوكالة وبتشوف بتروح كل الاصوات الي تقول عنها
والله يعينك

مؤيد اف1 @user_1786 · 10-08-2005

يمكن السياره كانت واقفه فتره ومع الرطوبه صار شوية صدأ على الفرامل...بس المفروض الوكاله يعطوك السياره مفحوصه ومزبطه والفرامل تكون منظفه...يعني الامر من الوكيل مش من السياره كما الحال في باقي السيارات!!

vAMP @user_12617 · 10-08-2005

حبيبي انا سيارتي مشيت فوق ال 35 ألف ولا قد صادفت اللي تقوله !

يمكن هذا خلل المساعدات .. في المطبات تسمع بنفس الصوت؟!

هذا نزل بالدفعة الأولى ولازم تغيره من الوكالة .. يغيروه على الضمان ..

اما الهوبات والأقمشة هذه غريبة .. بس ارسل لي على الخاص وراح اجيب لك حل أكيد من الوكالة |1| أخليهم غصب يهتموا فيك ..

اما سالفة التنسيم هو مو تنسيم هو صح تسمع صوت من باب السواق .. وهذه عندي لكنها ماتزيد يعني تمشي 180 نفس الصوت اللي تسمعه بالبداية .. وأغلب الياباني كذا :)

سالفة تبديل النمر ما ادري عنها صراحة لأن معاي قير عادي 6 نمر ومرة ممتاز ..

نيساني @user_16820 · 10-08-2005

وكمان انا سألت ناس عندهم الالتيما ما اشتكوا منها ابد

نيساني @user_16820 · 10-08-2005

الظاهر ان سيارتك بيها مشكله فنيه

لكن مو موجوده بكل السيارات

نيساني @user_16820 · 10-08-2005

اخي ماسك الخط

انا ما اشغل لا مسجل ولا راديو وانا ماشي اسرع من 100 كيلو وما سمعت الصوت الي تقول عنه

وللعلم السياره الي استعملها

لاعن والديها من الكرف ما توقف إلا بضع ساعات وباقي اليوم كرف شديد من الساعه خمسه الصبح ما توقف إلا بالأثنى عشر الضهر

ومن الساعه وحده الضهر ماتوقف إلا الساعه سبعه المغرب

والحمد لله مافيها شي ابد

LIMITED @user_1932 · 10-08-2005

غريبه عندنا الالتيما ماشاء الله زي الحلاوه بس هي قير عادي
مدام قالولك الصوت حيروح قلهم متى تقريبا طبعا حيقولولك بعد ....

اذا عدت المده وماراح الصوت ارجعلهم .

ماسك خط @user_20143 صاحب الموضوع · 10-08-2005

وقبل ما انسى الحين بعض السيارات الاتوماتيك اذا انت ماشي بسرعه على الرابع اخر نمره ورفعت رجلك من البنزين يفضي القير ....هذي لا ...تحس انه يحشر الموتر بالنمره؟؟!!!!

وغير كذا لما يبدل القير تبديلته قويه مهوب مثل بعض السيارات الثانيه تبديلتها ناعمه ولا تحس فيها

تحياتي

ماسك خط @user_20143 صاحب الموضوع · 10-08-2005

يا نيساني الله يرحم والديك طف المسجل وخلك ماشي ميه كيلو بس لا تزيد السرعه واسمع صوت الهوا من باب السواق في الزاويه الي يبدا من عندها القزاز

واسمع صوت الهوا كل ما زدت السرع والله ما فرقت عن الاكورد

نفس العزل

بس انا مو مضايقني الا مشكله صوت الفرامل

نيساني @user_16820 · 10-08-2005

انا مجرب السياره وماقط سمعت صوت فيها

والعزل تمام مره

وعن الثبات ثابته جداً

واثبت من الاكورد والكامري