ماذا عن MAZDA 6 ? [ طلب نصيحة ! ]

[ابو ريناز]

السلام عليكم ورحمة الله وبركاته ،،،، وبعد :

اخواني الكرام .. معكم ابو ريناز .. من الناس اللي تسألهم عن نجوم الظهر .. ولاتسألهم عن السيارات ! .. مالي خبرة فيها أبد ! ( بس أعرف وش معنى كوبيه ! ) .. المهم بما اني خربّج ثانوي .. قررت أشتري سيارة شبابية ! ... كانت النية أني اشتري مستعمل في البداية .. درت اليوم المعارض .. لقيت mazad6 موديل 2003 ماشيه حوالي 70 الف .. بسعر 29 الف ! ..


المهم الآن حبيت أسالكم عن السيارة اللي لقيتها بالمعرض ؟ أيضاً أسألكم عن أنواع الـ mazda6 الجديدة وأسعارها ؟

يعني لو كان موجود شيء جديد وبمواصفات حلوة بسعر بين الـ 40 والـ 50 ألف .. مافيه مانع تذكرونه لي ..

حتى لو كانت هناك سيارة ثانية بمواصفات حلوة وسعرها مناسب مافيه مانع تذكرونها ..

بارك الله فيكم جميعاً .. وأنا بإنتظار ردكم ..

أخوكم / AboRenaz.com

[كامري]

اخوي فيه التيما سياحي 4 سرلندر حوالي 55 الف
وسوناتا سياحي 45 الف

[ابو ريناز]

كيف يعني سياحي ؟

اللي اعرفه انه رديء !

وماذا عن اسعار الـ mazda6 ?

[V-I-P]

اخوي الزوم سياره حلوه وشكل رياضي ويكفي انها تنصنع وتجمع في اليابان

ايضا هناك سياره اخرى شكل رياضي وممتازه وتنصنع وتجمع في اليابان وهي سوبارو ليجاسي
وهذي صورتها


وهي بتنزل قريب عند الوكيل الجديد

وانا معي سوبارو 2002 ممتازه جدا

واتوقع سعر السياحي منها يوصل 55 الف

واي استفسار ماعندي مانع

تحياتي

[V-I-P]

كيف يعني سياحي ؟

اللي اعرفه انه رديء !

وماذا عن اسعار الـ mazda6 ?

السياحي اخوي ريناز يعني انه اقل مواصفات في السياره

يعني مثلا بدون فتحت سقف وبدون مثبت سرعه ومسجل كاسيت بدون سي دي ومراتب يدوي ووو .........

[ابو ريناز]

الف شكر لكم جميعاً ..

لكن الى الان ماعرفت وش اسعار الـ mazda 6 ؟ بأنواعها المختلفة .. ؟ ( ضروري )

[xn0sx]

سلاموووووووووووووو.....

جاك اللي يفيدك

مازدا 6 فيه منها ثلاثة انواع

1/2000 سي سي 145 حصان بدون جنوط بدون فيابر بدون تكاية في النص بدون مثبت او تحكم بالطاره بدون cd يتراوح سعرها ما بين 48000-50000

2/ 2000 سي سي 166 حصان جنوط16 + تحكم بالطارة + جناح خلفي + تكاية في النص + (ممكن تطلب جلد او مخمل)بدون فيابر سعرها في حدود 58000-63000

3/ 2300 سي سي جنوط 17 + تحكم بالطارة + تكاية + ممكن تكون جلد او مخمل بدون فيابر سعرها في حدود 70000-73000

طبعا هذا كله بدون الاكسسوارات سعرؤ الاكسسورارات كلها تقريبا 10000 حسب الاكسسورات اللي تبغاها

ولا انصحك في المستعمل

وتحياتي لك


xn0sx