السلام عليكم هاذي احلى هوانين لنا حنا يالشباب:
لأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.
عند الدوارات أو التقاطعات فإن الأفضلية لمن يدخل مقدمة سيارته أولا
إستغلال الاشارات الضوئيه كنقطة أنطلاق لبدء السباقات الجماعية الشباب
استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه
تجاوز من اليمين ومن اليسار وماعليك من أحد.
السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر
الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ أنت تفهم أكثر منهم يعني؟
لا تدق إشارة قبل ماتلف .. ترا مايدق إشارة إلا الخوافين
امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح البقاء للأقوى على الطريق
إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر واذا أحد أعترض بعد أمشي 40 مافيها شي لأن الشباب كلهم مخلين المسار الايمن للتجاوز أصلا
لمنع الازعاج من السيارات الي وراك سكر النوافذ وشغل المسجل على أصخب الاغاني بمجموعتك ورفع الصوت للحد الاقصى
ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك
المراية اللي قدامك ما وضعت إلا علشان تشخص فيها.. وماله داعي انك تناظر فيها اللي وراك لأنك مو مسؤول عن أحد
أهم شي انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود
أحيانا يكون الشارع ممل فالاحل الامثل علشان ما تنام أثناء القيادة أنك تسوي كم ريس ويا الي رايح والي جاي
