صديق لي يسأل، فيقول:
ما هو الوقت المثالي لفتح مكيف السيارة بعد تشغيلها؟
هل بعد تسخين السيارة بدقيقتين ، أم لا يضر أن أفتحه مباشرةً ، أم لا بد من السير بالسيارة بعد تسخينها ، ثم فتح المكيف ، هذا أولاً.
ثانياً: هل هناك عملياً طريقة لزيادة برودة المكيف بالرغم من وجود غاز الفريون ، وهل يختف هذا من سيارة إلى أخرى؟
ثالثاً: كموظف فإنني أوقف السيارة ما يُعادل سبع ساعات ، وفي آخر الدوام بطبيعة الحال أقوم بسياقة السيارة للعودة إلى البيت ، فهل يلزم مني تسخين السيارة ، وإن كان كذلك فكم المدة ؟ وهل يختلف ذلك من سيارة إلى أخرى ، علماً بأنني أرى بعض الناس ينطلق بها مباشرة .، وهل هناك فرق بين السيارة ذات الجير العادي والجير أتوماتيك ؟
رابعاً: عندما يكون الأهل في السيارة والسيارة واقفة قد أترك المكيف شغال لمدة ثلث ساعة، فهل يضر ذلك؟
( ملاحظة سيارتي كامري موديل 2000 وارد أمريكا )
هلا والله اخوي الشمري
بالنسبه للأسئله بجاوب وانشالله اجابتي صحيحه على حسب استخدامي للسياره
بالنسبه للسؤال الاول:-ليش شفت عداد الحراره بدا يرتفع شغلها مافي مشاكل لانه يدل على ان الزيت وصل للماكينه
السؤال الثاني:- ماعتقد والله ياخوي كل سياره ومكيفها وان كانك تبي مكيف ثلج .. فا مكيف البويك الرود ماستر بصراحه وحدة تكييف مومكيف ماشاء الله.
السؤال الثالث:-اخوي الشمري انا كا طالب .. لي خلص الدوام اشغل سيارتي اشوف عداد الحراره لو انه على اول شخطه احرك على طول لان الزيت ماخذ مكانه .. اما اذا كان تحت الشخطه الاولى انتضر الين يصعد للشخطه واحرك .. وغلط من الاخوان اللي يخلي سيارته تشتغل الين توصل الحراره للمعدل الطبيعي لانه مضيعه للوقت بيني وبينك .. هو الوقت المنصوح فيه 10 ثواني كوقت كافي عشان ياخذ الزيت مكانه مثل ماقال الاخ برده.. ومافي فرق بين العادي والاتوماتيك المكينه وحده والاختلاف بالجير .. هذا اعتقاد وماادري اذا كان غلط ..
السؤال الرابع:-اخوي بالنسبه للكامري ماعتقد ان حرارتها ترتفع .. وانت وحسب استعمالك هل واجهك موقف خلاك تنتضر اكثر من نصف ساعه وانت مشغل السياره والمكيف داير .. بالنسبه للهونداي الاكسنت عندنا وحده لو توقف لين يطير بانزينك ماتحتر ماشاء الله بس سيارتي الماكسيما توقف اقل من 5 دقائق . وتشوف الحراره تجيك تركض عشان كذا اطفي الموتر وانتضر بالحر:mad: .. فيني ولا فالموتر .. الضرر عموما على الحراره ماكو حراره؟ماكو مشاكل |13| ..
ارجو اني جاوبت على كل اسئلتك وضوح وافادتك الاجوبه
اخوك بندر بستن:)
