وش الي يميز هالسيارة (( كامري ))..

انا اعتبرها من أحسن السيارات من بين فئتها
وذلك لما تتمتع به من
سلاسة و متعة في القيادة

مراتب مريحة

قطع غيار رخيصة و متوفرة

إنتشارها مطمئن

حجمها كبير

فخامتها وقوتها ... خاصة الموديل الجديد 2005

يعطيكم الف الف عافية ياشباب
واحب ازيد لكم شوي
انا اتكلمت عن الجي ال
اما القراندي
فهي تأتي بمقاعد جلدية مريحة
التحكم بالتكييف الكتروني
فتحة بالسقف
محرك قوي عالي الجودة
جنوط في غاية الرووعة
وانتم كملوا ترى انا تعبت؟؟؟

والله انه موضوع تحفة

توفقت في اختيار السيارة اخوي

والله الكامري يكفيك اسمها بس

وشكلها يقبل للعبث مو طبيعي

سيارة الشباب الفئة الاولى
صيانة من وكيل من اروع مايمكن
قوة التحمل
الاداء العالي
رخض قطع الغيار
اسمها تويوتا
شاشة لكمبيوتر الرحلات
تخشيبة كاملة للابواب والكونسول
انسيابية الشكل
كشافات ضباب
رياضية الشكل من الخلف
شبيها بالكزس من الامام
الاضاءة اتحدى تلقى سيارة مثل قوة نورها وهذا اللي عندي
وخاصة الشكل الجديد الحلو .. 2005

والله العظيم يا جماعه أني مطاعس بكامري ولد خالي وغرزت وجاهااا كرف غير طبيعي وكل شوي طاب بطعس وتغرز وما تزال متحمله

بصراحه الكامري أنا ألقبها بالجني سيارة ما تعرف الأعطال
والمكيف تبريد ما هو صاحي والله لو تصير واقف 24 ساعه أو أكثر ولا تحتمي المكينه ولا شي

الكامري لا تقارن ولا بأي سيارة


فما بالك بكامري مهبطه ومضبطه سيكووون قمه الإبداع إبداع لايوصف

انا اقول الكامري كل شي فيها حلو يكفي انها تيوتا اللي هي ثاني اكبر شركه مصدره للسيارات

واذا تبغون مميزات بنتعب وحنا نعد لكن اقول اللي ماجرب الكامري يجربها واللي ناوي يشتري لايتردد والله موتر ينفع للتاكسي ولابو العيال وللسواق وللشركات وللشباب يعني تلتفت يمين تلقى كامري رسميه تلتفت يسار تلقى كامري عبث تناظر .................... باختصار الكامري لايعلى عليها .

الكامري سياره يعتمد عليها
مع ان الشكل ابدااااع وخاصه 2005
وان كانها تاكسي اجل نقول انواع التكاسي
كامري النترا لومينا كابرس فكتوريا
التيماسوناتا اوبتيما
مكسيما اوبيروس وغيييرهاا كثيير
<<<يعني مانشتري هذي السيارات ليش لأنها تكاسي>>>ولله تفكير مدري كيف
وللعلم انه فيه قانون للتكاسي ان المكينه لاتقل عن 2 لتر
يعني لو هذا القرار مو موجود كان خذو الكورلا والأيكو بس القرار يقول كذا

والسلام عليكم
اخوكم
==اسعد عمر قلي==

تبون شيء رياضي 4 ابواب وموجود في السوق وبسعر رخيص ..... هذي اللسته

1- لومينا اس اس
2- فولكس واجن جولف
3- التيما الرياضيه
4- سوبارو امبريزا
5- لانسر إفولوشن


اخووي والله السياارات هذي ما تااكــــل عيش مــع الكاامري

لا في صبــر ولا في كــرف
ولا في قطع ولا في جووووده
ولا في وكيــل

يعني وش الفرق الشكل والقووه

وبعدين تقول اكثر الشباب يااخذون قير اووتو

اسمحلي في النقطه هذي شكلك عكستها بدال ما تكتب 99% يا خذوون عايدي كتبت يا خذوون اووتو

والشكل الخــأرجي مرعــــب وربي تقووول نمــر واضااائتهاا قوويه

و اغلــب الاحياان لا واجهتني كامري خااصتاً من 2003 وفوووق انزل أشمااسيــه واطفي النوور

واكثــر سياره اشووفها با لــخط الكامــري وانا حق خطوط وادرا با لا حاجات هذي
واكثــر الكدااده سيااراتهم كاامري

وكنت مساافر قبل شهر جاي من الرياض للابها با كاامري موديل 2002 وكان مااشي ميتين با لخط كله والله افكرررره ما شي 120

ويطبق طبلوونها وكان فاصل العداد وعداد الظغط شغال وعلى خمسه وزيااده يعني كم يمشي؟؟

ياشباب
هذا الموضوع مفتوح لنقاش مميزات الكامري وليس عيوبها
وانا بأمكانني ادخل موضوع الاكورد او السوسو وانكد عليهم واقوم الخبط هذا للميزات وياريت تقراون الموضوع
واشكر الاخ م ح ص

هو قالك انه شكلها رياضي ماقال انها رياضية

وانا شخصيا كنت استخدم كامري موديل 2004 ماشوف عليه كلام مع اني جربت اكثر من سيارة في نفس الفئة ووجدت انه الكامري افضل شي فيهم انا اقولها لكم بصراحة من بعد الـ160 انسى الثبات بس انه قبلها صراحة ماعليه كلام وكان على استخدام التكاسي اصلا الوحد بياخد سيارة خصوصي مش تاكسي
ثانيا التاكسي تجي لوحات صفرا والسيارة لونها ابيض يعني الواحد اللي بياخدها خاصه به مش تاكسي
واهم ميزة عجبتني فيها انه صيانتها رخيصة وسهلة كمان انا ماذكر اني دخلتها ورشة ابداً حتى البواجي وبطانا الفرامل انا غيرتها بنفسي في البيت ويوم جيت اغيرها واخد لي افالون قلت للوالد اني ببيعها لكن ابوي قال لاتبيع لانها سيارة محترمة على الاخر مع العلم انه الوالد ماحب الياباني وللحين موجودة والحمد لله ماشية ويانا وعلى فكرة العداد اللحين حقها تقريبا 122000 واذا وصلت 150 تاف بصور الطبلون لكم وباحطه في المنتدى مع العلم انها موديل 2004

ومشكوووورين على طرح هذا الموضوع الحلو

:confused: استغرب .؟؟ شلون شبابيه وشكلها رياضي ......
يالربع السياره عائليه 100% ومش شبابيه ...... وايضا مستحيل انها تكون رياضيه وهي اصلا مافيها شيء رياضي ؟ الجير مش رياضي (( و 99% من الشباب ياخذها تماتيك ))
البريكات مش رياضيه
الداخليه مش رياضيه
توزيع الوزن بين الامام والخلف يرفع الضغط |5|
الجمبينات ونظام التعليق مش رياضي ...... يعني استغرب من كلامكم انكم تقولون انها رياضيه ؟؟

يعني سياره عاديه مرررره



تبون شيء رياضي 4 ابواب وموجود في السوق وبسعر رخيص ..... هذي اللسته

1- لومينا اس اس
2- فولكس واجن جولف
3- التيما الرياضيه
4- سوبارو امبريزا
5- لانسر إفولوشن

مما يميز الكامري :
ثباتها في السفر على سرعة 140 ثبات ممتاز
مريحة جدا جدا في السفريات
تتحمل خطوطنا وخاصة المطبات
شكلها من الامام يوحي الى القوة والتحمل
وسعها من الداخل بشكل كبير عن مثيلاتها
الاكثر مبيعاً في فئتها
وهذا اللي يحضرني الان وننتظر
نبغى نتوفق على المواضيع للسيارات الاخرى

الكامري شيك في جيبك
اي وقت تبي تبيعه تجيب لك سعر..



تحياتي

الشباب كفو ووفو ،، بحاول أجيب شيء جديد..

هممممممممم...

من مميزاتها انك نادر جدا تشوف راعي كامري واقف وفاتح غطاء المحرك أو جالس يدفها بالشارع أو متعطل على طريق سفر إلا إذا كانت البطارية فارغة هذا شيء ثاني ..

مع تحياتي
CAMRY2K

مشكور اخوي على الموضوع

والله ما عندي شيء غير اللي قالوا الشباب

سيارة تكرفها وتطعس فيها وتسابق فيها ماتقول لا

مكيفها ممتاز

قطع غيارها متوسطه لاهي رخيصه ولاهي غاليه

ولله الحمد تم توفير ايرباق للسائق فقط :D

اخووي شحااته وكامري جي ال اكس واخوي د. فيصل

عز الله انكم كتبتوا اللي براسي كله
وكفيتوا ووفيتوا
بس عندي اضاافه

الكاامري بصفه عامه

سياره تتفووق عن مثيلاتها بانها تصبرر

وصرفيتها حلوووه واقتصااديه بدرجه ما تتصور
مريحه ومراتبها حلووه
وفخمه تحس وانت فيها انك في سياره <<== لو توقف جنب فيااغرا ما التفت له

وسعرها حلووووو ومثل ما تفضل احد الشباب انها تمسك سعرها
واحد من الشباب الله يستر عليه راح للمعاارض يبي يبيع الكامري حقته
طبعاً موديلهاا
2002 اكس ال اي يعني ارردا نوع
وما شيه 185000

جاابت له 40000

المهم اخونا في الله انلحس قال 40000 بعد الكررف وانا مشتريها قبل سنتين با 45000

المهم شاف سعرها غالي ومرغووبه قال بتركها عندي وهو موا مستجعل على البيعه


ومشكوور على المووضوع اخووي ولك مني كل التقديررر والى الامام