السلام عليكم ورحمة الله وبركاته ,,
اولاً احب اهنيكم على هذا المنتدى الرائع وهذا اول موضوع لي
عندي ملاحظات أو انا اعتبرها عيوب صراحة على سيارات الكابريس واللومينا
1- ما فيها زر اللي يقفل الحبات كلها ويفتحها حتى في الرويال وهذا اكبر عيب
كثير ما يفشلني اذا الحبات مقفوله وجا احد يبي يركب لازم تنزل الحبة بيدك وترفعها على شان يفتحون الحبات كلهم
طبعاً هذا اذا كنت انت داخل السيارة ,,
2- مافيها امان من ناحية الأبواب يعني لو أحد الأبواب ما سكر زين ومشيت ,,,مافيه علامة أو شي يشير الى ان احد الأبواب مفتوح او لم يتم تسكيره بالشكل المطلوب لاحظوا هذي الميزة في سيارات الهوندا يبين أي الأبواب بالتحديد لم يتم تسكيره
وغيرها من السيارات .
3- القير يجي 4 نسب سيارات وصلو الى 6 و7 نسب مثل اللكزس والمرسيدس وذولا الى الحين على اربع
سياره 330 حصان والى الحين على قيربوكس من4 نسب مشكله ,,,
بالنسبة للملاحظة الأولى والثانية لا احد يقول راح تتعدل بالشكل الجديد لأنها المفروض تكون ميزة اساسية بالسياره
تخيل سياره 2005 وما فيها هذي الميزة
وياليت اللي عنده ملاحظة يضفيها ,,
ومشكورين
