ساعدوني .. انا محتار بين سيارتين نفس النوع و نفس المواصفات

msh3l1 @user_9394 · 29-06-2005

السلام عليكم و رحمة الله و بركاته ..

اكيد استغربتوا من العنوان :confused:

انا محتار بين سيارتين نفس النوع و نفس المواصفات و نفس اللون بعد
7
7
7
7
7
7
7

الفرق ان وحده فيها دقات خفيفه بالتنده من البرد اللي نزل بجده

كلها يمكن اربع او خمس دقات و البويه ما تأثرت

و السعر يفرق 4 آلاف ريال

و السياره اللي فيها دقات هي آخر حبه نفس المواصفات اللي ابي و اخاف تروح علي

و الله محتار .. و ش تنصحوني فيه ؟

محتاج آرائكم بسرعه

الـصـقـار @user_12505 · 09-07-2005

اخوي العزيز مشعل

اول شي تأكد هل هذا كل شي

يعني ما فيه اضرار اخرى

واذا كانت كذا بس فتوكل وخذها وال 4 الاف ريال خلها معك اما تحطها بالسياره او تستفيد منها

zero one @user_10141 · 06-07-2005

الجديده

وش تبي بالثانيه دام الفرق 4 الاف بس

توكل على الله وخذ السليمه

ابو شطب @user_11771 · 05-07-2005

اخوي

انا اشوف لو تاخذ وحده جديده من دون ضرر.....اصرفلك من انك تاخذ سيارة متضرره لو ضرر بسيط

وعلى كلامك ان الضرر ناتج عن البرد والأمطار.....يعني والله اعلم ان فيه اضرار ثانيه (يمكن داخليه)

دكتور / مجنون @user_18878 · 05-07-2005

نصيحتي خذ وحده مافي اي شئ ..

أو يعطونك السياره اللي فيها دقات و تكسب 4000 ريال + يغيرون لك الكبوت بدون ما تدفع ريال واحد زياده !!!

توضيح هام جداً:
الوكيل يأمن السيارات اللي تجي بالباخره.. فاذا صار شئ للسياره من حوادث طبيعيه .. يدفع التأمين للوكاله مبلغ معين !!!

يعني الوكاله تخفض لك 4 الاف ريال و هي كسبانه .. لأن التأمين يغطي الحادث !!!

أبـوأسـد @user_15810 · 05-07-2005

خذ الجديدة وأرتح بس الفرق 4 ألاف.............
خذ الجديدة أحسن لك وترى الموتر الجديد له طعم غيييييييييييييييييييير
ولا تنس أخوي العزيز msh3l1 أنك تستخير وتصلي ركعتين ثم تسوي الي قلتلك عنه
أخوك أبوأسد

M.A.D about u @user_4452 · 01-07-2005

والله انا اقووول خذ الي ما فيها شي

الاربع الاف هاذي ان ما دفعتها الحين بتتحسف اربع الاف مره

لان بيجيك يوم بتقول بضلحها وحرام صراحه سياره جديده تروح تصلحها وتصبغ ومدري ايش

ويروح احساسك بانها جديده

صراحه كذا كأنك ماخذ مستعمل

انا من رأيي تروح للوكاله وتحاول فيهم ينقصون لك بالي ما فيها شي علشان تروح من بالك فكرة السياره المتضرره

اخووووووووووووووووووك مرزوووووووووووووووووق

أبو عبدالعزيز @user_6640 · 30-06-2005

السلام عليكم
أخوي إذا تقدر تدفع 4 آلاف هذي وتاخذ سيارة جديدة كاملة مكملة <<<<فنصيحة أدفع
لأن مصيرك راح تعدلها بعد مرور الوقت وذلك لشعورك أنك ماأخذت سيارة جديدة
أما إذا ماتقدر أو أنك راح تتضايق ماليا إذا دفعتها فخذ الثانية
أخوك أبو عبدالعزيز

نوفي @user_1523 · 30-06-2005

انا أنصحك أخوي خد الاول لان الفرق بسيط مره ونضيفه مررررررررره والله يوفقك

msh3l1 @user_9394 صاحب الموضوع · 30-06-2005

BiG-DaDy

يعطيك العافيه على النصيحه .. و انا ما كتبت الموضوع الا بعد ما شفت السياره

و كل شي فيها تمام ما عدا الدقات .

الشمري

اسعدني ردك .. و مشكور على النصيحه .. لكن للاسف انا مضطر اني انتظر

اسبوعين او ثلاثه .. و خلال هالمده ان بيعت السياره فالله يهني راعيها بها

و اذا ما انباعت فبيكون امامي خيراين و اسأل و اقرر ان شاء الله .

Caprice

جزاك الله خير .. و صراحه نفس تفكيري بالضبط .. بس اللي خلاني اتردد

ان فيه ناس خوفوني منها .. و الله يكتب اللي فيه الخير .

Caprice @user_9992 · 29-06-2005

لاحظ ياخوي انها في التندة يعني مافيه احد يقدر يلاحظها

واذا كانت خفيفة على قولتك فانا اشوف تاخذها وتوفر 4 الاف :)

الشمري @user_2215 · 29-06-2005

بسم الله الرحمن الرحيم

وعليكم السلام ورحمة الله وبركاته وبعد،،

[COLOR=Red]
أقتباس من الرسالة الأصلية msh3l1
الفرق ان وحده فيها دقات خفيفه بالتنده من البرد اللي نزل بجده
كلها يمكن اربع او خمس دقات و البويه ما تأثرت
و السعر يفرق 4 آلاف ريال

أخي الفاضل msh3l1 من وجهة نظري الشخصية لا ارى ذلك الفرق الشاسع الذي يجعلك ان تأخذ السيارة المتضرره من هطول " البرد "، والأهم من هذا وذاك اتمنى ان تسأل الوكالة كم من المبلغ ستكلف تصليح التندة لديهم ؟ فإن قالوا لك ما يقارب الأربعة ألالاف، فأستشير عليك ان تأخذ الثانية، والخالية من أي تضرر سوى عن طريق تحميل، او تصعيد او ما شابه ذلك. وكما أفدت في البداية لا آرى هناك فرق يُذكر، لو كان بالمثال " عشرة الالاف " نقول لك توكل على الله وخذها، وأخيراً وليس بآخر " ما خاب من استخار ولا ندم من استشار "، واسأل الله تعالى لك التوفيق فيما تختار.

مع فائق احترامنا لشخصكم الكريم - الشمري
[/COLOR]

.

BiG-DaDy @user_1111 · 29-06-2005

جديدة نظيفة احسن لك من النتضررة
لأن الوكاله اذا وصلتهم سيارة متضررة في العادة ياخذوا منها
قطع و يخلوها قطع غيار اذا تأخرت قطعة مهمه عن زبون
تحياااااااتي للجميع

msh3l1 @user_9394 صاحب الموضوع · 29-06-2005

اخوي need السياره ميب افالون

السياره اكورد .. و جميع السيارات اللي كانت بالمينا وقت البرد تضررت

مشكور على المرور و ما قلت لي رايك

need @user_19416 · 29-06-2005

السياره افلون ليميتد اللون اسود ؟؟؟؟؟؟؟؟؟
لانه صارتلي نفس المشكله ولا اخذتها

msh3l1 @user_9394 صاحب الموضوع · 29-06-2005

salehhd

مشكور على النصيحه .. و مثل ما قلت حلات السياره ما يكون فيها شي

لكن انا فكرت استفيد من المبلغ الزايد بنفس السياره خصوصا اني ما افكر

بالبيع قريب .

أبو عبدالعزيز

و عليكم السلام .. اخوي أبو عبدالعزيز ما راح يتغير شي لو عرفت نوع السياره .

بوضح لك المقصود .. انا رحت لوكالة السياره اللي ابيها و قلت لهم المواصفات المطلوبه

عطوني خيارين سياره تضررت من البرد بجده و سياره سليمه و الفرق بالسعر 4 آلاف ريال

و الضرر مثل ما قلت بسيط بالتنده و ما تلاحظه الا اذا دققت .. و يعطيك العافيه و بانتظار رأيك .

وين باقي الاعضاء ؟؟ و الله محتاج ردودكم بسرعه

أبو عبدالعزيز @user_6640 · 29-06-2005

السلام عليكم....
مافهمت وش نوع السيارتين ؟؟؟؟؟؟؟؟؟

salehhd @user_17805 · 29-06-2005

السلام عليكم

حلات الموتر اذا جديد ما يكون فيه ولاشي والفرق اربع الاف تراه فرق بسيط

حاول مع الوكالة يمكن ينزلون زيادة او يمددون فترة الضمان شوي

صلي ركتعين استخارة ومر عليهم وحاول معاهم والله يكتبلك الي فيه الخير