هل فعلا تشغيل المكيف في سرعة اكثر من 60 يضر المكينة ؟

اخوي تشغيل المكيف وهي على سرعات عاليه مايضرها

لان هذا مجرد اعتقاد نابع من ان هناك كلجات للكمبريسر تتفاجاء بسرعة السيارة ممكن تتمحي ولكن هذا الاعتقاد خطاء
لان الكمبريسر اصلا مع السرعات العالية او الواطية يفصل اوتوماتيك ويشبك مرة ثانية الكامبريسر مش شغال على طول يفصل ويشبك حتى لو بسرعات عاليه وطويله مثل السفر في السيارة

ولا ارى اي سبب مقنع في عدم التشغيل مع السرعات

لان الموضوع عادي
مع احترامي لوجات النظر المختلفة

مشكووورين كل الشباب اللي افادونا

والله فعلا معلومات ماكنت اعرفها من قبل ....

اكرر شكري للجميع .... وما قصرتوا :)

اخواني بالنبسه لتشغيل المكيف يضر البكرات واحتمال تلفها وان تقطع السيور ولكن هذا كان غالبا في الموديلات القديمه حيث تفادت غالبية الشركات المصنعه المشكله ولكن للحرص اذا كنت السياره قير عادي ادعس على الكلتش لثواني وشغل المكيف ورجلك على الكلتش واذا كانت السياره اوتوماتيك فاضغط على الفرامل وارفع رجلك من الابنص لكون الفرامل تحل محل الكلتش ..........اما بالنسبه للوقوف بعد مسافه فمن الافضل الصبر في اطفاء المحرك لدقائق حتى يبرد ويقل الضغط هذا واتمنى الفائدة للجميع

بالفعل تشغيل المكيف والسياره ماشيه
بسرعه اكثر من 60 يخرب عليك الكمبروسر
حتى لو مرت المرة الاوله بسلام المره الثانيه
مارح تسلم وماكل مره تسلم الجره
ولكن من الافضل توسع بالك شوي وتخفض
السرعه الى اقل من 60 يعني الى 40 حتى تضمن
لنها حصلت على واحد وانا معه في السياره
ماشين بسرعه 100 وشغل المكيف بالغلط على باله
هواء وكان زر الفريون شغال وضرب الكمبروسر على طول وكلفه اكثر من 1200


وبالنسبه السؤال الثاني

انا اللى اعرف ان الافضل لاتطفي المحرك
وانت ماشيى على خط طويل اللى بعد خمس دقايق
حتى لوتوقف السياره فتره طويله

الف شكرا افدتونا والله


اخوكم اعز انسان

كلامي مثل ماتفضل الاخ : عاشق_قمر

ولا يهونون البقيه

مره مع قريبي شغل المكيف مرتين وطفاه وهو يمشي 150على هوندا سيفيك
خربت البكره
وأنا دايم مع خويي بهيلوكس يشغل المكيف وهو يمشي 180بس يضغط الكلتش قبل لايشغله ولا صار شي

هلابك ابو بندر
المكيف اذا اشتغل فوق ال60 ما يضر المحرك
يضر بكرة السير أو السير ويمكن الكومبريسور
لأن المراوح والسيور تدور بسرعة أكبر من سرعة الكومبريسور اذا اشتغل وما يتحمل السرعة المفاجئة.

اذا كانت السيارة على خط سفر وبتوقف فترة قصيرة فيجب ان لا تطفئ المحرك بعد التوقف مباشرة.
انتظر 3 - 4 دقايق بعدين اطفه.
لان الدنيا تغلي داخل المكينة والزيوت لازالت في العروق داخل المكينة.
انتظر الين تهدا السيارة بعدين طفها بحيث ما تشغلها قبل عشر دقايق تقريبا .



سلام

يقول لي أحد الإخوة : لما تبغى تشغل مكيف وإنت ماشي خلّي أقصى سرعة تصله السيارة هي 80 كم / س وإنت ماشي 80 كم / س إضغط على الكلتش وبعدها شغّل المكيف .

وأما في الأتمتك ما أعرف .

نرجو من الإخوة التوضيح .

بدون إضافات على الرد .. سليم 100% ..

على حسب ما اعرف انا
انه اذا شغلت المكيف وانت ماشي بسرعه بالسياره ممكن يضر السياره في شئيين ان الشير ينقطع أو الكمبريسور يخرب

وهذا لانه يشتغل فجاه وما يستحمل الضغط

وبخصوص اذا كنت ماشي فترة طويله ضروري انك ماتطفي السيارة لانها البلوف تكون مفتوحه والمويه تاخذ دورتها بالريديتور
ونفس الطريقة بالنسبة للمراوح لانها تشتغل على حساس ممكن يمنع تشغيل المراوح مرة ثانيه بعد فترة قصيرة

والافضل اذا مررررره اضطررت لتشغيل المكيف وانت داعس فيفضل انك تخلي القير بالفاضي (اذا عادي) او n اذا اتوماتيك

والسيارة دايما اذا طفيتها بعد مشوار طويل اذا اضطررت انك تطفيها لمده نص ساعه على الاقل والقاعده هذه أكثر شي بالسفريات طبعا

مع تحيتي وطبعا ننتظر رد اخوي المشرف