-
عضو نشط جدا
- معدل تقييم المستوى
- 45
اخر اخبار التحليه
صباح الخير لجميع الاعضاء الكرام ,,,,,,
بعد تقديمي لي (اخبار التحليه)
في موضوعي السابق احببت ومن خلال موضوعي هذا الثاني
ان انقل لكم (اخبار التحليه لهذا اليوم ) من مقاومات ,,,,,
يومنا هذا ولله الحمد كان حافل بالمقاومات ولاكن للأسف لم يتكلل
بعظها بالنجاح بسبب لان السياره الي معنا مهيب لومينا SS ولاكنها
لومينا بس S واحد يعني بالعربي 6 سلندر 215 حصان بس فيها حقها
وزي ما ذكرت ان اليوم هذا انواع العالم قامت تتحرش وانا في الوقت هذا
بغيت انــــــــــــــجن بتقولونلي ليه ابقولكم لان موتري مهوب معي وانا راكب مع واحد من العيال ومؤتر موقف في البيت وانا امووووووت في
شئ اسمه مقاومات وتحدي بس ماباليد حيله ركبت مع خوينا راعيS
ودزينا التحليه وشارع الضباب ولقينا اونواع البشريه هناااااااااااك ,,
انا في الحاله تهيضت وقلت لخويي رجعني بيتنا اجيب موتري واغبر بهالعالم قال انا ماصدقت القى احد اقوامه تبيني ارجع وعياااااا يرجعني ,,
انا قفلت معي وجانا 4 مواتر وهي :
1/ قراند شيروكي 2000 ,,,
2/ لومينا LS 2001,,,
3/ دوج ديرانجو 2001,,,
4/ كدلك اسكاليد2002 ,,,
-----------------------------
1/ قراند شيروكي 2000
بالنسبه لراعي الشيروكي مزعجنا ابروح ابروح عليكم وقلنا نشوف
ونوقف و3 بواري وندعس الفزه الملعون فز جيبه لاكن شوي والا انا
نتعدااااااه وتقفل معه ويقول ديورو مره ثانيه ونفس القصه 3 بوارى
وندعس ونتعداااااااه مره ثانيه وتقفل معه ويطلع من الشارع ,,
----------------------
2/لومينا LS 2001
راعي اللومينا وقفنا وقال قاوموني وانا حاس قلبي ان موتره فيه شئ
وقلت له موترك ملغم قال لا والله مافيه شئ شد بلد قلت خلاص ديور
و3 بوارى وندعس الملعون طلع موتره ملغم ورااااااح على طول وبدون مقارنه مسافت سيارتين يوم وقفته قلت والله انك ملغم صح قال ايه ملغم قلت ليش ماقلت من الاول طيب قال لو قلت لكم ما قاومتوني
وقلت له عطني جوالك قال ليش قلت على شان اجيب موتري واغبربك
انت وتلغيمك هذا قال وش معك قلت مالك دخل وعطاني رقم جواله وانا
جايه اليوم وبغبربه ان قاله الله لو يحط وش يحط رايح رايح انشاء الله ,,
-------------------
3/دوج ديرانجو 2001
خوينا صاحب الدوج لاعااااااب ,,, كيف ,,,, اقولكم ,,
يوقف وضرب بورين ويدعس قبلنا ويقول اني قمت وانا اقوله انك تضرب
بورين وتدعس مو 3 يقول لا وهو نصااااااب البوري الثالث وهو قد مشاى
وعلى هالحاله كم مره واجيك احول خويي واسوق بداله وقلت انا اوريك
واضرب ضربتين وادعس يوم من جد غبرتبه وقام يكبس ويدقق اشارات
ويجي قال لا ما يصلح انت داعس قبلي ,,قلت زي ما تسوى نعرف نسوى زيك منب غبى لها الدرجه ,,, ويقول عدها ونديور وقلت له المره
هذي خلك رجال واضرب 3 بوارى وادعس مو 2 قال خلاص ,,
3 بوارى وندعس والله وانا وياااااااااااااه الين اليورمارشيه سوى الين جاب
موترنا 160 واطوف عليه الكلام هذا من اشارة هرفي الي بعد التحليه
يوم طق الطبلون 160 واطوووووووف عليه وقلت له هاااااه شفت اني
ظامن اني ابروح عليك قال لا ابغى خويك هو الي يقاومني مو انت قلت
ليه انا وخوي واحد قال انت لا ,, خوي قفلت معه وبغى يصير طقاق وهواش لاكن ربك ستر ,,,,,,,
--------------------
4/ سكاليد 2002
حبيبنا راعي السكاليد مهوب بعيد من راعي الديرانجو يضرب ضربتين والثالثه وهو قد دعس واوقفه ترى مناب ناقصين مشاكل بتقاوم زي العالم والناس والا رحنا قال لالا خلاص ابقاومك زي الناس ونوقف و3 بوارى وندعس ونغبربه وعلى فكره انا استغربت انا قمنا فقلت له حول الي معك لاني موتر مليان عالم فقلت له حولهم وتروح بالراحه قال مالها
داعى ومدري ايش قلت كيفك ,,,,,,,,,,
----------------------------------------------
هذا فقط مادار اليوم في التحليه من مقاومات وترقبوا مقاومات لي
بموترى لان زي ما قلت لكم ان هذي المقاومات مو بموترى موتر خويي
وهو (لومينا S) ولاكن والله ماعليها فيها حقهااااااا ...
اتمنى اني ما اكون قد اطلت عليكم واعذروني على الاغلاط الاملائيه
وتقبلوا تحياااااااتي ,,,,,,,,,
والقادم مذهل بأذن الله ,,,,,,,,,,
***************************
اخوكم : فـــتــى الــتــحــلــيـه
-
عضو نشط جدا
- معدل تقييم المستوى
- 45
-
عضو
- معدل تقييم المستوى
- 45
مشكور يبو تحليه وانا اباك تقاومني واتحداك تطوف علي
مع تحيات
طيطــــــــو
-
مشرف سابق
- معدل تقييم المستوى
- 45
مشكور على التقرير الحلو ... وشكـــرا
-
عضو
- معدل تقييم المستوى
- 44
شكرا ياحلو
انا اتحداك لتحديد الموعد
[email protected]
-
عضو نشط جدا
- معدل تقييم المستوى
- 45
بالنسبه لك اخوي طيطو ما اظن انك بتقاومني لان على كلامك ان معك كامري وانا لومينا فما ادرى كيف تقارن بينهم ولك الحكم تعال شارع التحليه ويصير خير ,,,,,,, وانا في انتظارك ,,,,,,,,
-
عضو نشط جدا
- معدل تقييم المستوى
- 45
اخوي احمد2020 ,,, مشكورعلى ردك ,,,,,,,,,,,
-
عضو نشط جدا
- معدل تقييم المستوى
- 45
خوي ابوضاوي ممكن اعرف سبب تحديك لي ,,,,,,,,
وعلى اي اساس بتحداني ,,,,
وش السياره الي بتتحداني فيها ,,,,,,,,
وبالنسبه لك انت واخوي طيطو ياليت تنسقون مع بعض على شان تصير المقاومه
جماعيه وعلى شان نشوف وش عندكم انت وايااااااه ,,,,,,
وانا في انتظار ردكم ,,,,,,