ماذا تريدون من عبداللطيف جميل ؟

منهم البازعي والوعلان !! ان كان سؤال فهذا جوابه


البازعي : وكيل سيارات تويوتا الخليجيه بالسعوديه

الوعلان : وكيل هيونداي بالمنطقه الوسطى والقصيم


اخووووووووووووووك مرزوووووووووووووووووق

يا شباب
شكرا على التفاعل
منهم البازعي و الوعلان

ابضرب لكم مثال بسيط على الهايلكس :

ابو جميل يجيبها من اليابان خام يعني سياحيه تدرون وش يركب؟؟

الكمبرسور حق المكيف ماليزي

المراتب اي كلام

بطانة الابواب مشي حالك

الحساسات حركات الغرابي

انوار الطبلون made in china

المسجل وما ادراك ما المسجل والله اني مدري من وين يجيبه

حقت المشروبات ما فيه وغيرها الكثير الكثير

طبعا الحركتات كلها يركبونها في جده

وفي النهايه السعر طال عمرك 67.000 الف ريال ريال ينطح ريال ليه ذا الاجرام ؟؟؟؟

انتم شوفوا الهايلكس حق البازعي وقارنوه مع حق ابو جميل وشوفوا الفرق بأم عيونكم

مانقول الا حسبنا الله ونعم الوكيل على كل ظالم00

ليه ليه ابو شطب

تبي الوكلا يلعبون بالاسعار !!

تبيهم يغيرون المسجلات !!

تبيهم يقللون المواصفات !!


والله غريب رايك بابو شطب



اخووووووووووووووووووكم مرزوووووووووووووووووووق

انا ابي منه يجيب لنا السياااااااااره شد بلد


ما يحط فيها ولا ابره

واحنا عاد كل واحد وذوووقه يسوي الي يبي


يعني من المصنع الى الوكاله من غير المرور بكيلو 2 والغرابي


وسلامتكم

ياليت كل الوكلاء يحذون حذو ابو جميل

خصوصا بالصيانه |1|

أطالبه أنه مايلعب علينا بحذف المسجل

وكذلك حذف شاشة النافقيشن في الأفلون

يا شباب سيارتي قير اوتو يعني فيها اي بي اس

انا اقول له انه وكيل استغلالي ما يخاف الله في المستهلك اسغل الناس في اختيارهم لسيارات تويوتا وصار يلعب بالاسعار على

كيفه ويغلي فيها ويلعب في جيوبهم ...... واحنا الان والحمد لله اغلى من دول الخليج وحتى من امريكا وخاصة بعد والغوا البطاقة

الجمركية منذ اكثر من سنة وبدوووووو يلعبون في الاسعار على كيفهم .

وشيء ثاني ايضا اذا وجد في بعض سيارات تويوتا عيب مصنعي لايقوم بعمل استدعاء لها بس يكتفي اذا رحت وسويت صيانة

يغيرونه احينا من غير مايقولون لك .

تهيء تهيء
تهوء تهوء


مالي الا اهدي هذه الاغنية للوكلاء


اذا هالحال يعجبكم .... على قهر زباينكم .... مصيرنا يوم بنصدمكم .... ونموتكم بسيارتكم



وشكرا

لقد اسمعت لو ناديت حيااااااااا ....... ولكن لا حياة لمن تناااااادي .

ومثل ماقال اخوي مرزوق الموضوع مامنه فايده

كلام يطير في الهواااااا وياليت فيه راحة بال بالعكس الحين تكتب كلامك وفي موضوع ثاني تكتب نفسه وتتكلم نفس الكلام الي كتبته وين مارحت ووين ماجيت

راسل الشركه الأم برا السعوديه يمكن يرأفون بحالنا

ولا وش رايكم نقدم معروض على هيئة الموصفات والمقاييس ولا حماية المستهلك هههههههههههههههههههه

اسف على الاطاله بس هذا الحق

اخوكم :: عبدالرحمن

بالنسبه للمسجلات فقط يفكها عبداللطيف جميل في الكورولا والهايلكس ،،
ولا يوجد قطع تجاريه يركبها في سياراته سوى بعض الاكسسوارات مثل الريموت
والستائر والحساسات ...
كما أنه لو يوفر نظام الـ ABS في القير العادي لكان أفضل ،، لأنه لا يوفره
إلا في القير الأوتو .

الوعلان : ..صيانة صح .. اسعار صح .. شغل صح.. ومايفكك المسجلات ويبدلها :)

الجميح : سيء للغاية بالنسبة للصيانة .. قطع غالية .. ناس ماتفهم ويشتغلون بسيارات خلق الله ..

تحياتي للجميع ..

أنا أبغى من العيسائي:

يهتم أولاً بالمعرض Show room
يهتم بالورشه اللي عنده .. مو مسوي لي صندقه .. وحاط لها شينكو .. وكم عامل
ينزل الأسعار شوي .. وكمان أسعار قطع الغيار

نقطة مهمة .. من أسباب إهمال العيسائي لميتسوبيشي .. هو إنه .. عنده وكالة 10 شركات تقريباً .. منها عصيرات وشركة باناسوينك وناشيونال وميتسوبيشي للسيارات .. وبرضو ميتسوبيشي معدات ثقيلة .. ولا أذكر الباقي. وعند العيسائي .. تعتبر ميتسوبيشي للسيارات .. رقم 3 في الأفضلية. يعني بالعربي .. ما يهتم .. سواء باع والا ما باع .. وهذا سبب تراجع مبيعات ميتسوبيشي في المملكة .. هالأيام.

أنا أقترح إنه يسلم الوكالة لشخص قادر عليها .. ويفكنا من شره.

تحياتي

KeN

والله مااذكر الحين الا المسجلات
يحطلنا مسجلات هو مجمعها مادري من وين

بالنسبة لي ابي من بو جميل
1- الاسعار ليه مطيرها بالجو تراها كلها تويوتا
2- المواصفات: المسجلات والقطع الضرورية
3- وسائل السلامة: من ايرباجات و ABS
وغيرها وغيرها

يا اخوان ممكن احد يعطيني اسماء القطع غير الصلية الي وكيلنا العزيز يحطها سواء كاميري اوكورولا وجميع سيارات تويوتا