قناة السيارات
الجميع يعلم أن السيارات الاوروبية يعيبها كثرة الاعطال مقارنة بالسيارات اليابانية ولكن لها العديد من المميزات تغطي على هذا العيب .
سؤالي : انا من المعجبين بالفولفو ولكن اخشى ان تكون من السيارات الأوربية كثيرة الأعطال. بحكم انني لم يسبق لي التجربة.
افيدوني بارك الله فيكم
ولمن يمتلك S40 أو V50 لا يبخل بالمعلومات بعد التجربة.
وشكرا
الفولفو من اقل السيارات اعطالا ونسبة السلامة تكاد تصل 100%
اذا اخذتها وكاله وحافظت على صيانتها فضمان مني 4 سنوات ماتشتكي من شي
وخاصة S40 عملي جدا لكن يعيبه ضيق الكابينه الاماميه قليلا لكن كجوده وفخامه ممتازه
بس لاتفكر تبيعها بسرعه لانها ماتمسك سعرها
شكرا اخي jay-z
ولك ايضأ أخي waleed4w
وبصراحة انا معجب بالسيارة مرررة واحترم اصحابها وشكلي ابشري لكن ما ادري وش اخذ وحدي 100 ألف.
تحياتي
ان كان على خرابات انا اضمنها لك انها ماتخترب ..
الوالد كان عنده فولفو موديل 85 مشاها 500 الف كيلو وبعدين باعها ومازالت الى الان تمشي وهي الحين عدادها قرب 700 الف ريال عند احد اقاربنا و تجيب 90 كيلو كحد اقصى لسرعتها واحيانا تطق المية ..
هذا بالنسبة للفولفو القديم راااائع الى ابعد الحدود ..
اما الجديد توني شاري اس 60 مستعمل موديل 2001 ماشي 110 الحين مشيته 3000 كيلو بس مالها الا شهرين بس ..
رغم ان تجربتي معاها موب طويلة علشان احكم على خرابات الفولفو الجديد اللي مااتوقع بيفرق عن القديم لكن السيارة سواقتها شي مذهللللل ..
اما الاس 40 انصحك تاخذ الفل اوبشين بـ 120 الف ريال ..
تليفون + زينون + سيدي شينجر + ستيريو خيالي انصحك تروح تجربه بالوكالة قلهم يشغلونه لك حق الفل اوبشين + داخلية رائعة + شكلها ماراح يتغير الا بعد 6 سنين + جلد + فتحة + مكيف قوي جدا بالنسبة للاوروبي + جميع الانظمة ABS , EBD , ESP .... الخ ,,
وطبعا السلامة من خمسين سنة محد قدر ينافس فولفو ..
خذها وصدقني ماراح تندم ..
وان كانك من الدمام راسلني عالخاص يمكن اقدر اطلع لك سعر حلو بالسيارة لان علاقاتي مع وكالتهم حلوة (( جايب لهم زبونين )) وانت الثالث ان شاء الله
السيارة ممتازة لكن اهم شي انك تسوي صيانة دورية عليها
صراحة الفولفو عاجبتني كثيرا
وشكرا أخوي النايم على المعلومات عن فولفو صراحة توقعتها مثل بقية السيارات فيها من الخراب
وأنا معجب بتصميم فولفو S40 كثيرا من الداخل ومعجب أيضا بأمانها
إلى وكيلها الزاهد شباب هل هو ممتاز في الخدمة
أرجو الأفادة
