قناة السيارات
وينكم يا شباب خسارة والله خسارة فريت المنتدى كلة مافي احد يتكلم عن ال407 ليش ايش فيها شباب انا عندي 407 والله اشوفها احسن من كثير من السيارات وارجو ان تكتبوا عنها اذا عندك خبرة عن الاكسسوارات والحركات ارجوكم لا تهمولوني
وتهملون سيارتي Ok...............
حياك يالغالي
صراحة والله السيارة مزيونة وممتازة .. ومع واحد من الزملاء صراحة فخخخخخخمة من جوا وفيها مميزات حلوة
طيب ياريت لو تكون انت البادي يعني وتكتب موضوع جديد عن تجربتك مع السيارةيعني كم مشيت معاك .. عاجبتك ولا لأ .. الوكيل واسعار القطع .. حاجات عاجبتك فيها .. وزي كذا
تحياتي ..
أهلين
ولا يهمك أحاول بعد الاختبارات أنزل موضوع عنها
مع الشكر والتقدير ،
cars fan
انا نزلت مواضيع لها... لو تسوي بحث تلقاها
هذا يوم كنت أحب البيجو بس الحين العن أبو خامسة هو والوكيل
سوء الوكيل سبب في عدم شهرتها وانتشارها
كذلك ما يتردد على ألسنة الناس من ارتفاع درجة حرارتها سبب آخر
الوكيل هو السبب يارب يغيروه
مشكورين على الردود شباببصراحة يا شباب الموضوع شوي مقلق لكن الوكيل بصراحة زفت انا الان عندي مفتاح واحد بس والثاني لي شهر وانا قاعد اداوم عندهم يقولون ما جاء لسة واليوم جالي موقف مع السيارة ياشباب الي صارت له يقلي الحل المهم جيت ماشي بالسيارة وطلع في الشاشة انة الكفر منسم رحت على البنشر اشيك طلع الكفر مافية شي استغربت كثيير مدري ايش اسوي وغير كذا المصيبة الأكبر انه المسجل احاول اطفية ماهو راضي مدري شصابة السيارة مالها شهر وسوت كذا اجل بعد سنة وش تسوي شكلها تنتحر الله يستر معني ياشباب مدلعها دلع غير طبيعي الي يشوفني يقول معاك روز رايز ارجوكم شباب ساعدوني !!!!!
اعرف واحد معاه 607 ويطلع في الشاشة ان ضغط الكفر انخفض وهو ما فيه شي
انا ما ادري اذا هي مشكله ولـ لا بس راعي ال607 متعود واذا طلعت له الرساله يطنشها
اعتقد الرساله اللي تطلع تقلك ان ضغط الكفر انخفض مش ان الكفر منسم ... والإنخفاض بسيط وما يقلق بس الأفضل تشيك على الكفر إذا اتكررت الرسالة اكثير (مثلا كل 6 مرات تطلع الرسالة شيك)
وانت جرب نسم الكفر وشوف ايش نوع الرسالة اللي تطلع (هل نفس الرساله أو رسالة تحذير للوقوف الفوري)حتى تتعود على السيارة
اتمنى اني افدتك والافضل ترجع للوكالة بخصوص المسجل ولا تسوي شي خارج الوكالة
تحياتي
التعديل الأخير تم بواسطة *الـسـفـيـر* ; 02-06-2005 الساعة 12:46 PM
