الخميس 11 يونيو 2026
عاجل

استفسار بخصوص مشغل السيديات اللي يركب في الشنطة

الإلكترونيات والإكسسوارات و العناية بالسيارات مغلق
16 رد 2,967 مشاهدة 8 مشارك الأقدم أولاً
K
K I F Y @user_6053 · 21-05-2005
السلام عليكم ورحمة الله وبركاته


أنا سمعت عن مشغل السيديات اللي يركب في الشنطة ويحطون عندك قدام الجهاز وتشغل السيديات بواسطته
بس لازم تكون مشغل الراديو وعلى موجة خاصة

سؤالي / هل إذا كنت مشغل الجهاز ووقف واحد جنبي وشغل الراديو عنده على نفس الموجة يقدر يسمع اللي أسمعه أنا لأني رحت للمحلات اللي بالغرابي وينفون حدوث ذلك بشدة

فما رأيكم يا أعضاء المنتدى
K
K I F Y @user_6053 صاحب الموضوع · 04-06-2005
مشكوووووووووور أخوي على توضيحك
علماً بأن السيارة فورد قراند ماركيز
*
*الـسـفـيـر* @user_7407 Banned · 02-06-2005
اذا ما كان نوع التشانجر نفس نوع المسجل فتحتاج لـRF وهذي القطعة هي اللي تنشبك على الFM ويكون تبعها شاشه توضح عدد السيديات ورقم المقطع

وهذا هو النوعي اللي مركبه أنا بسيارتي وماركة التشانجرJVC ومن الممكن التقاط الموجة من خارج السيارة ..بس اذا تبعد شوي عن السيارة تختفي الموجة

وسعر الRF
250 ريال
K
K I F Y @user_6053 صاحب الموضوع · 29-05-2005
مشكوووووووووور أخوي M.A.M
على توضيحك
M
M.A.M @user_7057 · 27-05-2005
اخويF50
ال FM يركب على اي سيارة فيها FM
اما النوع الثاني اذا كان مثلا JVC معناها مايركب الا اذا كان عندك مسجل JVC لانه راح يكون مجهز بمدخل للشانجر ماركة JVC وهذا الكلام يندرج على باقي الشركات .. لكن ال FM مثل ماوضحت لك في البداية يركب على اي شي فيه FM حتى لو صار سيكل :)
تحياتي
K
K I F Y @user_6053 صاحب الموضوع · 27-05-2005
هوا اللي شفته في الغرابي نوعين
واحد من شركة JVC ما أدري اسم الجهاز بالضبط والثاني من شركة سوني
واسم الجهاز يبدأ بحرف X وأسعارهم على 800 للـ MP3 و 600 للعادي
والسيارة عندي فورد
M
M.A.M @user_7057 · 26-05-2005
اخوي F50
اللي اعرفه انا ان فيه نوعين من السيدي شانجر :
1- نوع له مدخل في المسجل نفسه واذا كان بايونير مثلا مايركب له الا بايونير فقط لان المدخل مخصص للبايونير فقط واذا تبغى مثال اوضح عندك الشانجر حق اللاندكروزر مثلا مايركب الا على نفس المسجل حق اللاندكروزر لانه مخصص له .. ماادري اذا قدرت ابين لك الفكرة مضبوط
2- نوع عن طريق ال FM وهذا يشتغل على اي مسجل سيارة وانا شخصيا ماجربته لكن شفته عند واحد وكنت بسيارة ثانية وسمعته بوضوح لكن ماادري اذا فيه انواع يكون يشبك على طول في الراديو وهي من نوع ال FM بس مااظن لان ال FM واضح من اسمه انه يشتغل على ال FM فلذلك اتوقع اللي قال لك هالكلام عنده لبس في الموضوع
تحياتي
K
K I F Y @user_6053 صاحب الموضوع · 26-05-2005
أخوي M.A.M

هو قالي أن السلك يطلع من المشغل حق السيديات ويدخل في الراديو حق السيارة
يعني ما ينتقل عبر الهواء ولذلك اللي يوقف جنبك ما يقدر يسمعك لأن السلك هو اللي ينقل الصوت !!

وإذا بغيت توضيح أكثر علمني النقطة اللي تحتاج توضيح وأنا مستعد
M
M.A.M @user_7057 · 25-05-2005
اخوي F50
ياليت لو توضح اكثر علشان اقدر افيدك
K
K I F Y @user_6053 صاحب الموضوع · 25-05-2005
مشكووووووووور أخوي M.A.M
على مرورك وردك الكريم

ولكن هو قالي أنه في سلك يطلع من المشغل ويركب في الراديو حق السيارة
وهو اللي ينقل الصوت
M
M.A.M @user_7057 · 23-05-2005
السلام عليكم
نعم ياشباب لانه يشتغل على ال FM ومثله مثل اي اذاعة او اي شي يشتغل على ال FM ولكن قد تكون بعض الشانجرات الجديدة فيها ميزة التشفير لكن انا مجرب JVC وكنت في سيارة ثانية واسمع اللي في السيارة الاولى بوضوح تام لكن طبعا كل ماابعدت كل ماقل الوضوح وذلك يعتمد على قوة مرسل ال FM الخاص بالشانجر
على فكرة :) البعض قد يعتبرها ميزة :)
تحياتي
K
K I F Y @user_6053 صاحب الموضوع · 22-05-2005
مشكوووووووووووووورين أخواني
على ردودكم وآرائكم

أنا ما سألت عنها إلا إن فيه واحد خويي قاله خويه ( يلعب عليه ) شف حطوا قناة أناشيد على الموجة ...... افتح عليها
وفتح عليها وشغالة بس بعد ما أبعد عنه مسافة انقطعت

بانتظار المزيد من الأعضاء
ص
صحراء الجليد @user_19137 · 22-05-2005
اول مرة اسمع بدا النوع

انا اعرف الدايركت بس
]
][HnAdi][ @user_17912 · 21-05-2005
اقول ريح بس
انا مركبه عندي بالالنترا ومحطوط علو موجه 88.1 ومحد يقدر يدخل عليها لان المهندس حاط جهاز جوى المسجل

وهو عباره عن محول يبرمج لك الجهاز على هذي الموجه وبس



وشكرا
T
T.N.T @user_8264 · 21-05-2005
مستحيل يخوييييييييييي


هم يبرمجونه لك على محطة في الراديو ..

اذا حصل فهو مجرد تشويش عشوائى لااكثر ولا اقل
M
M.A.D about u @user_4452 · 21-05-2005
لا لا ماتوقع كذا

كان الشعب فلها


ما اتوقع ان تقوم الشركات بهالشي الفظيع <======= من جد فظيع يجي واحد يسمع الي اسمعه ويييييين


وان شا الله باقي الاعضاء يفيدونك اكثر مني

لاني ما جربت هالنوع من سيديات الشنطه لكن جربت الدايركت


اخوووووووك مرزووووووووووووق :)
د
دكتور / مجنون @user_18878 · 21-05-2005
اممممممم .. ما جاء على بالي مثل هذي الفكره

لكن اللي اعرفه .. في سلك يطلع من السيدي و يربطونه بالانتل حق الراديو .. و يشتغل بدون حدوث اي تشويش !!!