القراندي او الماكسيما

مكسيما

أود أن أشارك بالمقارنه بين السيارتين بالنسبه للموديلات المتوفره في الكويت:الماكسيما
1. 227 حصان و بتسارع 8 ثوان- من 0- 100 كلم
2. سعة خزان الوقود 70 ليتر
3. قطر الدوران ب 360 درجه بقطر 10.8 متر
4. كيب الإطارات من ألومنيوم
5. عدادات ذو إضائه جديده
6. ريموت كنترول
7. أكثر مبيعاً
8. السعر 6050 د.ك.
الكامري
1. 213 حصان و بتسارع 9.1 ثانيه- من 0- 100 كلم
2. سعة خزان الوقود 70 ليتر
3. قطر الدوران ب 360 درجه بقطر 11.2 متر
4. كيب الإطارات من ألومنيوم
5. هيكل صلب و آمن
6. ريموت كنترول
7. زجاج يقلل إنبعاث أشعة الشمس
8. السعر 5850 د.ك.
و في النهايه على الرغم من قوة الماكسيما إلا أن الكامري لديه تجهيزات أكثر و وكيل تويوتا مسوي عروض جداً مغريه

السلام عليكم

انا الصراحة عندي المكسيما افضل

بس التحمل يمكن الكامري اصبر

الي مو عاجبني في الكامري انها شبهه عند الدوريات كل ما شافو كامري وقفوه

والله انا فرايي الكامري احسن من الماكسيما...
بس لو انا كنت مكانك باخذ المكسيما...
عشان عندنا هنا فالأمارات اكثر التكاسي كامري..

مشكوريييييين على الردود

الكامري تحمل بس ترى فيه نوع كامري اقوى من الجراندي
اليهوا (( تورينغ)) سته سلندر مثل قوه الجراندي لكنها اخف بكثير ورهيبه
لكن المكسيما احسن منها واسمع قاعده المكسيما
اذا عملتها بلطف عاملتك بلطف واذا لعنت شكلها تلعن شكلك

انا من ناحيتي الماكسيما

سلاااام شباب....

سولك والله حلو بس انا اوافق اخوي moh
ان الي يصبر هو الجراندي بس الفخامه بلا منازع المكسيما.

عشق الريادة....:)

الماكسيما أسرع وأفخم

بس القراندي افضل وأحسن منها في الصبر والتحمل

مع السلامة:باي: :باي: :باي: :باي: :باي:

والله الماكسيما ماتتحمل مثل الكامري

توكل على الله وخذ كامري

انا بعد انصحك بالكامري

شكراً المحقق 777

انا انصحك بالكامري
لانها بتعيش معاك اكثر

مشكور اخوي moh
انا ترا ما ابيها تفحيط ومن هالقبيل وعلى ما اعتتتقد ان القراندي احسن لي

هلا اخوي...
نصيحتي لك من ناحية اللي يدوم عندك طبعا الكامري...لكن من ناحية الفخامة الماكسيما افخم....والجير العادي في الكامري جراندي لاتستهين فيه:تمام:

مشكووووووووووور اخوي على الرد وانا اقصد قراندي 2002 و ماكسيما 2002

السلام عليكم اخوي شوف اولا انت ما حددت جراندي كرسيدا او كامري .لكن لنفرض انها كامري اخوي اول الناس كانو يقارنون بين الكرسيدا والا لتيما .صح او لا طبعا والافضل معروف. فانت قيس على ذلك فيظهر لك الجواب ان شاء الله.