هل الامريكي مقارنة بالياباني في التطعيس مثل مقارنة الفيل بالنمله ((فيديو))

almlqoof @user_18764 · 09-05-2005

السلام عليكم

انا صراحة شفت كثير مقاطع تتفوق فيها الياباني ان كان نيسان او تويوتا علي الامريكي

مهما بلغت قوة الامريكي لا يستطيع مجاراة الياباني في التطعيس

غريبه مع ان فرق الاحصنه لهم احيانا بس الياباني احصنة فعل وقول |1|

اللي خلاني افتح هذا النقاش هذا الفيديو

شوف الجيب الياباني كيف نفظ الامريكي الهمــــــــــــــــــــــــــر من تحت الارض كأنه ريشه

http://members.lycos.co.uk/satrawhm/hummer.zip

همر وهمر اقوى التويوتا والنيسان والياباني كثير سمعناها بس في الحقيقه |10|

مع السلامه

ابو بندر @user_15688 · 24-06-2005

لا طبعا لا يقارن الأمريكي اطلاقا بالياباني بالطعوس .... باستثناء شركة جيب

لكن حتى الشيروكي والجراند شيروكي مع انها ممتازة بالبر الا انها متعبة جدا بقطع الغيار والخرابات ..

لكن اذا جيت للياباني وخصوصا اللاند تجده اقل خرابات ... قطع غيار منتشرة .. وفوق كل هذا وحش في البر والظروف الصعبة .. واكبر دليل شف رمال الامارات وقطر وصعافيق والخرارة وام دباب ..

الامريكي خذه قومة وسرعة وراحة ورفاهية صح ... لكن لا تقربه للبر ... لانه يخذلك !!

سعد44 @user_18701 · 22-06-2005

مشكوررررررررررررررررررررررررر

سواق الشروكي @user_19949 · 21-06-2005

مقطع الفديو همرh2 وهو غير مخصص للرمال
بينما لو تجيب همرh1 (حق الجيش) أنسا يقوم عليه ربع ولا غيره......

صوت الارض @user_1835 · 21-06-2005

الهمر صخر ما يرقاه إلي العالي ......ولي ما يذوق العنب حامظ عنة يقول ...................

أعذروني اخواني ولكن المقطع مفبرك ....بتمويل من بعض الشركات المغرضة ...............

خوفا من إنتشار الهمر .....

صدقوني أنا مستعد انزلكم مقاطع من تصويري للهمر .....راح تعرفون الفرق ......بس الخوف من العين الحاسده وانا اخاف علي موتري ...

علي العموم مثل ما قالوا الشباب .............الرك مو علي الموتر الرك علي السواق .

ABu7MeaD @user_11310 · 21-06-2005

الامريكي قوي
بس بالطعوس ماينفع ابد
ماينفع مرره
-
بالطعوس مالك الا الياباني

ملهوف اللكزس @user_19832 · 19-06-2005

مشكووووووور على الموضوع...

الهمر الجديد حق فخامه مو حق طعوس...

تبغى نصيحتي خذلك لاند ولا أرفع يدك...

مع تحياتي لك...|3|

أبـوأسـد @user_15810 · 22-05-2005

م

مجنون شفر

همر H2 تعليق جي ام ومحركات جي ام فورتك
يعني حاله مثل حال الجمس ثقيل
الهمرالحقيقي H1 تعليق خاص معقد من تروس وغيرها ومحرك ديزل ذو عزم -تورك - عالي جدا
واتحدى اي سياره يابانيه توصل لمستواه
ويكفي ايام اول الجموس ابوعبارتين ومكاين 454 تطعس من احلى مايكون بدون دبل ووزن ثقيل
ايام التهريب ومكاين 511 الممنوعه

صدقت أخوي|1|

مجنون شفر @user_6284 · 22-05-2005

همر H2 تعليق جي ام ومحركات جي ام فورتك
يعني حاله مثل حال الجمس ثقيل
الهمرالحقيقي H1 تعليق خاص معقد من تروس وغيرها ومحرك ديزل ذو عزم -تورك - عالي جدا
واتحدى اي سياره يابانيه توصل لمستواه
ويكفي ايام اول الجموس ابوعبارتين ومكاين 454 تطعس من احلى مايكون بدون دبل ووزن ثقيل
ايام التهريب ومكاين 511 الممنوعه

Strange Mood @user_17799 · 21-05-2005

والله إهانة قوية للهمر بس المقطع سبق وأن عرض في المنتدى وشاكرلك أخوي

أكورد وبس @user_7944 · 21-05-2005

A

AMER

وهذه الشركة هي أول من أخترع شي أسمه جيب والبقية حذو حذوها وانتهجوا نهجها وحاولوا تقليدها .. فلا يقارن الأصل بالفرع أبداً ..
..

معليش ، بس ودي أرد على النقطة هذي

أولا ، لو مشينا على القاعدة هذي كان ما قدرنا نفضل شي على شي أصلا ، لأن كل شي له مخترع ، وكثير من اللي جاؤوا بعد المخترعين أبدعوا أكثر من المخترعين الأصليين

فكونهم أول من أنتج سيارة من النوع هذا ما يعني أنهم عالة على الباقين ، ولا يعني إنهم هم الأصل والباقين فرع ، كل الدنيا تمشي على هذا المنوال

وعلى كلامك ، لا يمكن إننا نقارن أي سيارة من أي نوع في العالم بسيارات فورد ، لأن فورد أول من صنع سيارة !!!

ثانيا ، الوقع أثبت قوة السيارات اليابانية على الأمريكية ، لذلك رح للطعوس في المملكة والخليج ، ورح للجنوب في وسط الجبال ، وشف الكفاءة لمن !!!

AMER @user_3995 · 21-05-2005

صحيح انه الهمر ..طلع ماهو على قيمته ولا على شكله .. وحتى في الجبال ثقيل دم وصراحة انخدعت فيه زي ما الكثير انخدع في شكله
و حقيقة H2 هو انه H1 مهجن مع السوبربان فلا يعتمد عليه أحد والمعروف بأن قاعدته هي قاعدة السوبربان .. والفرق هو الأسم والشكل .. فهل تعتقد أن السوبربان سيارة طعوس وبران ؟؟

أما الـH1 في سيارة جبال وبر وسيارة قوية تصلح في الطرق الوعرة ..

وأما الياباني .. ماهو كله حق طعوس .. أفضل سيارات خارج وداخل الخطوص هي بلا شك الشروكي وهذه الشركة هي أول من أخترع شي أسمه جيب والبقية حذو حذوها وانتهجوا نهجها وحاولوا تقليدها .. فلا يقارن الأصل بالفرع أبداً ..

ولا أقلل من شأن السيارات اليابانية فهي السيارات الأكثر جودة .. والأكثر تحملاً لظروف الخليج العربي .. ولكنها لا تفوق الشروكي خاصة والأمريكي عامة من ناحية القوة والتسارع وطول النفس .. وهذا من واقع تجربة
ولكم خالص إحترامي وتقديري ..

أبـوأسـد @user_15810 · 18-05-2005

انا من ناحيتي لا تقارن السيارات اليابانية بالأمريكية لأنكم أول شيء جاين تقارنون لي هامر بكبسولة
قارن شيء في حجمة
قارن الباثفاندر واللاندكروزر ضد الجراند شروكي!
قارن الباثفاندر والبرادو والسوزوكي والراف فور والاك ستريل بالشروكي!
وهكذا يعني أصلا دائما اليابانيات أكثرها سيارات خفيفة وصغيرة الحجم مثل أسم الموضوع الفيل بالنملة
ومن يهتم الان بأن يرى تطعيس النملة!!!
الكل يحب أن يرى شيئا ضخما يمشي في الطعوس وهو الأمريكي
وهي على السواق في التطعيس أنا أشوف مثل ما قال كابـــSSـــرس عن الجمس القديم الاحمر وفورد قديم جدا ترقى الطعوس وتنطح أخر الطعس وهي ما في أثقل منها!!!!!
فكيف يكون هذا الشيء؟؟؟
أنما هي على السواق فقط

كابـــSSـــرس @user_6060 · 18-05-2005

عندي كم مقطع في الجوال

لجمس صحن احمر

والله انه يتمشى في الطعوس كأنه في حارتهم

وثانيا الهمر لو تعطيني اسوقه في حياله غرزت به لاني في الحقيقه منيب حق بر

عطه واحد سواق وشف وش يسوي وهذا ينطبق على اي موتر

والسيارات الامريكية معروفه قوتها في الرمال والجبال

وعندك اليوكون الجديد والله فيه قوه غريبه ولكن مشكلته ان يعلق بسرعه والسبب انه نازل

علما بأن صرفيته اقل من صرفية من هم في فئته

SaDSmiLe @user_15904 · 18-05-2005

يا اخوان الهمر مو مصنوع حق الرمال و لكن الغرض الاساسي لصنع الهمر هو للوحول و الجبال و البحار

يعني و الله انك ابطيتوا يا رواعي الياباني

انا ابي سياره قراند شروكي رانجلر و الله اتحدى اي ياباني يصف يم هالموتر

و شكلكم نسيتوا الجمس وانيت دبل و الله تحفر عشان يغرز

أكورد وبس @user_7944 · 18-05-2005

والله يا شباب

الطعوس أثبتت جدارة الياباني وبقوة

وأنا شفت فيديو للمشكلة اللي حصلت في أم دباب ، وكان الشاص شاق النفود شق ، والله ولا جيب قدر يجيبه إلا الشيروكي كان يجاريه شوي بعدين راح الشاص

يا جماعة ، والله كأنه يمشي على الإسفلت بدون مبالغة

الحين الهايلوكسات وهي دفع خلفي تشق النفوذ شق ، فما بالكم بالربع والشاص والباترول

يا شيخ سلم لي على الياباني بس

شحاته @user_14448 · 18-05-2005

يؤيؤيؤ الهايلكس تطلع علاااااااااااااااااااااااى الباترول السفاري والله عجيبه؟؟؟؟؟؟؟؟؟؟؟؟؟؟ بس يمكن يمكن يمكن ليش لا هههههههههههههههههههههه

abosgr @user_11130 · 16-05-2005

وييييييييين ابو الشباب.

اسمحلي ياراعي الموضوع ترا المرهمات مكاين امريكية.
واللي يقول ان ملك الطعوس السفاري يروح للخرارة ويتاكد .
ويعرف وشلون العالم فضلوا الهايلوكس على السفاري في الطعوس
وشف منتدى ام دباب يعلمك ان التيسان شركه الله بالخير
.

ابـوشــافي @user_18667 · 16-05-2005

السلام عليكم

اول شي الواضح لي ان الربع اللي في المقطع مرهم

يعني ماهو ربع عادي

واذا كان مرهم اكيد راح يسحب الهمر في القوه اللي شفناها

لو انها غلط واكبر غلط على السيارتين انك تسحب واحد في الطريقه هذي

لانها راح تلعب في القير حق الهمر او قير الربع

ثاني شي الهمر في المقطع ساعد الربع ولو لاحظة انه كان داعس مع الربع يعني كان مساعد معه

صحيح كان متعلق قبل وكان يدور في محله لاكن مع تلة الربع ساعد معه

ثالث شي الهمر عملااااااااااق ومايعوقه شي بس المشكله هي كا التالي

الهمر قيمة غاليه ومع احترامي للي معهم همرات

الهمر مايشتريه الا واحد مليان فلوس وغالبن مايكون راعي بر ولايعرف عن البر شي

فلما يطلع للبر تلقاه يتعلق جنب الخط

لاكن لو طاح الهمر في يد واحد سواق اكيد راح يكون فيه كلام ثاني

والهمر بشكل عام ثقيل شوي لاكن مكينته قويه

والسيارات الامركيه بشكل عام اقوى من اليابانيه وهذا شي معروف

يمكن اليابانيه تكون اخف وخفتها تعطيها ميزه في البر

لاكن اذا جينا وقارنا السيارات اليابانيه في الشروكي والدوج بشكل عام

مستحيييييييل السيارات اليابانيه تتفوق عليها في البر

وكلامي من ناحية القوه اتركو الكلام الباقي عن جنب انا اتكلم عن القوه في الطعوس

salehhd @user_17805 · 15-05-2005

ايه وين راح الكبسولة والربع النيسان والشاص والباترول والباثفانير

الاخوان متعصبين مرة للامريكي ومعروف ان الباترول ملك الرمال شاء من شاء وابى من ابى