ابغى اشتري افالون جديده لكن

طيب لنفرض ان ابوجميل خربها ورفع السعر

بيصير البازعي ارخص منه كذا خذها من البازعي ازين

ولا يا شباب

والله السيارة قمة في الروووعه........واحسنت الاختيار ...اما من ناحية الرساوة ما تقارنها بالكابريس لكن ممتازه جدا جدا...

والله يوفقك...وانا والله حطيت موضوع شامل عن الافالون الجديده لكن للاسف تم حذفه لانه منقول (قوانين المنتدى على العين والراس)

والاسعار كالتالي:حسب موقع تويوتا السياره بتنزل بأربع أنواع :

أفالون XL وسعرها التقريبي = 98812 ريال

أفالون Touring وسعرها التقريبي = 107250 ريال

أفالون XLS وسعرها التقريبي = 115500 ريال

أفالون Limited وسعرها التقريبي = 125775 ريال

اتمنى اني افدتك ولك خالص تحياتي..ابوعشق..

من ناحية الرساوة ممتازة صراحة

السيارة تجمع ميزة الخفة في الاندفاع والثقل على الطريق

تحياتي

ممكن تخبرنا عن اسعارها في الوكاله مع مواصفاتها

طيب يا جماعه الرساوه راسيه زي الكابرس ولالا

شوف يا أخي مسألة انك تنتظر الدفعة الثانية شي جيد وفي نفس الوقت غير جيد تدري ليش !!!

لأني انا فكرت اني اشتري السيارة ورحت الوكالة قالوا لي خلصت الدفعة الأولى

والدفعة الجديدة راح تنزل بعد شهرين قلت شي طيب انتظر الدفعة الثانية

افضل لي عشان لو صارت مشاكل في الدفعة الأولى اكون انا اخذت الدفعة الثانية

تدري وش قال لي مدير المبيعات ؟

قال لي انت تفكر ان الدفعة الثانية ما راح يرتفع سعر السيارة وهو يضحك

يقول لي اصلاً ابو جميل متحسف وعاض اصابع الندم انه نزلها بسعرها هذا يعني رخيص :eek:

وصدقني راح يرتفع سعرها مثل البرق يا أخي هذي سياسة تويوتا معروفه منذ زمن طويل

أنتظر أفضلك
ناظر الكامري 2003 أول ما نزلت الكل يشتكي منها وأنا أولهم مهب راسية , حساسات الله بالخير وأنت خابر.

طيب ابغى استفسر
هل السياره تقارن من ناحية الرساوه با الكابرس والفورد ام لا



السؤال الثاني

هل الجلب في السياره يطلع منها هواء زي الكامري
تمشي كنك فاتح الدريشه



مشكورين على التفاعل

ارحب بجميع الاخوة
ابشرك ولله الحمد انا ثاني واحد شرى سيارة الافالون في مدينة الرياض وصاحب اللون اللؤلؤي (فل كامل) حسب كلام الوكالة مافية في الدفعة الاولي لون لؤلؤي الا سيارتي عموما بخصوص سؤالك عن الدفعة الثانية بتنزل انشاء الله في منتصف شهر مايو واي استفسار اخر انا في الخدمة.
(فيه صور لسيارتي في منتدى صور الاعضاء اتمنى انك تتطلع عليه

تحياتي

انتظر افضل لك

والله كلامي من كلام الاخوان ..

والله يعينك عالانتظار ,,

أغلب الوكلاء يجيبون كميات قليلة من السيارة في اول دفعة خصوصا اذا كانت جديدة او شكلها مجدد والسبب يرجع الى انهم يرغبوا في دراسة السوق ويشوفوا وضع السيارة فيه وهل هي مرغوبة او لا ... انا من رايي انك تنتظر الدفعة الثانية افضل لك وتكون عندك خيارات اكثر في المواصفات والالوان لان غالبا ما تكون الدفعة الاولى دفعة تجريبية

وانا اخوك
هذاك اول فيها خرابات اول ماتجي حنا في عصر التكنلوجيا مايطلعون الشي الا مجرب ومكتشف فيه العيوب كامله ومعدلينها

وبعدين السياره الفخمه ما منها خوف وهي مشالله
جت من التصنيف الفخم

(وجهة نظر)

وتوكل على الله والله يطعمك من خيرها ويكفيك شرها

تحياتي

الصبر زين وكويس اما عن الدفعة الثانية ماأدري والله لكن ان شاء الله ماتطول
الصبر مفتاح الفرج عل قولتهم وصدقني ماتتحسف لو صبرت شوية وماعليك من كلام الوكالة
كله كلام كذب عشان الناس يشترون يعني اكيد بيمدحون فيها اصبر اصبر اصبر نصيحتي لك
وانت بكيفك
تحياتي لك.

الوكاله يقولون السياره مجربه في السعودية لمده سنه ولا فيها مشاكل


اما سؤالي متى الدفعه الثانية هل بتتأخر واجد


لاني والله عجل وبصراحه اللون اللؤلؤي جنان

ننتظر اراء الاخوه