اختفاء وظهور ظاهره جديده بالسعوديه ؟؟

الرائع @user_18517 · 10-04-2005

بسم الله الرحمن الرحيم

انا بتكلم اليوم عن ظاهره كانت منتشرة بشكل كبير في شوارعنا قبل 3 سنوات

اما الان فهي اختفت وظهرت ظاهره بتقادي حلت مكانها عند الشباب

الظاهره الي اختفت هي

ظاهره التفحيط
التفحيط قل بشكل كبير جدا حيث انك قلما تجد تجمع شبابي ومطاردات مع الدوريات زي اول
بعكس ماكان قبل 3 سنوات بكل شارع تفحيط بعد دوام المدارس وكان للشوارع اسامي وشهرات

اما الحين فقليل جدا

الظاهره الي ظهرت واعتقد حلت مكانها هي ظاهره قديمه ولكن كانت غير منتشرة مثل الان

الظاهره هي

ظاهره التلغيم والترهيم
التلغيم كان معروف وموجود بس ما كان له كل ذي الشعبيه بعكس الان صارت اغلب سيارات الشباب معدله
بحيث انك اذا مشيت بالشارع تلقا كثير وسيارات متعوب عليها عكس اول كانت سيارات تعد بالاصابع لناس معروفين
والدليل على كذا سباقات السيارات المعدله بالربع ميل والتطعيس بالقصيم والسماح لرالي قادم في حايل

فتسائلي هو كيف اختفت ظاهره التفحيط وظهرت بدلا منها التعديل عند الشباب مجرد تسائل :confused:

في انتظار مشاركتكم

wheel @user_17813 · 30-04-2005

ياشباااااااااب ... هوامير التفحيط والعربجة اختفوا تدريجياً خلال السنوات الخمس الماضية (ابوزقم-بدر عوض-البوبو-المستشار-ابوعرام-المهجول-وزير الطارة-راعي الكرى-xl) والكثير الكثير ... تدرون وين راحوا ؟؟؟

اتجهوا الى طريق اسمه .. طريق الصحوة والعودة الى الله .. نسأل الله ان يلحقنا بهم .. قولوا ااااااااامين

أبـوأسـد @user_15810 · 14-04-2005

ضاهرت التفحيط لم تختفي
مازالت تزعج الأخرين هذه الظاهرة السيئة

M.A.D about u @user_4452 · 13-04-2005

يا ذكي هههه مب تدووور يعني تفر

تدوور يعني تبحث هههه

بعدين تراني مب بعيد عنك بال 150 كيلو هاذي لا تهايط خخخخخخ

بعدين ليه كل واحد يرد عليه لازم يغلط بالكتابه وش ذي مكشور ؟؟ واول تقول morzoq رقعتها لك

وعلى العموم مكشوووور على قولتك ههه وابشر انت دق وسكر وانا اعلمك وين الموكب <===== مشكله الزاحف

اخوووك مرزوووق :)

الرائع @user_18517 صاحب الموضوع · 13-04-2005

بسم الله الرحمن الرحيم

اخوي marzoq اما ماادور اجل اذا كنت تسمي 150 كيلو يوميا ماادور اجل كيف تدور انت :) واذا فيه مواكب علميني وين ومتى |4| ترا امزح لاتصدق :) ومكشور على مرورك

اخوي i-vetc_2004 اكيد انه بالاجازات يكثر التفحيط الا الصيفيه بعتقادي والتلغيم ارحم وازين من التفحيط وانشاء الله يقوم زميل اخوك بالسلامه وماقصرت ومشكور على مرورك

اخوي TNT مشكور على مرورك بس انا على خبري القديم على اسامي الشوارع وانشاء التوجه بدا لهشي

اخوي NYC هو من جهه انه سلبياته اقل من التفحيط اكيد بكثيير وحنا هنا نبحث عن عوامل ذا التحول ومشكور على مرورك

اخوي فواز ؟؟؟ ومشكور على مرورك :)

اخوي CAMRY -- XL-I الاشياء الي قلتها موجوده من زمان من يوم ماطلع التفحيط وافلام الفديو موجوده ومواقعها معك حق انها جديده ومشكور على مرورك

TARIQ.M @user_74 · 13-04-2005

للأسف ظاهرة التفحيط لم تختفي بالعكس زادت أكثر وأكثر ، كل أربعاء وخميس تلاقيهم في أحد شوارع الرياض
وبصراحه فيه بعض الامور ساعدت على بقاء هذي الظاهره منها :
× وجود مصورين او بالأصح مجموعات كل مجموعة تتخذ لها أسم ولقب ( مخرجي أفلام التفحيط ). كل مجموعة تتباها بما لديها من لقطات مثيره وافضل السائقين وتتوعد بتقديم الأفضل في المرات القادمه .
× وتوجد مواقع ومنتديات لبعض المتهورين وبعض عشاق التفحيط التي اتمنا حجبها .
× يوجد أرقام تتصل عليها فا يخبرك مكان تواجد التفحيط .

بصراحه الي اشوفه عندنا في الرياض أن ظاهرة التفحيط لن تختفي حتى يتم وضع قوانين صارمه مثل سحب الرخصه ومصادرة السياره اذا كانت ملك لسائقها

وهذا كل مالدي

مع التحيه

فواز @user_561 · 13-04-2005

والله لو بيدي ........

لا تعليق :(

NYC @user_12786 · 12-04-2005

ربما يكون نوع من التغيير ، وربما التعديل أقل سلبية وخطوره ان كانت لا تسبب مشاكل لمن على الطريق

هنالك عوامل كثيره تجعل الشباب يغير من التفحيط إلى التعديل وإحتمال يكون نوع من التجديد في قتل وقت الفراغ

اتمنى ما يكون التلغيم والترهيم له سلبيات اكثر من التفحيط وتكون بإسلوب راقي يبدع فيه الشباب في تحسين مظهر السيارة

بالتوفيق

T.N.T @user_8264 · 11-04-2005

انا اخالفك الرأي تماما ..

التفحيط اللي يغيب عنه ماعاد يحس فيه ..

لكن ترى التفحيط منتشر بشكل كبير وتخيل اجلس مع واحد ويعددلي اسامي الشوارع اول مرة اسمع فيها ...

واتمنى يتجه الشباب لظاهرة التلغيم على الاقل من الممكن تسويلها بطولات .. وتشارك فيها بطولات عالمية ...

مشكور يخوي على الموضوع

i-VTEC_2004 @user_10819 · 11-04-2005

السلام عليكم
والله انا اشوف العكس تماما عندنا في الجبيل الصناعية.
انتشر التفحيط في هذي السنة بشكل مخييييف جدا والله يا جمعاه الخير انه مايمر يوم إلا واسمع تنطيع ورا بيتنا وغيرها من الشوارع المعروفة.
تدرون ان في رمضان الماضي من 20 رمضان إلى نهايته 18 حالة وفاة غير الاصابات.
والله ان اخوي يرجع من المدرسة متأخر ليييييششش؟؟؟ يحضر التفحيط!!!
لحد يوم رجع وعيناه تذرفان الدمع !!!!!؟؟؟؟؟ بسبب اصابت زميله اصابه خطير امام عينه بسبب التفحيييط.
الله يجيرنا من البلوى هذي يخلينا على التلغيم احس وابرك.
تحياتي

M.A.D about u @user_4452 · 11-04-2005

اخوي الرائع

زي ما قلتلك انت ما تدور علشان كذا ما تحس انا كنت زيك اقول اختفى ومن هالكلام

لكن اكتشفت <======== مشكله الي مخترع صاروخ

انه كل اربعا وخميس هجووووووووله ومووووووووواكب

لا وتنسى ولا تغفل عن هجولة الظهريه :) بعد المدرسه < ====== والله من الرواقه

يا رررررررررراقل وش لنا بهالكلام فك عمرك من الهجوله ومشاكلها

اخووووك مرزووووووووق :)

الرائع @user_18517 صاحب الموضوع · 11-04-2005

بسم الله الرحمن الرحيم

اخوي morzoq يمكن كلامك يكون صحيح مااختفى نهائيا بس مو زي اول كل اربعا وخميس هجوله ومواكب

اخوي لوريل 86 الزينون بكل مكان يركبونه حتى التاكسي صاروا يركبونه فلاتستغرب تلقا بكرا التريلات مكربينها

اخوي memo_ksa والله الاهتمام بدا من هالناحيه شف سباقات التطعيس والربع ميل بالقصيم والرالي الي راح يكون بحايل وانشاء الله باقي المناطق

مشكور على مروركم

memo_ksa @user_14226 · 10-04-2005

بس انا براي اهم شي تساعدنا الدوله علي اقامة حلبة سباق لي السيارات مثل التي في البحرين عشان هذا النوع من الرياضة ما يندثر هنا في السعودية مثل ما حصل في بعض البلدان العربيه

لوريل 86 @user_18547 · 10-04-2005

صحيح أن ردّي لا يتحدث عن ظاهرة التفحيط ولكن سأتحدث عن ظاهرة تركيب الزينون في السيارة وخصوصاً في مكة :

بصراحة ألحظ في مكة كثرة السيارات القديمة مركبين فيها زينون ، يعني حتى كرسيدا 80 واحد مركب عليها زينون هيلا وقاعد يكشّح إلّي قدامه :) .

صحيح ممكن ردّي ليس فيه شيء غريب ولكن في المدة السابقة في مكة لا تجد الزينون منتشر في السيارات القديمة ولكن الآن غير .

M.A.D about u @user_4452 · 10-04-2005

والله انا شايف ان التفحيط ما اختفى نهاااااااااااائيا

للحين فيه تفحيط وفيه هجوله وفيه كل شي بس احنا الي صرنا ما ندري عن التفحيط لانه يمكن قل اهتمامنا فيه او تعودنا مدري

والا الي يبي التفحيط يلقاه

وربي كل يوم اسمع اسماء شوارع جديده ولا ادري وينها ههه

وشي يغطي على شي الحين الكل صار يهتم بموتره ويضبطه وصار يخاف عليه من الهجوله وطرد هالمواكب صح والا انا غلطان :)

اخووكم مرزووووووق :)

الرائع @user_18517 صاحب الموضوع · 10-04-2005

بسم الله الرحمن الرحيم

اخوي فني مااتوقع انها تقليد لانها لو تقليد كان الحين المفروض الشباب يقلودن زي الي قبلهم الغريب انه الظاهره اختفت فجاءه

المحتار الداج مشكور على مرورك ايه الحين تهتمون بالغياب يوم قرب الحرمان :D

اخوي بنز مااعتقد انه الشباب ملوا منها لانه الشباب اتجهوا لها اصلا عشان الملل وفيها اكشن وحركه واثارة وماقصرت ومشكور على مرورك

als7e7ri لهم حق بس مالهم حق انهم يزعجون الناس وفي بيوتهم بعد ومشكور ايظا على مرورك

بس ماتطرقتوا لقضيه انتشار التلغيم والتعديل

بانتظار مشاركه الاعضاء

عمر الشهري @user_9141 · 10-04-2005

أخوي Binz خليتها موضه!!

الشباب لهم حق في كل شيء

ولكن لازم ندرك العواقب لكل الأمور ونضع مقاييس وتنفيذ مشاريع لإشباع الرغبات

وشاكر لك الموضوع عزيزي

ولك التحية,,,

أبوطه @user_7017 · 10-04-2005

اخوي كل موضه ولها وقت حتى تنتهي

الشب عندما يتعلم التفحيط

ويدمن عليه وكل يوم يسويه

رح يمل منه ويدور على شيء جديد

يعني الانسان من طبعه يبحث عن كل شيء يميزه عن الاخر

ليس فقط في التفحيط بل في كل شيء

مثلا مسألة الثوب

كان من 2 او 3 الواحد عندما يفصل ثوب يفصله مثل الناس

وهالايام كل واحد يبحث عن التميز في القماش

والنقشه والازارير الغريبه هاليومين

مثل ماقلتلك هيه مسألة شيء جديد وحتى لو كان قديم لاكن ضهر مثل الموضه

تحيتي

المحتار الداج @user_15877 · 10-04-2005

والله انك صادق
بس مافي تعليل:)
لأني مستعجل بروح الكلية
فمان الله:)

فني سيارات @user_8460 · 10-04-2005

هذه اشياء تتناقل بالتقليد تلاقي الشباب الكل يقلد الثاني في حركة معينة عجبته وشاف ان نتايجها سريعة وجيل من الشباب يكبر ويعقل وياتي بعده جيل ينقل ويقلد والله يحفظ الشباب من التقليد الاعمى و من السرعة الجنونية

مشكور