مشكله بالايرباج !!! (اول مشاركه)

[M ee M]

السلام عليكم ورحمة الله وبركاته ...


تحيه طيبه لجميع اعضاء ومشرفين موقع السيارات الجميل
هذي اول مشاركه لي بهذا المنتدى وان شالله اكون عضو خفيف عليكم جميعا ..
انا قدر الله علي وسويت حادث <<جاي يطر الاخ
المهم سيارتي لومينا اس اس موديل 2001 .. وتضررت الدوده والمساعدات ..غيرت الدوده والمساعدات وكل شي كويس الى الحين ولله الحمد
لكن المشكله اللى طلعت لي بعد الحادث بشهر هي تعطل الايرباج بالسياره .. يعني طلعت لي لمبه الايرباج عند الطبلون
وديتها كم ورشه بصناعية ام الحمام والعروبه وكل واحد يقول كلام .. وانا احترت بينهم والوكاله يقولون خلها بين اربع ايام الى اسبوع عشان نطلع لك المشكله !!!وانا ما اقدر اخليها مثل هذي مده

الشي اللى حااب تفيدوني فيه هو عن ورشه فيها فني خبير بهذي الامور ويعطيني العلم الاكيد بالمشكله .. مع العلم اني من سكان مدرينة الرياض


مع خالص تحياتي لكم
..

[الـصـقـار]

الايرباق مشكلته مشكله خصوصا انه يمكن مايرجع مثل اول

انت رح لورشه وخله يشوف لك حساسات اليرباق هل هي شغاله ولا لا وخله يشيك على الاسلا

اما وشه متخصصه اعذرني ما اعرف

[M ee M]

اخوي الـصـقـار هلابك نورت الموضوع ..

الايرباق مشكلته مشكله خصوصا انه يمكن مايرجع مثل اول ..انت رح لورشه وخله يشوف لك حساسات اليرباق هل هي شغاله ولا لا وخله يشيك على الاسلا

المشكله وانا اخووك اني وديتها ورشتين عندنا .. واحد قال ان واحد من الحساسات خربان والورشه الثانيه قال ان المشكله بالبرمجه !!!! وانت عاارف ان الايرباق يبغاله شغل نظيف .. عشان كذا انا سألت عن ورشه شغلها مضبوط ومضمون


على كل حاال شكرا لك اخوي على الرد .. تحياتي لك

[فني سيارات]

وعليكم السلام و رحمة الله و بركاته
حياك الله معانا في المنتدى الموقع العربي الاول في السيارات
اخي العزيز اعتقد ان مثل هذه المواضيع للاير باق حساسة جدا ولاتقدر تصلحها غير في الوكاله والله يصبرك على الانتظار حتى تجهز
قول لنا انت من اي منطقة علشان الشباب يفيدونك او يرشدونك لورشه تكون ممتازة يمكن يكون حد جرب عنده وشكرا لك

[الـصـقـار]

طيب حل بسيط

خلهم يغيرون الحساست وجرب

[Ghonaim.a]

هلا ومرحبا فيك اخوي

M ee M

معنى في المنتدى

وان شاء الله تجد ما تطلبه

لكن سؤال هل عملت للسياره تلميع او فعلت اي شي مما ادرى الى فك المراتب الاماميه والخلفيه

اذا كان كذلك فأن الشغله سهله وما تحتاج غير 30 ريال في الوكاله

اما اذا غير فما انصحك غير توديها للوكاله حتى لو على حساب الوقت

اخوك ك ا م 717

[M ee M]

اهلين اخواني ..


فني سيارات : هلابك اخووي وشاكر لك مشاركتك بالموضوع

اخي العزيز اعتقد ان مثل هذه المواضيع للاير باق حساسة جدا ولاتقدر تصلحها غير في الوكاله والله يصبرك على الانتظار حتى تجهز

انا مثل ما قلت لك صعبه اوديها للوكاله لانها تاخذ وقت ... لكن انا بخلي الوكاله الخيار الاخير

قول لنا انت من اي منطقة علشان الشباب يفيدونك او يرشدونك لورشه تكون ممتازة يمكن يكون حد جرب عنده وشكرا لك

انا من الرياض .. تحيتي لك


الصقار مرحبا بك ثاني :

طيب حل بسيط

خلهم يغيرون الحساست وجرب

انا بجرب الطريقه هذي مع اني مافهمتها ..


CAM 717 : هلا فيك اخووي مشكور على الترحيب فيني كلك ذوق

لكن سؤال هل عملت للسياره تلميع او فعلت اي شي مما ادرى الى فك المراتب الاماميه والخلفيه

اذا كان كذلك فأن الشغله سهله وما تحتاج غير 30 ريال في الوكاله

اما اذا غير فما انصحك غير توديها للوكاله حتى لو على حساب الوقت

لا انا ماعملت شي من الشغلات اللى قلتها ... كل اللى صار هو الحادث اللى صار .. الله يكفيكم شر الحوادث

وراح اعمل بنصيحتك ان شالله


اخواني انا كل اللى اريده هو ان كان احد يعرف ورشه بالرياض شغلها مضبوط بالحاجات هذي

والسلام عليكم

[الـصـقـار]

شلون تجربها وانت ما فهمتها ههههههههههههه

ابشر افهمك

يعني اشتر حساسات اير باق جديده وركبها وشف تشتغل اللمبه ولا لا