تحذير لاصحاب اللكزس بانواعها

الصافي @user_9774 · 14-02-2005

سلام عليكم شباب

اليوم ابغى اكتب عن موضوع غريب جدا وهو انو ما تلاحظو انو الكامريات والكرولات وغيرها من السيارات تكون مركبه عليها جنوط لكزس اصليه

وفي المقابل اليوم وانا اتمشى في حي الملك فهد 5 سيارات لكزس مرفوغه على حجر ومسروقه جنوطها وكفراتها فهل لاحظتو انو هناك رابط بين الاثنين

شباب لحد يفهمني غلط لكن هذي المشكله لازم يشوفون لها حل صراحه مو معقوله ايش ذنب الادمي يروح يطق له جنوط جديده والاخ يزرفها بلوشي

فانا اتمنى كل من يملك اي نوع من انواع اللكزس اذا كان عندهم كراج يدخلها ولا يقول الجو حلو بخليها برا لانك حتندم في الاخير

والله يبعدنا عن السرقات

الصافي @user_9774 صاحب الموضوع · 22-02-2005

شكرا لكم وانتظر المزيد من الردود

نواف 1.8 @user_8925 · 22-02-2005

مراحب بك أخوي

أنا أقول فيه أقفال لصواميل الجنوط المهتم شوي يروح يطق له 25 قفل ويريح عمره..

بس إذا بنشر الكفر عليه وكان مضيع المفتاح يحط يده على خده وينتظر أقرب سطحه وللوكاله...... على شان مسامير الجنوط..

تحياتي لك

أسير السيارات @user_10430 · 21-02-2005

تسلم حبيبي ع التنبه
هذا من طيب أصلك

الصافي @user_9774 صاحب الموضوع · 15-02-2005

شكر لكم على مداخلاتكم الطيبه وما قصرتو

وننتظر باقي الردود

شحاته @user_14448 · 15-02-2005

شي عجيب مو من موضوعك بس الغريب ان اللكزس تنسرق ولا حتى جرس الاندار يدق والله غريبه عل اللعموم الله يعوض الجميع وعقبال ما يصيدون الحراميه ولو ان الحرامي موجود في المنتدى ويعرف نفسه اعترف احسن لك ههههههههههههههههههههههههههههاي امزح موتصدقون عل العموم الله يعوض عل الجميع

arab sniper @user_16423 · 15-02-2005

حسبنا الله ونعم الوكيل
فى هؤلاء اللصوص سارقى الجنوط
ان الله يمهل ولا يهمل

Night @user_14595 · 15-02-2005

شكرا عزيزي على الموضوع والنصيحه ..

وانا اتوقع سبب السرقات الا انه جنوط اللكزس بالفعل رائعه .. واللي متعود على السرقه الله يعين الناس عليه ..

انه الله بالمرصاد ...

تحياتي

night

مشكل @user_10069 · 15-02-2005

تنبيه هام جداً
مقاس الجنط الاصلي 18
مقاس الجنط الي في الغرابي 17
هذه براءه

NiCK @user_11949 · 15-02-2005

مشكور اخوي على الموضوع والتنبيه

بس ما تلاحظون ان حي الملك فهد صاير اجرام؟ يعني كانوا فيه الارهابيه واكبر مصدر مخدرات في الشمال وشراب وبلاوي كلها فيه

فلا تستبعد السرقه خصوصا اذا عرفت ان سعر الجنوط بدون كفرات في الوكاله فوق ال 12 الف :)

تحياتي لك

LAMBADA @user_13601 · 14-02-2005

خخخخخخخخخخخخخخ

سمعة أصحاب الكامري سيئة وين ما راحو :D

أخوي الغالي ..

وما اتوقع صاحب أي سيارة متوسطة او عادية بيركب على سيارته جنط لكزس أصلي ...

لو اني منه بصراحة بعت الجنوط ولا ركبتها <<< عقلية اجرامية :D

وبصراحة اي صاحب سيارة فخمة يوقفها برا بالشارع غلطان !!

تحياتي لك ولملاحظتك القيمة

الصافي @user_9774 صاحب الموضوع · 14-02-2005

شكرا لكم على مروركم الطيب

وانا والله ماكتبت الموضوع الا حرص على الاعضاء ومن يهمهم الامر

فواز @user_561 · 14-02-2005

مشكور أخوي على التحذير والله يجزاك خير

تم نقل الموضوع للمنتدى الياباني للإختصاص

بحفظ الله :)

أبوغامد @user_14247 Banned · 14-02-2005

مشكوور ألف شكر على الموضوع

الصافي @user_9774 صاحب الموضوع · 14-02-2005

اللهم امين وانا ماكتبت الموضوع الا من القهر اللي فيني ولم اقصد اي اهانه واعتذر مره اخرى للتعميم

شكر لك وانتظر المزيد من المداخلات

T.N.T @user_8264 · 14-02-2005

ما اعتقد ان اصحاب الكامريات بنفسهم .. لان الجنط موجودفي الغرابي بنفس الشكل ..

ممكن اصحاب المحلات .. وبصراحة معقول سيارة فخمة مثل اللكزس وتنسرق جنوطها ولا انذار ولا شي ..

عموما الله يعوض المسروق ويهدي السارق ويرزقنا القناعة

الصافي @user_9774 صاحب الموضوع · 14-02-2005

حياك الله اخوي انا ما قصدت الاساءه بس المساله توصل الى 4 سيارات في يوم واحد والله حاجه تقهر والله حرام يعني انك تشوف 430 بدون كفرات حاجه ترفع الضغط ولكن ليس شرط انهم اصحاب السيارات ممكن يكونون حرامية محلات

اشكرك على مداخلتك وانتظر باقي المداخلات واعتذر عن التعميم

CAMRY2K @user_4753 · 14-02-2005

E

E 500

سلام عليكم شباب

اليوم ابغى اكتب عن موضوع غريب جدا وهو انو ما تلاحظو انو الكامريات والكرولات وغيرها من السيارات تكون مركبه عليها جنوط لكزس اصليه

وفي المقابل اليوم وانا اتمشى في حي الملك فهد 5 سيارات لكزس مرفوغه على حجر ومسروقه جنوطها وكفراتها فهل لاحظتو انو هناك رابط بين الاثنين

شباب لحد يفهمني غلط لكن هذي المشكله لازم يشوفون لها حل صراحه مو معقوله ايش ذنب الادمي يروح يطق له جنوط جديده والاخ يزرفها بلوشي

فانا اتمنى كل من يملك اي نوع من انواع اللكزس اذا كان عندهم كراج يدخلها ولا يقول الجو حلو بخليها برا لانك حتندم في الاخير

والله يبعدنا عن السرقات

وعليكم السلام أخوي E500

بالنسبة لراعين الكورولات أنا ببرأهم من التهمة لأن جنوط اللكزس 5 مسامير والكورولا 4 مسامير ،، مايركبون على بعض ،،

وبالنسبة لراعين الكامريات فهم بريئون حتى تثبت إدانتهم ،، وأعتقد فيه ناس كثير من راعين اللكزس يبيعون جنوطهم الأصلية بسعر رخيص ويشترون جنوط زينة مقاسات كبيرة ،، وترى التعميم على أهل الكورولا و الكامري ماهو طيب ،،ياليت لو قلت في موضوعك ( بعض ) يكون الموضوع الطف شوي ،،

وبالنسبة لراعين اللكزس حمانا الله وإياهم من السرقات فيه حل بسيط وهو تركيب (قفل جنوط ) ،،، طبعًا أقصد الأصلي ،، لأني بحثت هنا في السعودية الموجود كله تجاري والتجاري سيء ينكسر ويسبب رجة في الكفرات،،

تحياتي
CAMRY2K