خروج الدخان الابيض من الشكمان لما ادعس لها بقوه وهي واقفه ماهي الاسباب وماهو الحل

[Yukon4Ever]

المشكله هي اني اذا صار القير في الP احيانا اقوم اضغط بانزين
لكن اليوم ابغا الحق على صلاة الجمعه قمت اكتم على الموتر وهو في الP
ولاحظت خروج دخان ابيض من الشكامين وبصراحه خفت على المكينه لا يكون فيها شيء او انها تحرق زيت ولا شيء
وكمان تطلع رائحة بانزين قويه
ياشباب بسرعه افيديوني

[RoadKillz28]

اليوم الجمعة؟!!!! اظن السبت دورت براسي

يمكن جازكيت الهيد روّح عليك تأكد من مستوى الزيت ولاحظ شكل الزيت جيدا ... والله اعلم

[بندر بستن]

اخوي اذا الدخان اللي طالع ازرق معناته السياره تحرق زيت(وماكو حل الا التجفيد)
واذا دخان اسود معناته مكربنه(تبغالها تصفيه)
واذا ابيض على مااعتقد انه دخان عادي ويمكن ناتج من برودة الجو والله العالم

انشالله يفيدوك الشباب

سلاااااام

[Yukon4Ever]

مشكورين شباب لكن اخواني انا اقولكم الدخان الابيض ما يطلع الا لما اكتم على الموتر فقط وبنسبه للجوا كان دافىء
لكن عندي سؤال ماهو جازكيت الهيد

[فني سيارات]

Yukon4Ever
اول غلط سويته انك تضغط على البنزين و السيارة بارده
الدخان الابيض هو يعني شيئين لاثالث لهما
هو ان الجو بارد او رطب ويظهر قليل من الماء بسيط
وهذا الشي عادي
اما خروج دخان ابيض كثيف او وسط فهذا يعني ان سيارتك تخلط ماء وزيت وتحتاج فك الماكينة
و الكازكيت هو قطعة تاتي وسط الماكينة لتحجز الماء عن الزيت وربما احترقت

لتاكد من كل ذلك افحص الاتي
ماء الراديتر هل مستواه غير طبيعي ودائما يقل
هل قياس الزيت فيه قطرات ماء او لونه مختلف يميل الى البياض
اذا كان الجواب لبعض او كل هذه الاساله بنعم فالماكينة تحتاج توضيب وشكرا

[Yukon4Ever]

ويييييينكم

[الفني]

هل مازالت المشكلة موجودة .. أم أنها في ذلك اليوم فقط وإنتهت ..؟؟
هل الدخان صدر بعد ما ضغطت على البنزين إلى أن صار المحرك يقطع ( وصل الخط الأخمر )
هل الدخان فيه قليل من الزرقة ؟؟


عموما إذا راحت المشكلة فلا عاد تسوي كدا مرة تانية

[Yukon4Ever]

هممممممممم والله مشكور يالغالي لكن مافي حل غير التوضيب!
لكن في شيء بقوله وهو ان السياره كانت حارة في هذاك الوقت والجو كان معتدل
لكن ايش الي خلاها تخلط ماء وزيت علما باني لست ممن يكثر التفحيط لكني من راعين الدعس القوي والمقاومات>>>ما امشي الا وانا مكتم الموتر
والدخان ليس بالكثيف لكن اني اذكر انه قطع علي مرة وحده ماذا يعني ذالك
علما بان علامه افحص المحرك والعه لما احط المفتاح على الوضع اون لكن لما اشغل السياره تطفي واحيانا وانا ازر عليها بالدسع وتزيد السرعه تشتغل فترة 5 ثوان ثم تطفي علما بان الموتر صاااااااحي 100%
والدخان ابيض لا يوجد لا اللون الاسود والازرق
بنسبه للدرديتر فهو على مستواه الطبيعي لا ينقص ولا يزيد
وهناك شيء اعتقد انه السبب في ذالك الا وهو القير سبق وان وضبت القير
لكنه اصبح رديء يرد نمره مثلاا وانا ماشي في الثالث يرجعه على الثاني ويخلي السيارة تحن ثم يرجعها في الثالث وبعدين السيارة تنقز من محلها
وايضا يتاخر بالمره في التعشيق من الاول الى الثاني اذا كتمت الموتر
اسف على الاطاله ولكن ارجوا ان تكون المعلومات هذه قد تفيدك في معرفه المشكله وسبل الحل
وشكرا