هذا مثال يوضح الفرق بين الصورتين من حيث ( مكان التصوير - الجو - طريقة التصوير - الوضوح )
-------------------------------------------------------------------------------------
يا اخوي المرزوقي الموضوع واضح زي عين الشمس يعني مو ضروري انا احط موضوع عشان كلكم تقلدوني
الاشياء الي طرحتها والي طرحها باقي الاخوان واضحه تماماّ نتمنا من كل التطبيق ، ولا تنسى ان هذا عائد لمصلحة سياراتكم
(( يعني كل واحد راح يقدم الافضل بيكون الافضل ))
يا سلام عليك يا T.N.T ،، اضافات رائعه ،، تسلم على المشاركه
يا شباب بطلوا العادات القديمه والي هي خلنا نصور وبس
لاني ملاحظ كثييير ناس ما همها اي شى بس همها الوحيد التصوير وبس
يعني ما همتها الاضافات الي طرحتها انا واخوي T.N.T وما همتها ا1ا كانت السياره خربانه او مكسور فيها شى
* يجب الحرص عند التصوير ان تكون السياره نظيفه ( يعني مو تصورها وهي مغبره وحالتها حاله انا بصراحه ما ادري ليش الاهمال )
وما ادري بصراحه كيف يكون بخاطركم انكم تصورون سياراتكم الرائعه وهي مغبره وفيها شى منكسر يعني مهملها مره
" يا جماعة الخير شوفوا كيف الاجانب يحرصون على سيارتهم بالنظافه والاماكن المتميزه والحرص على تصليح الخراب
يعني ماشاءالله عليهم ناس مبدعين ما عليهم كلام
واحنا من حقنا نطور نفسنا شوي بالصور وبشروط التعديلات والاشياء الضروريه الي لازم نستعملها قبل تصوير السيارات
ترا التصوير عالم وفن وابداع وتميز ،، كل ما قدمت الافضل بتكون الافضل
على فكره ترا الصور الي تنطرح بالمنتدى يشوفها ملايين الناس وهي تنتشر من منتدى لمنتدى والناس تشوف الصور المعدله
يعني ممكن واحد يعدل احسن وافضل تعديل لكن مشكلته ان سيارته مو نظيفه ومو مصوره بمكان جميل والكاميرا مو واضحه
1- التصوير في اوقات الجو المغيم يكون افضل والاوقات الحلوة زي قبل المغرب وعند طلوع الشمس..
2- التصوير من غير فلاش لانه يعكس على اللوحة ويظلم السيارة..
3- الزوايا الحلوة ويفضل ان كل الصور تؤخذ للسيارة باكملها مع التركيز على الفكرة المطلوب اظهارها.
4- التصوير في الساحات الكبيرة مثل اللي عند الجامعه واي مكان حلو يكون بعيد عن زحمة الناس وفيه حرية اكثر للتصوير..
5- استخدام الدقة العالية في الكميرا ومن ثم تصغيرها في الكمبيوتر لكي تتمتع بالدقة الكاملة..
