معي حدود 24 الف هل تنصحوني في الفورد

[mbth20]

السلام عليكم ورحمة الله وبركاته
معي 24 الف ريال وصار لي سنة ونصف وانا اجمع في هالفلوس ولكني الان محتار حيث اني اريد اشتري سيارة واريد ادفع فلوسي في سيارة مضمونة وعملية وقليلة الاعطال حيث إني تعبت وانا اجمعها ولا اريد ادفعها في سيارة ما تستاهل فلذلك فكرت في الفورد كراون فكتوري او ماركيز موديل 97 حيث ان سعرها في حدود 24 الف وسيارة عائلية ووراسعة . اريد ان تنصحوني هل هي سيارة عملية وقوية وتتحمل السفروقليلة المشاكل وهل قيرها قوي وكيف صرفيتها في البنزين واهم شيء التحمل .
اريد نصيحتكم ومشورتكم وجزاكم الله الف الف خير ولكم جزيل الشكر

[# OMAR #]

توكل على الله وخذها ..
اهم شي في السيارة وكالتها والفورد وكالتهم ماعليها كلام ..
بس الله يعينك بالبنزين يعني اذا ماكان عندك عائلة كبيرة لاتاخذ سيارة ثمانية سلندر ..

ولاتنسى اهم شي انك تستخير ..
والله يوفقك ,,

[المهنا بيك]

وين تتوكل على الله

ما انصحك فيها

من كل النواحي
قطع الغيار غالي
البنزين يصرف
يعني كون معك 24 الف ومجمع لك سنه اتوقع حالتك الماديه مو ذيك الزود


والله اعلم عن الاستعمال وش يدريك بعد سنه ولا كم شهر تطلع لك العيوب حتى لو توديها لأقوى فحص بالعالم يسدونه لك بشئ تجاري وخلاص

انصحك اخوي نصحيه ادري انك ناوي تشتري الكراون عشان الكشخه وش فادتنا الكشخه والله ما تفيد بل تضر اكثر

انصحك تشتري لك كامري xl موديل 99 تشتريه ويمسك سعره
ولا اكسنت وكاله انت اللي فاتحها والله اتكلم معك جد وتمشيك كم سنه
وانا اعرف ناس معاهم اكسنت والله يمسكون فيها خطوط ومن اروع ما يكون


والراي لك

[NYC]

وعليكم السلام ورحمة الله وبركاته

السياره مريحه واستعملها جيد

بالنسبه لصرفيتها فهي في المدن : 17 ميل للغالون الواحد

في الطرقات السريعه : 25 ميل للغالون الواحد



اما صرفية الكامري 99 في المدن : 20 ميل للغالون الواحد

في الطرقات السريعه : 28 ميل للغالون الواحد

يعني اكثر من الماركيز

انا اقول توكل على الله ،، ولا تنسى الاستخاره

وبالتوفيق

[أبوحمد]

انا من رايي مثل راي الشباب

اما تاخذلك كامري او كورلا او هوندا او( اكسنت) وهذي اخر شي تفكر فيها


ورايي رايك

[*الـسـفـيـر*]

كل ما كان الموديل جديد كانت السيارة أضمن لك

وأنصحك بالكوريلا لأن قطعه رخيصة وإذا طلع فيه خراب ما راح يكلفك
وتقدر تآخذ مرسديس E موديل 91 أو 92
أو أنك تآخذ أكسنت وكالة واتريح بالك

وبالتوفيق

[احـــمـــد]

مرحبتين اخووي

انا معاي فكتوريا 97 بالنسبة للصرف التانكي تعبيه 60 يمشيك 600 كيلوو وانت تمشي 120

واذا انت تمشي بالخط 160 كم تمشيك بحدود 400 كيلوو

اما الكامري فتفلل ب50 وتمشيك 300 كم بنص التانكي وانت تمشي فوق 150

يعني بصراحه الكامري راح ترتاح له من ناحيه الصرف مره

وتبي نصيحتي خذ لك كامري 99 نضيف بلا اكسنت بلا خرابيط

[kk1kk]

انا انصحك انك ما تاخذه لأن إذا بتاخذ فورد مستعمل يعني اكيد مكرون " ملعون وادلينه - منتهي " وراح تصرف عليه اكثر (( الفورد معروف إذا كان مستعمل )) الأشياء إلي لازم تغيرها إذا شريت سيارة مستعمله :

1/ الكفرات وبتصكلك حول (( 1600 ريال ))

2/ فلتر البنزين

3/ سيور

وووووو....................... اشياء كثيره

انا انصحك في احد السيارات اليابانية

اخوك المحب : kk1kk