حبيت أشتري سيارة جديدة وقلت مالي غير أحبائي ..

سوبرا @user_11499 · 21-12-2004

بسم الله الرحمن الرحيم
السلام عليكم ..
كيفكم شباب ؟!
بصراحة يا شباب نويت أشتري سيارة جديدة 2005
واحترت بين ثلاث سيارات ,,, بغيتكم تساعدوني في الإختيار ..
كــــــــــامري .. أكــــــــــــورد .. مكــــــــــــــسيما
ها ياشباب وايش رأيكم ويش أختار ..
ياريت ياريت ياشباب ما تنسوا .. توضيح سبب الإختيار ..
مواصفات السيارة ..
من حيث القوة - أيهم يعيش أكثر - وصرفيتها للبنزين - وقطع غيار السيارة كيف ضماناتها و أسعارها ..
وإذا كان حبيب يعرف أسعارهم كاش وتقسيط ياريت يقلنا ايش الأسعار ..

مشـــــكورين & ما تقـــــــصروا

|586| أخوكم ســــــوبرا ...

سوبرا @user_11499 صاحب الموضوع · 21-02-2005

يا أخوي هذي السيارة لسع بدري عليها عشان تجي في السعودية ..
وأنا ما أتوقع إن مثل هالسيارة والموديل والشكل اللي وصفوه لنا في المنتدى في موضوع :
تقرير شامل عن مكسيما 2005

الـصـقـار @user_12505 · 18-02-2005

ماكسيما 2005 ابيض لؤلؤي قير عادي

احسن شي

وشف توقيعي

سوبرا @user_11499 صاحب الموضوع · 17-02-2005

أشكركم شباب على الأراء الحلوة ..
وبصراحة أنا قررت أشتري أحد اثنين ..
خلال شهر صفر إن شاء الله عشان تتيسر الأمور ..
احتمال كامري GLi أو مازدا zoom6 ..
طبعا ً كله فل أوبشن ..
ايش رأيكم ..

الأسطورة مستمرة @user_17032 · 22-01-2005

أخـــــــــــوي أنا أنصحك بالأكورد ومو ضروري تاخذ جديد

خذلك مستعمل أخو الجديد والسيارة تعيش معاك وأداءها رائع جدا وقطع غيارها

مب ذيك الغلاوة اللي يقولون عليها الناس لكن القطعة عمرها الإفتراضي طــــويل

مثل مايقولون الشباب والقرار قرارك سلملم

G_XR @user_17000 · 22-01-2005

السلام عليكم ورحمة الله وبركاته

اولاً: المكسيما
[size=4][color=#000000]تأتي في محركين V4,V6، [/color][/size]جاءت أحسن منها التيما، وأعطالها كثيرة.

ثانياُ: الأكورد تأتي في محركين V4,V6وهي لا تصرف بنزين وهناك عيب قطع الغيار غالية الثمن.

ثالثاُ: الكامري وتأتي في محركين V4,V6وهي لا تصرف بنزين وقطع غيارها رخيصةوأنصحك بشراءها لأن اعطالها قليلة.

Night @user_14595 · 20-01-2005

الاكورد في كل شي :)

تحياتي لك

night

سوبرا @user_11499 صاحب الموضوع · 04-01-2005

أشكرك أخوي المسك على الزيارة الحلوة والاقتراح الجميل ..
لكن للأسف أنا أبغى سيارة يابنية ( لك وللزمن ) ..!!
=====================================
مشكور أخوي اكس واي زد على المشاركة الحلوة ..
و إن شاء الله أنا بأستخير ..
.. لكن ناقصتني شوية معلومات عن قطع غيار للسيارات كامري - هوندا - مازدا ..
وشوية عن مشاكل السيارات مع العلم إني ما أتوقع راح تكون في مشاكل كثيرة في هذي السيارات ..
وبغيت أسأل يقولون في فرق في تعامل الشركة ( الوكيل ) مع العميل من ناحية الضمان و ......... الخ

أخوكم ســوبــرا ..

اكس واي زد @user_9608 · 02-01-2005

والله فعلا شئ يحير...الله يعينك ياسوبر والحقيقه الشباب ماقصروا قدموا معلومات قيمه وباين انها عن خبره
وما اقول الا استخير ربك

تحياتي

المســــــــــك @user_7855 · 01-01-2005

السلام عليكم

اما بعد ،،،،

نصيحة اذا تبغى تختار بين هاذي الثلاث سيارات خذ كامري

لاكن ليش ماتطالع في السيارات الثانيه :confused:

مثلا فولفو اس 40 او اس 60 ومثلا فورد منديو او ساب 3-5 :rolleyes: :rolleyes:

واتمنى انك تشتري سيارة ماتندم عليها بكرة |1|

مشكور على موضوعك

تحياتي |3|

سوبرا @user_11499 صاحب الموضوع · 01-01-2005

يا شباب مو معقولة ما أحد يعرف فروقات في أسعار القطع بين الكامري و الأكورد أضيفوا إلى هذه المقارنة مازدا 6 (6 سلندر أوتو )
بصراحة أنا أحتاج المعلومات هذي ضروري ..

أخوكم سوبرا ..

سوبرا @user_11499 صاحب الموضوع · 28-12-2004

أخوي أكورد وبس ماتعرف أسعار الفحمات والشمعات للسيارتين يعني مقارنة في الأسعار ..
========================================================
أشكرك اخوي ك ا م 717 على الترشيح الحلو والزيارة الحلوة ..

Ghonaim.a @user_5082 · 27-12-2004

السلام عليكم

انا ارشح الكامري لكن سعرها بالمقارنه مع مواصفاتها تعتبر غاليه جدا

والاكورد كذلك

ولا تبتعد عن هذه السيارتين نصيحه

اخوك ك ا م 717

أكورد وبس @user_7944 · 27-12-2004

بالنسبة للقطع المستهلكة والظاهرة مثل الفحمات والشمعات والبدي الكامري أرخص بكثير ، أما القطع الداخلية الرئيسية فيقولون ما فيه ذاك الفرق

وننتظر اختيارك

أهم شي ، لا تنسى الاستخارة

سوبرا @user_11499 صاحب الموضوع · 27-12-2004

شباب نسيت آخر استفسار ..
الحين الكل يقول إن الأكورد قطعها غالية .. طيب ممكن أي حبييب يعطيني مثال فيه الفرق بين الأكورد والكامري ..
طيب كيف تكلفة الصيانة نفس الشيء ؟!

مشـــــكورين & ما تقـــــــصروا

أخوكم ســــــوبرا ...

سوبرا @user_11499 صاحب الموضوع · 27-12-2004

أشكركم بصراحة يا شباب على هذا التواصل والتوضيح المفيد جداً لأي محتار بين كامري و أكورد ..
لكن البشارة ستكون بحول الله مع بداية السنة الجديدة إن شاء الله 1426 هـ
راح تعرفوا ايش اللي أخترته وبسبب ايش .. !!

أكورد وبس @user_7944 · 24-12-2004

القير اللي أتكلم عنه هو القير الأوتو ، في أكثر السيارات من فئة الأكورد 4 سرعات ، بينما الأكورد خمس سرعات

لكن العادي كلها خمس سرعات

والمكيف المزدوج يعني إن الراكب يتحكم في الحرارة على كيفه والسائق يتحكم في الحرارة أيضا ، يعني تحكمين للحرارة ، جهة يمنى وجهة يسرى

NsNs @user_12970 · 24-12-2004

بسم الله الرحمن الرحيم

اخوي سوبرا

مساك الله بالخير

والله انا اشوف ان الشباب ماقصروا ابد

لكن خذ راي يالحبيب

انا بذكر لك مميزات السياره + عيوبها

الهوندا اكورد 4

مميزاتها:-

جميله + عائليه + رحبه + فخمه + شكل + هيبه + شكل الاسطبات جميل جدا + الشنطه وسيعه

العيوب:-

قطع الغيار اسعارها نار

الكامري 2005

مميزاتها:-

اقتصاديه + عمليه + رحابه من الداخل

عيوبها:-

الشكل حق 2005 الطاسات حقته مالها داعي

+ ان الكامري في كل مكان

+ سعرها كثير عليها

+ لاحظ اي عائله تلقا سواقهم يسوق كامري |471|

+ ياكثر التكاسي ( الكامري)

+ انها سياره مشبوهه ( لاحظ عند اي تفتيش تلقا الشرطي يطالع) |214|

+ اذا كنت تبي تعدلها
ياكثر اللي عدلوها

::::::::::::::::::::::::::::::::::

طيب تعال معي يالحبيب

ليش ماتفكر في زوووم 6

والله سياره تمام

سياره سبورت وعمليه واقتصاديه وماتلقاها مثل الكامري وتجيك حلوه ومعدله

فكر

علما ان الفل اوبشن 4 سلندر وسعره 71 الف

وتلقا وحده فل اوبشن + اكسسوارات *الوكاله يصير 80 الف

* اكسسوارات الوكاله هي

فيابر من جميع الجهات

فورمايكا داخليه بلون السياره

شكمانين رهيبين والله

جلد

وهذي قيمتها كلها 7000 ريال

وارجوا ان اكون قد افتدك بشي

وشكرا

سوبرا @user_11499 صاحب الموضوع · 24-12-2004

أخوي ALTIMA 2005 مشكور على المواصلة ..
يصراحة الي فهمت من كلامك يعني كلهم مثل بعض بس الفرق في سعر السيارة وأسعار القطع ..
عموماً أشكرك على هذا التنبيه ..
==================================================
أخوي أكورد وبس مشكور على المواصلة ..
أخوي معليش في نقطتين ما فهمتها ..
الأولى كيف الكامري 2005 الجير حقها 4 سرعات والكريسيد القديمة حقتي كانت 5 سرعات ؟!
الثانية كيف يعني الأكورد يجي مكيفها مزدوج مثل الأفالون ؟!

مشـــــكورين & ما تقـــــــصروا

أخوكم ســــــوبرا ...

أكورد وبس @user_7944 · 24-12-2004

على فكرة

أهم ميزة خلتني أجزم على الأكورد إن قيرها خمس سرعات ، بينما الكامري أربع سرعات ، وهذا الشي يخلي السيارة ترتاح وصوت المكينة يكون هااادئ في الخط

وأيضا .. بما إنك تبي فل فالفل في الأكورد يحي مكيفها مزدوج مثل الأفالون