محتار والله محتار معي حدود 130 - 155 الف ريال ومحتار

والله السيارات اللي محتار بينهم كل وحده احلا من الثانيه

وطبعا انا حساوي مثلك

اتوقع احسن سيارة الفي اكس ار


تحياتي

أشوف راي الشباب صحيح
خذلك لكزس ES
ورتاح

اخوي لكزس

انا اخالف رأي عزوزي نهائياً .. لو كل واحد مثل كلامك كان الناس كلها شرت دتسن

وانت يا لكزس محتار بين اكثر من عشر سيارات كل شوي طلعت سيارة في راسك .. وأساساً حيرتك مو في محلها .. لأنك تحتار بين لاندكروزر وهذي سيارة دفع رباعي وكبيرة وبين مرسيدس او بي ام وهذي سيارة شبابية وفخمة .. فرق كبير لازم انت تعرف في البداية انت وش نوع السيارة الي تبغاها بعدين تحتار بين السيارات المنافسة لبعض مو كل سيارة نوع مختلف تماماً

ونصيحتي لك انك قبل ما تسأل روح الوكالات وشوف الفئة الخامسة وفئة E و A6 والطوارق على الطبيعة وتعرف الاسعار الاكيدة ولما تشوف السيارات اكيد في بعضهم ما راح يعجبك والبعض يعجبك تعال وعرض الي عجبوك ويقولون لك الشباب نصايحهم في السيارة بس بعد ما انت تشوف بعينك وتحدد اكثر السيارات الي احترت فيهم وخصوصاً انك مستعجل .. ولا تعتمد على رأي الناس بس لأن الناس اذواق واهم شي السيارة تعجبك انت

وبالتوفيق

من جدك ياخوي ؟

طبعا لكزس

خذ لك ار اكس 300 بشاشه لمس فل كامل

وربي جنان واسال مجرب

والله ماراح تندم

واذا ماتبي خذ اي اس وانت تضحك

2005 مووووووووت خصوصا الرمادي والعنابي

صدقني ياخوي ماراح تندم


.

اخوي من اسمك (لكزس ) يعني عاشق اللكزس وماتفكر في سيارة ثانية

عموما نصيحتي لك تاخذ اما GS300 أو RX اما ال ES فحرام تاخذه لأنه مايستاهل هالسعر خصوصا انه كامري محول لكزس ( مع احترامي لاصحاب الكوامري ) :)

بالتوفيق

اما على طاري اللنكون انا ماحطيت الموضوع هنا الا علشان انحاش من الامريكي

اخوي عزوووووووووزي والله كلامك 100 %
لكن وش تقول عن اصحاب الـ بي ام والمرسيدس من موديل 98 وطالع والى الحين عدل !!!
واذا كلامك صح
اجل باقي 3 سيارات
1- لكزس ES
2- لكزس RX
3- لاند كروزر VXR

انا ماابي احد يقولي خذ هذه
ابي احد يقولي عيب كبير في سيارة معينة علشان اشيلها من اللستة

وشكرا

والله مع احترامي لك بس انك تفكر في بي ام دبليو او اودي في الحسا هذا شي مجنون . .

انت ماتشوف الشوراع المكسرة والله حرام تاخذها وتكسرها في ذي الشواارع . .

اذا تبي رايي فكر في الاي اس الجديد 2005 وخاصة بعد التعديلات الجديدة

انا عندي الاي اس 2004 مررة رااايق ومرتااح عليه مررة (( حساوي زيك )) ..

واذا كنت تبي تتميز عندك اللنكولن الال اس 2005 والله مررة رووعة وسعره

في حدود 145 الف ولك الاختياار . .


سلااااااااااااااااااااام

اخواني تكفوووون ابي اسعار البي ام دبليو الفئة الخامسة

وعلى فكرة مشكلة الاودي الماكينة مو قوية مثل الـ A8
فالحين في مزاجي 5 سيارات محتار بينهم

1- لاند كروزر Vxr كامل المواصفات ( 2005 او 2004 )
2- لكزس Es ( الي مخليني متردد اني اخذه لانه يشبه الكامري )
3- مرسيدس E240 ( عيبها الوحيد العزم 180 حصان لكن فخامة لاتوصف )
4- بي ام دبليو الفئة الخامسة ( ماشفت صورتها من داخل بس شفتها من برا واما السعر ماادري كم )
5- الطوارق فولكس واجن ( المشكلة اني اتوقع ان سعره غالي وماشفته من داخل بعد )

اخوي التيما صراحة من برا الاودي خيالية وحلوة مرة
لكن من داخل مادخلت مزاجي

اخوي الخبير مشكلة المورانو عدة مشاكل وهي الصيانة في نيسان زفت و عزمها ضعيف الماكينة مو قوية ( 3200 سي سي )
لما تقارنها مع السفاري ( 4600 سي سي ) شف الفرق !!

سعرها (ان ماخانتني الذاكره) 160000 ريال فل سته سلندر....يعني زيد فلوسك شوي لأن السياره تستاهل بقووة

وهذي الصور





وعلى فكره الشكل الداخلي مثل اللي بالصوره بالضبط

انت روح شوفها واحكم

اخوي وازي ماقلت ولا شي عدل ههههههههه
ماابي لا مستعمل ولا ابي انتظر كم شهر ولا كم اسبوع :)

السيارات الي محتار بينها :-
1- لكزس Es
2- مرسيدس E
3- بي ام دبليو الفئة الخامسة
4- اودي A6
5- لاند VXR
6- طوارق
7- نيسان مورانو

اشرايك تنتظر وتاخذ GS 300 الجديده بحدود 3 إلى اربع شهور راح تنزل بس يبيلك بعدها 4 شهور إلى ان ينزل سعرها إلى 150000
ألف ريال ولا خذ لك
هوندا اكورد فول ابشن جلد خشب
او اضربلك ls 430 استعمال نظيف بتلقى 2002 او 2003 بحدود سعرك 130 إلى 150 ألف

اخوي الخبير انا ناوي اشتري ان شاء الله بعد اسبوع او اسبوعين
مو الي يقولي اصبر كم شهر واصبر كم شهر

انت تدري اني كنت بطلع سيارة قبل 5 شهور بس قالو لي اصبر الى رمضان بينزل لكزس Gs
ودامه مانزل ماني منتظره
حتى لو يقولون بينزل بعد اسبوع