ياجماعة سيارتى مرتفعة حرارتها وماعندى بندول

السلام عليكم

اخوي انا عندي مكسيما 99 وممكن اساعدك في هذي المشكلة
أول شي ودي انك تسويه هو انك تشيك على الرديتر اذا ناقص عبيه موية و السيارة شغالة وشوف هل تطلع فقاقيع موية وتنقص الموية مرة ثانية ولا لا ...
اذا كانت الاجابة صحيحة فمعنى هالكلام ان اما الرديتر فيه تنسيم(لكن انت تقول انك غيرت الرديتر) او راس المحرك في تنسيم يعني الله يعينك تمسك الراس و تغير وجيه الروس

لو ماء الرديتر ينقص و يوم تعبيه ما يطلع فقاقيع يعني مافي تنسيم لكن في تهريب ماء.....
عليك انك تشيك على الهوزات(الليات) تبع الرديتر و غطا الرديتر و (((((( وجه كوع البلف)))))

ابغاك تلاحظ حاجة مهمممممممممممممممممممممة
هي المكسيما حساسة من ناحية اي تنسيم في نظام الماء تبعها. يعني اي خلل راح يجيب حرارة مهما كان صغير

بالنسبة لطرمبة الماء تراها داخل المكينة يعني ماتقدر تغيرها الا اذا فكيت المكينة من محلها
وهذا يطرح سؤال يفرض نفسه فرضاً وهو هل فكيت المكينة انت قريب ولا شي
ولا كيف طلعت عليك الحرارة؟؟؟؟؟؟؟؟؟؟؟؟

وبعدين اخوي خذها قاعدة
النيسان ما تطلع حرارته الا اذا احد لعب في نظام تبريده او فك المكينة و ما رجعها مثل ماكانت

لو السيارة ما تنقص مويتها لكن الحرارة مستمرة فتأكد ان الحساس سليم (( عند اي كهربائي))

انا عندي ماطلعت الحرارة الا بعد ماركبت روس رياضية و كامات وبلووف رياضية
اطريت اني اركبلها رديتر صفين و مروحة ثالثة تشتغل مع الحساس و غيرت البلف بواحد جديد


المهم انا ماودي اتفلسف و اساتذة السيارات موجودين بها لمنتدى لكن ودي استفيد من خبرات الشباب و انت شوف لو اكتشفت شي جديد غير اللي انا قلته يا ريت تقوله علشان انا والشباب نستفيد

ودمتم

في عده اسباب تسبب الحرارة


1. الراديتور
2.Water Pump
3.السنسور تبع المراوح
4.الثرموستات
5.الهد (راس المحرك)
6.نوعية الماء المستخدم (Coolant)
7.المراوح نفسلها يمكن هي شغاله بس بطيئة نوعا ما
8.ال Belt تبع ال Water Pump يمكن تعبان مما يؤدي لعدم تحريك الماء داخل امكينه بشكل جيد
9.تسريب ماء


انت جرب اللي قلت لك عليه يعني افحصه زين

اذا كل شي شغال يعني الهد

بالتوفيق

مشكلتك اخوي في طرمبة الماء
بدل طرمبة الماء وبتنحل المشكله عندك

اخوي والله إني اعاني من نفس المشكلة في جيب نيسان زمان ما كان في شي بس سافرت في الظهر و أرتفاعة أكثر من النصف سويت تسيخ للديتر لكن مافي امل ولين اليوم ماء الليديتر ينقص كل يومين 1ليتر ما في تهريب ولاشيء
وترى مشاكل الليديتر اكثر شيء في نيسان

شيكت على راس المحرك؟

ما اعتقد ان سيارتك فيها شي خربان ولاكن

شيك على الترم ستات وطرمبة الماء

اخى العزيز فنى السيارات
من ملاحظاتى ان ماء الراديتر ماينقص ولا من الماء الجانبى
كيف اعرف ان هناك انسداد في المواسير او مشكلة فى غطاء الراديتر؟


مع الف شكر لك وللاخوان

ahammad91
المشكله ربما تجدها في انسداد الخراطيم او غطاء الراديتر
عندما تبرد السيارة لاحظ هل الخراطيم بها انكماش مضغوطة الى الداخل
اذا كان الجواب نعم فهذه المشكله في عملية تبادل الماء مع الخزان الجانبي وهي غالبا مشكله بسيطة تكمن في غطاء الراديتر

اذا كان ماء الراديتر ينقص بس الماء الجانبي موجود ربما هناك قطع صغير في مكان ما في الخراطيم

اذا لم يكن هذا ولا ذاك
لازم تجاوب على هذه الاسألة هل
لاحظت خروج ماء من الشكمان بطريقة غير طبيعية
هل ينقص ماء الراديتر بطريقة غير معتاده


رغم انك ماجاوبت على هذه الاسالة الا ان اعتقادي الشخصي ان سيارتك تحتاج الى ميزانية لديلكو

اخوى العمليات

كلامك صحيح هذا ماتعانى منه سيارتى ولكن ماهو الحل؟
وكيف اعرف سبب المشكله لعلاجها!

تحياتى لك وللاخ ميركوري1

ترتفع الحراره في الطهر لما تمشي عليها مسافه طويله الرياض الدمام

انا جربت المكسيا داخل المناطق حلوه وفي الخط مسافه طويله وفي الطهر ترتفع الحراره