للخبراء.... سؤال عن ثلاث ماركات وصيانتها

أخوي إذا كنت من سكان الرياض وتحب الفخامة والأداء والمنظر والثقل والبجاحة و و و

فأنصحك تشتري بي إم 740i موديل 2001 لأن هذا الطراز هو أفضل طرازات الشكل السابق (E38) وقطع غيارة وصيانته معقولة ولا يحتاج لها الوكيل مثل اللكزس أما الفياجرا فاسأل مجرب ولا تسأل المتفلسفين بدون علم. السيارة هذي ضعيفة في كل شي إلا العزم! تعليقها وأنظمة الشفط (الأبواب والشنطة) والهيدروليك بشكل عام فيها زفت وما يتصلح لاز تغيير كل 6 أشهر تقريباً.

حاول تشوف لك 740i نظيفة وترى سعرها أكثر من 80 ألف. وإذا شريت بلغني..;)

السلام عليكم ..........
اشكرك اخي BMW735i على الرد ...................
بصراحة ES300 مو داخلة مزاجي بالمرررررره................. مع انها لكزس .............
GS300 ............ والهوندا تفوقها بمرااحل حتى وان كانت مستعملة

بسم الله ، توكلت على الله ولا حول ولا قوة إلا بالله ،،،،،،،

عزيزي مان ، بعد ما أن تبين لي ماسبق وأن ذكرته سابقا ،،

توكل على الله وحده ، ثم صلي صلاة الإستخارة ، ركعتين من غير الفريضة ، وقل في سجودك الأخير الدعاء التالي

((
عن جابر رضي الله عنه - قال: كان النبى صلى الله عليه وسلم يُعلمنا الإستخارة في الأمور كلها كما يعملنا السورة من القرآن يقول: إذا هم أحدكم بالأمر فليركع ركعتين من غير الفريضة ثم ليقل: اللهم إني أستخيرك بعلمك ، و أستقدرك بقدرتك ، و أسألك من فضلك العظيم ،فإنك تقدر ولا أقدر ، وتعلم ولا أعلم ، و أنت علام الغيوب : اللهم إن كنت تعلم أن هذا الأمر خير لي في ديني ومعاشي وعاقبة أمري أو قال: عاجل أمري و آجله فاقدره لي ، ويسره لي ، ثم بارك لي فيه ، و إن كنت تعلم أن هذا الأمر شر لي فى ديني ومعاشي وعاقبة أمري أو قال: فى عاجل أمري وآجله ،فأصرفه عني ، و أصرفني عنه ، و أقدر لي الخير حيث كان، ثم أرضني به قال: و يسمى حاجته. رواه الخمسة إلا مُسلما
))

ثم توكل على الله توجه الى معارض عبداللطيف جميل ( تويوتا ولكزس )
واشتري ES300 على الزيرو ، وبإذن الله تعالى وحده لن تندم على هذه السيارة

والله الموفق

نعم هذا كلام صحيح .... التقنيه الزايده شيء سلبي في السياره وعطل بسيط في الكمبيوتر (( خصوصا ان الجو حااااار عندنا في الخليج والاجهزه الالكترونيه ماتتحمل الحراره )) يكلفك كثير ومن النادر تلقى احد يصلح لك العطل من أول مره


خذ لكزس وتوكل على الله ترى مافيه أحسن منها خصوصا انها يابانيه والياباني معرووف انه سياره تعتمد عليها

اشكر الاخوة على ردودهم .............
في البداية احب ان اوضح ........ المبلغ اللي اقدر اوصل له تقريبا 130 الف ريال ................ وانا انسان احب السيارة الفخمة التي
تكون فيها التقنية عالية مثل BMW ... وايضا اهم شيء الراحة في القيادة ... يعني مطبات وحفر شوارع الرياض ما تحس فيها....... ولكن كثير من الاخوة الزملاء نصحني بالابتعاد عنها....والفياغرا اذا شفته من الداخل وفخامته تعجز عن الوصف...
لكن انا اخاف من الصيانة .... ( وانا كانت معي سيارة المانية بس كانت غير مريحة ـ باسات )
ونصحوني وقالوا لي اللكزس .... على الذمة بتاعت كرف .......... وقيادتها سلسلة ومريحة ... اخف من سواقة الالماني
وانا مشاويري عادية ................... مو راعي دوران
وهل التقنية الزائدة تسبب المشاكل للسيارة ؟؟؟؟؟؟

وسلااامتكم .. وجزيتم خيرا

بسم الله ، وتوكلت على الله ولا حول ولا قوة إلا بالله ،،،،،،،

عزيزي مان مان :

قبل كل شئ ، انا أستقرأت من كلامك انك في خلال الفترة الجاية ناوي تشتري سيارة ان شاء الله

قبل الزحمة أقول "" يعطيك الله خيرها و يكفي شرها ، آمين "

أول حاجة : انت حاط عينك على السيارات الفاخرة ، زي البي ام و المرسيدس و لكزس ،،،،،،، ممتاز

القاعدة الأولى " حدد ميزانيتك " .
يعني بكم راح تشتريها و بكم راح تصونها ( الصيانة الدورية ) . يعني هل متسعد مثلا تدفع 1000 الى 1500 شهريا كمصروفات العناية بسيارتك !!! ؟؟؟

القاعدة الثانية "" حدد موقعك ""
يعني هل المنطقة اللي انت فيها ، موجود فيها وكيل السيارة ، في حالة انك احتجت انك تودي السيارة للوكيل .

القاعدة الرابعة "" حاجتك للسيارة ""
هل السيارة هذي اللي راح تشتريها ، الإعتماد راح يكون عليها بشكل كبير جدا في المشاوير (( بالعربي راح تكرفها )).

جاوبني على هذه الأسئلة ، وبإذن الله راح احد لك السيارة المناسبة لك

بالنسبة ( لمرسيدس و بي ام و لكزس )) سيارات عريقة ، راحة بال في الخطوط السريعة ، موصفات الآمان عالية جدا

لكن !!! ؟؟؟؟؟؟؟

لوخيروني بين هذي السيارات جميعها ،،،،،،،،، لقلت

الكامري و بسسسسسسسسسسسسسسسسسسسسسسسسسسسسسسسسسسسسسسسسسسسسسسسس

بصراحة كل سيارة لها قيمتها ومميزاتها الخاصة

لكن مثل هذه السيارات تتوافر فيها مميزات الراحة والأمان أكثر من غيرها من السيارات

وكل السيارات المذكورة تعمل كمنظومة إلكترونية

كل شيء له علاقة بالآخر يعني إذا خرب شيء له علاقة باللي قبله وهكذا

فإنت إذا ركبت مثل هذه السيارات لازم عنايتك تزيد

يعني تفرق الكامري وعن كل هذه السيارات مع احترامي لوجهات النظر

الكامري يمكن نقول عنها سيارة بدائية بالنسبة لهذه السيارات

فبالتالي العناية بها أقل من مثل هذه السيارات

وفي الأخير السيارة على حسب الاستعمال

بصراحه لكزس وبس

لا أرى أفضل من عبد اللطيف وكيل للسيارات في المملكة ..

تفضل هنا قد يفيدك هذا .:
http://www.assayyaratnet.com/forums/showthread.php?s=&threadid=4794

لكزس وبس ... سياره فخمه وهاديه وأحسن ما فيها انها ماتحتاج صيانه .... يعني اكرفها مثل ماتكرف كامري