ماهي الافضل ((لومينا او اكورد او باسات )) محتار ؟؟؟

اول شي استبعد اللومينا.. اعرف واحد معه لومينا ال اس 2005 .. اول ما طلعها من الوكاله والشكمان يرج ..ويقولي عن اصوات غريبه فيها تطلع وهو يمشي ..


احسن شي خذ لك اكورد لك وللزمن ..

أنا راح أتكلم من واقع خبرة---------------->صح ياخبرة كم سنة

مادري عن الجديدة لكن الأكورد عموما هي سيارة تتحمل انا عندي 2001 ويسوقوها ثلاث كل شوي واحد يستلمها واحد في الصباح والثاني بالاعصر والثالث دوران في الليل----------------------->هذا موتر ولا حمار
لكنها ماهي مريحه مافراسها راحة ولي يقول انها مريحة يقابلني------------------------->وين يقابلك؟
وقطع غيار ؟؟؟؟؟؟؟؟؟؟؟لكن والله سيارة حلوة -------------------------------->حلوة ولا مرة
لكن ماهي زي الكامري من ناحية تحمل وكمان من ناحية راحة الكامري أفضل------------------------------>توك كاتب موضوع انك محتار وايش تشتري الان صار عندك خبرة!!!!!!!!!!!!!!!!!!!!!
والسلام عليكم----------->وعليكم السلام

الاكوووووووووووووووووووووووووووووووووووووووووووووووووووووووورد

وارفع يدك

2005

فل كاااااااااااامل

تعييييييييش سنيييييييييييييين

وهذا راااااااايي

والله انك اضحكتني بكلامك اخوي لما قلت كل شي يعمر مثل اللومينا...لما تقارن اللومينا بالاكورد المفروض هالكلام ماينقال ابدا عن اللومينا لانها سياره معروف عنها ان خراباتها كثيييير....انا رحت الوكاله ابسأل عن اللومينا...استغرب الموظف والله قال لي ياخوي عندك اكورد جديد وتبي لومينا؟؟؟ خذ نصيحتي وخل عنك اللومينا ترى والله ماني مرتاح من خراباتها الي ماتخلص.....هذا موظف بنفس الوكاله وانت تقول لي تعمر؟؟؟ مع احترامي لك ...


نرجع حق محور حديثنا....طبعا مقارنة بالسيارت المذكوره مالك الا الاكورد ....فخامه وقوه وجوده عاليه ورساوه ماشاء الله عليها وفوق كذا "ياليت كل شي يعمر مثل الاكورد"

اذا تبي سياره عمليه مالك غير الاكورد


اما الباسات فابعد عنها



واللومينا مصاريفها كثيرة بنزين وقطع غيار الله يعينك....

شف ياعزيزي بعد ماجربت الفلوكس فاجن وعانيت من وكالتها
وشريتها ب47 الف وبعد 3 سنوات بعتها ب7 الاف بالطقاق

بقولك نصيحه اخويه

اشتري سيكل ولا تشتري سياره من سماكو

خير الأمور الوسط

الأكورد قوية وجبارة الجمال والثبات والوزن

وقبل كل شيء الأمر كله للمشتري

ولك التحية,,

نعم ،،، الأكورد هي أفضل خياراتك هذا إن سمعت النصيحة ،،، أما غير ذلك فأهم شي تسلم من الباسات .............

بسم الله الرحمن الرحيم

اللومينا : دفع خلفي.......6 سلنر......205 حصان...تقريبا .

الأكورد : دفع أمامي........4 سلندر......173 حصان...تقريبا .

باسات : دفع أمامي.......4 سلندر.....125 حصان...تقريبا .

خذلك أكورد وريح راسك.....

الاكورد الافضل بينهم كلهم

السلام عليكم
أضيف: يصراحة اللومينا 6 سلندر سيارة أتكلم عنها وبكل فخر ومن تجربة 3 سنوات دون اي خرابات (تبارك الله)حيث أني (افحط) و(أقاوم ) فيها من ثاني اسبوع من وكالتها . لاكنها تحمل مشكلة بسيطة وهي لفت الانظار .وأنا متأكد من اي خراب يحصل لاي لومينا هو بسبب العين والحسد والعياذ بالله (العين حق). وأكرر بأن العبارة (((ليت كل شيئ يعمر مثل اللومينا ))) 100%صحيحة . والباقي على الاخوان ,,,,,,,,
والسلام

شوف أخوي خذ الكلام و لا تدور غيره (مجرب)
** تبي سياره لك و للزمن و فخمة و اقتصادية و قطع متوفرة و راسية و حقت كشخة و رزه ما لك إلا الأكورد.
** تبي سيارة تعدل فيها و تضبط و تقاوم و سرعه و تهربد عليك و صرفية بنزين خذ اللومينا s .
** باسات شيلها من راسك لأنها ما تتحمل و قطعها غالية ( فخامة من غير سنع).
بس خذ النصيحة من محب :
أكورد و بس

اتوكل على الله وخذ الاكورد وغيرها لاتدور بصراحة ماشاء الله سيارة جدا جميلة

الصراحه اللمينا s
ماتصلح خد للكss

او خد لاكورد

لومينا لومينا

اللومينا كثيره مع اخواياي وخرابها مايخلص

يمكن الاكورد او الباسات بس على مااعتقد الثانيه لانها فخامه ولا وش رايكم

مشكورين ياخوان على الردود وماتقصرون

انا اقول خذ الاكورد فخامه اقتصاديه في الوقود قويه وعمليه اكثر وجوده في قطع الغيار وراسيه في الخطوط
وانصحك ب6 سلندر واذا فلوسك قليله خذ 4 سلندر اكثر من ممتازه
اما الومينا صرفيه بنزين غير متكامله تحس يبي لها اضافات غير راسيه اللي هي لومينا اس
اما الباسات حلوه ولكن ليست عمليه وعزمها ضعيف ومرتفعه الاسعار في اسعار السياره وفي قطع الغيار