أخواني أعضاء ورواد المنتدى الزائرين الكرام هذة نصيحتي لوجة اللة أبتغي فيها ألأجر والمثوبة من أخ مخلص في اللة تعالى ,,من نعم الله علينا السيارات التي تحملنا من مكان الى آخر دون عناء أوتعب فأحمدوا اللة تعالى يأخواني غيرنا يمشي على رجولة ما يحصل حتى أقرب الناس لة علشان يوصلونة ! وغيرنا معوق ما يقدر يقضي حاجتة ! فحافظوا على هذة النعمة الا وهي السيارة وأشكروا الله واللة اننا في نعمة وخير غيرنا محروم منها ولله الحمد والمنة والفضل , يأخواني لاتخلون السيارات بس للعب ومطارد الحريم ! وتأذون بنات خلق اللة واللة ثم واللة أني أري العجب من بعض الناس تفحيط ومطارد النساء العفيفات ! أنتم ترضون على حريمكم والله لو تشوف واحد بس يطالع في حرمتك ما رضيت ! كيف انت تستغل نعمة اللة عليك السيارة في معصية الله أكيد يوم من ألأيام بتنقلب عليك نقمة !! اتقوا الله في أنفسكم وفي ألأوقات التي تضيع في الدوجة في الشوراع تقولون كلاب ضايعة! ومطار حريم النساء الشريفات وان قلتوا فية حريم طالعة متبرجة ومتزينة وتلفت ألأنتباه ؟ أقول لا مش معقول ان كل حرمة بتطالع فيكم أو بتغضب اللة الا القليل منهن العاصيات للة وانت يأخوي تعصي اللة معها لازم تكون أحسن منها في تقوى اللة واستغلال السيارة في الحلال علشان اللة يبارك لك فيها , والدوجة في الشوارع ترا ما فيها خير والله كلها مشاكل وتعريض نفسك للخطر والبلاوي غير كذا صرف بنزين على الفاضي يعني أصرف لك روح ضيع وقتك في المسجد قوم الليل أكسب أجر قبل؟؟؟؟ لايفوت الفوت؟؟؟ السيارة يأخوان صنعت لقضاء الحاجات و ألأستعمال الحلال بس مش علشان أفحط وأطارد وأسرع وأذبح عباد اللة وفي النهاية تخسر أهلك دية ضعف قيمة سيارتك اللي تفشخر فيها على الفاضي !! أسرد لكم قصة وحدة من قريباتي والله يأخواني انها تفطر القلب تقول كنت رايحة أصلي التراويح في المسجد في شهر البركة وكنت أمشي على رجولي لأن المسجد قريب والحرمة هاذي كبيرة في السن تقول عندما قطعت السكة كان على جانب السكة ماي كان الوقت مطر جاء واحد ما يخاف اللة ومرر سيارتة علي طبعا بقصد تغريقها في الماء وأسرع بالسيارة وطش الماي علي وقعد يضحك هو والحمير اللي معاة !! ياترى الموقف هذا ما أثر فيكم الحرمة مهي رايحة دسكوا والا !! رايحة لطاعة الرحمن وياويلة من غضب الرحمن ,, زبدة الموضوع يأخواني العظة والعبرة لمن يريد ألأعتبار . وأسأل الله لكم التوفيق والسداد . اللهم أني بلغت اللهم فأشهد. شكراا لكل من قرأ نصيحتي وأدعوا لي .